Արհեստական բանականությունն իր կրոնն է ստեղծել

Ինժեներ Ջորջ Դավիլա Դյուրանդալը մշակել է AI Jesus (Արհեստական բանականություն Հիսուս) նախագիծը, որտեղ ներբեռնել է Հակոբ թագավորի Աստվածաշնչի ողջ տեքստը: Այդ թարգմանությամբ Աստվածաշունչը լույս է տեսել Անգլիայում՝ 1611թ., և անգլալեզու երկրներում ամենաշատ ընթերցվող տարբերակն է: Ինժեներն ալգորիթմն այնպես է կարգավորել, որ աստվածաշնչյան տեքստերի հիման վրա արհեստական բանականությունը ստեղծի հաղորդակցություն Հին Կտակարանի ոճով: Դյուրանդալի խոսքով՝ էլեկտրոնային Հիսուսը փորձել է վերարտադրել Հակոբ թագավորի Աստվածաշունչը՝ տեսքտն ամբողջությամբ չկրկնօրինակելով:

Ստեղծված առաջին հատվածների երկարությունը կազմել է 30 հազարից ավելի բառ: Դյուրանդալը խնդիր է դրել կառուցել կապակցված տեսքս՝ նրա կողմից ընտրված 3 թեմաների շուրջ՝ «Ժանտախտ», «Կեսար», «Ապոկալիպսիս»: «Հիսուսի» մոտ հետևյալ պատկերն է ստացվել. «Եվ կլցնեմ երկիրը, որը քո Տեր Աստվածն է քեզ տվել, որպեսզի համտեսես Տեր Ցևաոտի (Աստծո) հզորությունը՝ ուժեղ և փառահեղ, ով տիրում է աշխարհի որդիների վրա, և իմ հայացքը քեզ եմ ուղղում, և դու կկոչվես ժողովուրդ»:

AI Jesus-ի կազմած այս և այլ տեսքստեր բավականին աբստրակտ են ստացվել և պարունակել են քերականական սխալներ: Այդ ժամանակ Դյուրանդելը փոխել է կոդը և ընտրել շարադրման այլ թեմաներ. «Արյուն», «Հույներ», «Իմաստնություն»: Սխալներն այս դեպքում նվազել են: Սակայն «գեղարվեստական մշակումը և մարգարեական ոգին» դեռևս բավարար չեն եղել: Դյուրանդալի կարծիքով՝ միաժամանակ երկու նպատակների հնարավոր չէ հասնել: Արհեստական բանականության համար գեղարվեստականությունը նորմերից ու չափորոշիչներից հեռացում է, ընդ որում՝ բոլոր: Մեքենայի համար արարչությունը դեռևս համարժեք է կանոնների (այդ թվում՝ քերականական) խախտմանը: Եվ ընդհակառակը՝ տեխնիկապես գրագետ տեքստն արհեստականան բանականության մոտ ստացվում է ձանձրալի և «անկենդան»:

Ընդհանուր առմամբ՝ անմարդկային երևույթի կողմից գրված պատմական դասագրքերն արդեն անհնարին չեն: Սակայն գիտնականները կանխատեսում են, որ AI Jesus-ի նման հեղինակներին ևս 2 տասնամյակ կպահանջվի, որպեսզի նրանց կոդերում տեղադրեն այն, ինչ ոչ բոլոր մարդիկ ունեն՝ ինտուիցիա (ներըմբռնում): Դյուրանդելի խոսքով՝ ներկայումս արհեստական բանականության տեքստերը «կատակի հետաքրքիր միջոց են՝ տոնական սեղանի շուրջ հավաքված հավատացյալ հարազատներին վախեցնելու համար»: