Սոցցանցերում ու ԶԼՄ-ներում գրում են Իլոն Մասկի մասին: Նա կարանտինն անվանում է «ֆաշիստական» ու պահանջում վերադարձնել մարդկանց ազատությունը
Tesla-յի և SpaceX-ի ղեկավարը ենթարկվել է քննադատության. նրան հիշեցրել են ապրիլի վերջին համավարակի ավարտի մասին կանխատեսմամբ գրառման և խոստացած՝ թոքերի արհեստական օդափոխման սարքերի մասին:
Կորոնավիրուսի համավարակի ամենասկզբից Իլոն Մասկը համարվում է գլխավոր թերահավատներից մեկը. նա բազմիցս հաստատել է, որ վտանգը չափազանցված է, և խուճապն ավելի մեծ վնաս կբերի, քան հենց Covid-19-ը:
Որքան երկար է ԱՄՆ-ում ձգվում կարանտինը, այնքան շատ մարդիկ հանդես են գալիս դրա դեմ: Մի քանի քաղաքներում ամերիկացիներն արդեն դուրս են եկել բողոքի ցույցերի՝ պահանջելով թուլացնել սահմանափակումները և վերացնել դրանց մի մասը: Ապրիլի 29-ին այդ կոչերին միացել է նաև Մասկը՝ դա անելով այն բանից հետո, երբ Կալիֆորնիայում shelter in place («մնալ թաքստոցում») ռեժիմը երկարաձգել են մինչև մայիսի վերջը: Այդ պատճառով Tesla-ն ստիպված է եղել հետաձգել էլեկտրոմոբիլների հավաքման միակ գործարանի բացումը:
Գործարարն իր թվիթերյան էջում մի քանի կոչեր է հրապարակել, կիսվել է Տեխասի իշխանությունների ծրագրերի մասին նորություններով՝ խանութներն ու սրճարանները բացելու վերաբերյալ, The Wall Street Journal-ի հրապարակումներով այն մասին, որ համընդհանուր «արգելափակումը» լուրջ ազդեցություն չի ունենում մարդկանց կյանքերը փրկելու հարցում:
Միևնույն ժամանակ՝ Մասկը լիովին չի հերքում կորոնավիրուսի վտանգավորությունը: Նա առաջարկում է երկիրը բացել զգուշությամբ և անվտանգության անհրաժեշտ միջոցառումներով, բայց մարդկանց փաստացի տնային կալանքի չենթարկել: Գործարարը խելամիտ է համարել Գերմանիայի իշխանությունների քայլերը, որտեղ աստիճանաբար մեղմացնում են կարանտինային միջոցառումները:
Ավելի ուշ, լրագրողների հետ զրույցում, կալիֆորնիական մեկուսացումը Մակսն անվանել է «ֆաշիստական»:
Նրա խոսքով` shelter in place ռեժիմի երկարաձգումը մարդկանց հարկադրական փակում է տանը, որը դեմ է նրանց սահմանադրական իրավունքին: Ըստ Մասկի` դա մարդկանց իրավունքների խախտում է սարսափելի և սխալ միջոցներով: Դա, նրա խոսքով, չի համընկնում նրա հետ, որ մարդիկ ժամանել են Ամերիկա և այստեղ պետություն կերտել:
Իլոն Մասկի խոսքով՝ եթե կան մարդիկ, որ ցանկանում են տանը մնալ, հրաշալի է: Նրանց պետք չէ ստիպել՝ վերադառնալու բնականոն կյանքի: Սակայն հրամայել մնալ տանը և ասել, թե հակառակ դեպքում կկալանավորեն, ապա դա ֆաշիզմ է: Ժողովրդավարական չէ, ազատություն չէ: Նա կոչ է արել մարդկանց վերադարձնել իրենց ազատությունը:
Այնուհետև Մասկը գծապատկեր է հրապարակել, ըստ որի՝ կալիֆորնիական հիվանդանոցների ծանրաբեռնվածությունն էականորեն տարբերվում է կանխատեսվողից: Նույն թեմայով այլ հրապարակում ավելի ուշ հեռացրել է:
Դրանից հետո Մասկի վրա գրոհել են մի շարք լրագրողներ, ովքեր մինչ այս էլ նրան խիստ քննադատում էին Covid-19-ի հարցում ունեցած դիրքորոշման համար: The Verge-ի հեղինակը նշել է, որ ձեռնարկատերը ոչ միայն մոլորվում է, այլև իրական վտանգ է ստեղծում համավարակի ամենակարևոր իրավիճակում: Նրա խոսքով՝ մարդիկ լսում են Մասկի հակառակ կարծիքը, նա ունի բազմաթիվ երկրպագուներ, ովքեր նրա խոսքն են ընդունում որպես իրականություն: Եվ քանի դեռ աշխարհն անորոշ վիճակում է, այդ մարդիկ այժմ ունեն հիմնավորում՝ կանոնները խախտելու և բռնկման պատճառ դառնալու:
Ջոշուա Տոպոլսկին ենթադրել է, որ Մասկին դրդում է ոչ թե դեմոկրատիային հավատարմությունը, այլ եկամուտ ստանալու ցանկությունը. Tesla-յի աշխատանքը և հաջողությունն ուղղակիորեն կապված են նրանից, թե դեռ ինչքան կձգվի կարանտինը: Լրագրողը նշել է, որ նրա հրապարակումներն ամերիկյան ազատության մասին չեն, մարդկանց իրավունքների մասին չեն, այլ՝ համավարակի ընթացքում հարստանալու ձգտման:
