NASA-ն կորոնավիրուսի կանխարգելման նպատակով հատուկ կուլոն է արտադրել — Շեշտ.am (shesht.am)
3 րոպե
Խմբագրություն

NASA-ն կորոնավիրուսի կանխարգելման նպատակով հատուկ կուլոն է արտադրել

PULSE-ը նախազգուշական թրթռումների միջոցով կրճատելու է ձեռքով դեմքին դիպչելու հաճախականությունը՝ նվազեցնելով Covid-19-ի տարածման հավանականությունը: Սարքի արտադրության համար անհրաժեշտ բոլոր տարրերը տեղադրված են բաց կոդով:

PULSE / © NASA

NASA-ն կորոնավիրուսի կանխարգելման գործում իր ներդրումն է ունեցել՝ ստեղծելով PULSE-ը՝ ստեղծելով կախազարդ (կուլոն), որը, ըստ հեղինակների, պետք է օգնի կորոնավիրուսի տարածման դեմ պայքարում:

PULSE / © NASA

PULSE-ն իրենից ենթադրում է թեթև սարքավորում՝ նախատեսված կրծքավանդակին կրելու համար: Կուլոնն ունի ինֆրակարմիր ցուցիչ, որն արձանագրում է իր գործողության տիրույթում հայտնվող տարբեր մարմինները, օրինակ՝ ձեռքերը, որոնք մարդը մոտեցնում է դեմքին: Յուրաքանչյուր անգամ, երբ ինֆրակարմիր ցուցիչը ճանաչում է ձեռքը, կուլոնում տեղադրված փոքր մոնիտորը սկսում է թրթռալ:

© JPLraw

NASA-ն համարում է, որ պարբերական թրթռումը մարդկանց նախ ցույց կտա, թե ինչ հաճախականությամբ են նրանք դիպչում դեմքին՝ չզգալով դա: Երկրորդ՝ PULSE-ը կօգնի ձեռք բերել օգտակար սովորություն և հրաժարվել ձեռքով դեմքին դիպչելու անցանկալի գործողությունից:

PULSE / © NASA

Կուլոնը մշակել են NASA-յի Ռեակտիվ շարժման լաբորատորիայի 3 մասնագետներ, ովքեր, ղեկավարության համաձայնությամբ, մշակումն իրականացրել են առանց հեղինակային իրավունքների ու արտոնագրերի. PULSE-ի հավաքման համար անհրաժեշտ սարքավորումների ամբողջական ցանկը, 3D տպիչով տարրերը տպելու համար մոդելավորման ֆայլեր, ուղեցույցներ. այդ ամենը բաց սկզբաղբյուրի կոդով տեղադրվել է ընդհանուր հասանելիությամբ:

PULSE-ի տարրերը / © NASA

Հավելենք, որ Առողջապահության համաշխարհային կազմակերպությունը կորոնավիրուսի տարածման հիմնական ճանապարհ է համարում օդակաթիլայինը, երբ վարակված մասնիկները դուրս են թռչում հազի ու փռշտոցի ժամանակ: Կեղտոտ ձեռքերով դեմքին դիպչելիս Covid-19-ի հարուցիչը կարող է հայտնվել բերանին, քթին, աչքերին, այդ պատճառով ԱՀԿ-ն հորդորում է հաճախակի և մանրակրկիտ լվանալ ձեռքերը:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

3 րոպե
Խմբագրություն

Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն ու հնարավոր զարգացումները, Իրանի ԻՀՊԿ-ի գլխավոր շտաբի պետը հայտարարում է, որ իրանական հրթիռները կարող են հասնել Բաքու և ոչնչացնել այն:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.