Արհեստական բանականության նոր ալգորիթմը մարդկանց վերածել է կենդանիների
Արհեստական բանականությամբ զբաղվող Քսանդեր Ստինբրյուգեն լուսանկարներում մարդկանց կենդանիների և հակառակը վերածելու համար օգտագործել է մեքենայացված ուսուցման գեներատիվ մոդելները:
Արհեստական բանականության օգնությամբ լուսանկարներ մշակելու տեխնոլոգիան հրապուրիչ երևույթ է հանդիսանում: Տեղի է ունենում առկա ալգորիթմների աստիճանական բարելավում: Արհեստական բանականության հետազոտող Քսանդեր Ստինբրյուգեն մոդել է ստեղծել, որը ոչ միայն մարդկանց պատկերներին կենդանական նշաններ է հաղորդում, այլև մարդկանց դեմքի հիման վրա ստեղծում է կատվի ու շան դիմապատկերներ:
Ստինբրյուգեի խոսքով՝ ԱԲ-ի ուսուցման համար օգտագործել է կենդանիների 15 հազար նկարներ՝ HD որակի: Արդյունքում ստացվել են անիմորֆների լուսանկարներ՝ կինը վերածվում է սարսափելի կատվի, տղամարդը՝ ընձառյուծի՝ օդաչուի ակնոցով:
Այս փորձարկումը հանդիսանում է Քսանդեր Ստինբրյուգեի մեկ այլ՝ Neural Syntesthesia անվամբ ավելի խոշոր ծրագրի մաս: Նրա խոսքով՝ սկսվել է թվային մեդիայի նոր դարաշրջան, որտեղ ստեղծագործությունն ինտերակտիվ գործընթաց է, որին մասնակից են մարդն ու մեքենան:
Մեկնաբանությունները