Սոցցանցերում Մասկը նույնպես հանդիպել է քննադատությունների ալիքի:
Մասկին պատասխանել է սոցցանցերում հայտնի դոկտոր Յուջին Գուն, ում լաբորատորիան Կալիֆորնիայում զբաղվում է կորոնավիրուսի թեստավորմամբ:
Հիշատակվել են Մասկի այն թվիթները, որտեղ նա ապրիլի վերջերին ԱՄՆ-ում զրոյին մոկ վարակվածություն էր կանխատեսել: Ապրիլի 29-ին երկրում արձանագրվել է ավելի քան 1 մլն վարակվածություն, մեկ օրում՝ 27 հազար:
Ձեռնարկատիրոջը հիշեցրել են նաև Թոքերի արհեստական օդափոխման սարքերի անբավարարության դեպքում դրանց «հարցը լուծելու» խոստումը: Մինչ օրս Մասկը 1000 ԹԱՕՍ է գնել ու նվիրել ամերիկյան հիվանդանոցներին, սակայն, պարզվել է, դրանք քնի խանգարումը բուժման համար ոչ արդյունավետ պարագաներ են:
Բայց եղել են նաև մարդիկ, ովքեր սատարել են Մասկին:
Վերջում հավելենք, որ քանի դեռ մյուս հայտնիները մարտի կեսերից մարդկանց կոչ են անում մնալ տներում, Մասկը մինչև վերջ չի փակել Tesla-յի գործարանը, իսկ աշխատակիցներին պատմել է ավտովթարից մահանալու ավելի մեծ հավանականության մասին:
Հյուսիսատլանտյան հարթ կետերի հետազոտությամբ զբաղվող կոնսորցիումը 2025 թվականի համար գնահատել է այս տեսակի թվաքանակը մոտ 382 կենդանի։ Նոյեմբերի 16-ին հրապարակված գնահատականը 1,8 տոկոսով ցածր է 2024 թվականի վերանայված ցուցանիշից։
Դանիայի Սեյերո կղզում թաղված տղամարդը մանկության տարիներին հիմնականում սնվել է ծովից ստացած մթերքներով։ Նրա ատամների վերլուծությունը ցույց է տվել, որ պատանեկությունից սկսած նա ավելի շատ ցամաքային սնունդ է օգտագործել՝ այն ժամանակ, երբ տարածաշրջանում արդեն հայտնվել էին առաջին երկրագործները։
NASA-ն ավարտել է «Նենսի Գրեյս Ռոման» տիեզերական աստղադիտակի գործիքների փոխադարձ դիրքի ճշգրտումը։ Փորձնական դիտումներով թիմը պարզել է, թե ինչպես պետք է ուղղել աստղադիտակը, որպեսզի այն դիտման ընթացքում կայուն պահի թիրախը։
ԱՄՆ ռազմաօդային ուժերի երկու F-15EX Eagle II կործանիչ նոյեմբերի 15-ին վայրէջք են կատարել Օկինավայի Կադենա ավիաբազայում։ Սա ԱՄՆ-ից դուրս առաջին ավիաբազան է, որտեղ այդ կործանիչները կտեղակայվեն մշտապես։
Եվրոպական տիեզերական գործակալությունը նոյեմբերի 12-ին բաց հասանելիությամբ հրապարակել է «Էվկլիդ» տիեզերական աստղադիտակի մոտ 13 ամսվա դիտումների տվյալները։ Դրանք աստղագետներին կօգնեն կազմել Տիեզերքի եռաչափ քարտեզ և ուսումնասիրել մութ նյութի բաշխումը։
Սոլքի ինստիտուտի հետազոտողները մշակել են մեթոդ, որը նույն բջջում ցույց է տալիս թե՛ ԴՆԹ-ի խմբագրման արդյունքը, թե՛ գեների ակտիվության փոփոխությունները։ Մարդու լաբորատոր բջիջների մի խմբում մեթոդը հայտնաբերել է խմբագրման 43 տեղամաս, որոնցից 36-ը նախատեսված թիրախներից դուրս էին։
ԱՄՆ ռազմաօդային ուժերի երկու F-15EX Eagle II կործանիչ նոյեմբերի 15-ին վայրէջք են կատարել Օկինավայի Կադենա ավիաբազայում։ Սա ԱՄՆ-ից դուրս առաջին ավիաբազան է, որտեղ այդ կործանիչները կտեղակայվեն մշտապես։
Եվրոպական տիեզերական գործակալությունը նոյեմբերի 12-ին բաց հասանելիությամբ հրապարակել է «Էվկլիդ» տիեզերական աստղադիտակի մոտ 13 ամսվա դիտումների տվյալները։ Դրանք աստղագետներին կօգնեն կազմել Տիեզերքի եռաչափ քարտեզ և ուսումնասիրել մութ նյութի բաշխումը։
Սոլքի ինստիտուտի հետազոտողները մշակել են մեթոդ, որը նույն բջջում ցույց է տալիս թե՛ ԴՆԹ-ի խմբագրման արդյունքը, թե՛ գեների ակտիվության փոփոխությունները։ Մարդու լաբորատոր բջիջների մի խմբում մեթոդը հայտնաբերել է խմբագրման 43 տեղամաս, որոնցից 36-ը նախատեսված թիրախներից դուրս էին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա