Խնդիրը 2 խմբի է բաժանել օգտատերերին, թեև երկուսն էլ ճիշտ են
Երկու կողմն էլ վստահ է, որ ճիշտ է: Նույնիսկ հաշվիչ սարքերն են տարբեր թվեր պատասխանում:
Թվիթերյան օգտատերերին բարկացրել է այն, որ խնդրի պատասխանը միանշանակ չի ստացվում. ոմանք ստանում են 1, իսկ մյուսները` 16:
Մի մասը մյուսին ծաղրում է սոցցանցում, խորհուրդ տալիս դիմել մաթեմատիկոսի, փոխարենը՝ ստանում նույն խորհուրդը: Երկու կողմն էլ վստահ է, որ ճիշտ է: Նույնիսկ հաշվիչ սարքերն են տարբեր թվեր պատասխանում:
Ոմանք նույնիսկ սկսել էին ապացույցներ ներկայացնել` իրենց հաշվարկներն արդարացնելու համար:
Պարզվեց, սակայն, որ երկու ճամբարներում էլ ճիշտ են հաշվում, բոլոր հաշվիչներն էլ ճիշտ են հավասարում: Խնդիրն ուղղակի նշանագրությունն էր: Այսինքն, մի մասը սկզբում բազմապատկում է, հետո` բաժանում, մյուսները` հակառակը:
Շուտով օգտատերերը հասկացան, որ անհամաձայնության պատճառը դպրոցում մաթեմատիկայի տարբեր մեթոդներով ուսուցումն է: Սկզբում բազմապատկողները կիրառում են PEMDAS տարբերակը` նախ` բացում են փակագծերը, հետո՝ բազմապատկում, այնուհետև` բաժանում և ստանում հավասարումը. այս դեպքում ստացվում է 1:
BODMAS մեթոդի դեպքում հավասարումը ստացվում է 16. բացվում են փակագծերը, բաժանումը, ապա՝ բազմապատկումը:
Այսինքն, սխալ նշանագրության պատճառով առաջացել է թյուրըմբռնում: Պետք էր հավելյալ փակագծեր կիրառել, բայց դրանք չկան:
Մեկնաբանությունները