The Verge-ը iPhone 4-ը համարել է վերջին 10-ամյակի լավագույն գաջեթ
2010-ականների լավագույն սարքավորումների 100 կետից բաղկացած ցանկի առաջին տասնյակում տեղ են գտել Apple-ի չորս մոդելներ:
The Verge պարբերականը սահմանել է այն 100 գաջեթների ցանկը, որոնք, հրատարակության կարծիքով, հատուկ են 2010-ականներին: Ցանկում առաջին հորիզոնականը զբաղեցրել է iPone 4-ը: Apple-ի այս սմարթֆոնը թողարկվել է 2010թ.: Ուշագրավ է, որ միայն այս առաջին տեղի վերաբերյալ լրագրողները չեն վիճարկել:
Գլխավոր խմբագիր Նիլայա Պատելի խոսքով՝ iPhone 4-ը երբևէ արտադրված սմարթֆոններից ամենագեղեցիկն է և մինչ օրս բազային օրինակ է հանդիսանում ժամանակակից սմարթֆոնների համար: Պատելի կարծիքով՝ iPone 4-ն առաջին հեռախոսն էր՝ «բուտերբրոդի» տեսքով՝ պատրաստված ապակե էկրանից և մետաղական կաղապարից: Այդպիսի դիզայներական ժառանգությունը մինչ օրս հնարավոր է տեսնել ֆլագմանային սմարթֆոնների մոտ:
iPone 4-ը, Պատելի հիշեցմամբ, առաջինն է ստացել Retina-դիսփլեյ և սելֆի-տեսախցիկ: Իսկ հիմնական 5MP տեսախցիկը որակի չափորոշիչ է սահմանել, ըստ որի էլ մրցում են մյուս արտադրողները: Օպերացիոն համակարգը հնարավորություն ուներ մեկնարկել ֆոնային հավելվածներ և առաջին անգամ կոչվել է «iOS»: Apple-ի առաջին՝ A4 միկրոպրոցեսորը, պարբերականի գլխավոր խմբագրի պնդմամբ, ընկերության համար տասնամյակի առաջատարությունն է ապահովել այս ոլորտում:
The Verge-հիշեցրել է նաև, որ iPone 4-ը բախվել է «անտենգեյթի» հետ: Այն ալեհավաքի անհարմար դիրքի պատճառով վատ կապի պատճառով ստեղծված սկանդալ էր: Այս կապակցությամբ Սթիվ Ջոբսը մամուլի ասուլիս էր հրավիրել՝ ներկայացնելով, որ մյուս սմարթֆոնները ևս ունեն նման խնդիր: Դրանից հետո Apple-ը կարողացավ նոր շաբլոն թողարկել՝ ճգնաժամից դուրս գալու համար:
Լրագրողները հիշեցրել են նաև iPhone 4-ի նախատիպը բարում թողնելու դիպվածի մասին: Այդ ժամանակ Gizmodo հրատարակությունն այն գնել էր 5 հազար դոլարով և նյութ էր հրապարակել: Gizmodo-ն կարողացել էր խուսափել իրեն սպառնացող քրեական պատասխանատվությունից: Ինչպես նշում է The Verge-ը, չնայած այդ միջադեպին՝ ներկայումս ամեն դեպքում տեղեկությունն արտահոսում է:
Топ-10 по версии The Verge: Իսկ The Verge-ի համաձայն՝ ԹՈՓ 10-յակը հետևյալ տեսքն ունի.
1. iPhone 4 (2010).
2. «Խելացի» բարձրախոս Amazon Echo (2014).
3. Macbook Air (2013).
4. Samsung Galaxy S6 (2015).
5. Tesla Model S (2012).
6. AirPods (2016).
7. Apple Watch Series 3 (2017).
8. Microsoft Surface Pro 3 (2014).
9. PlayStation 4 (2013).
10. Google Pixel 2 (2017):
Հաղորդվում է, որ The Verge-ը վարկանիշային ցանկը կազմելիս որոշակի անլրջություն է դրսևորել: 12-րդ հորիզոնականում հայտնվել է Netflix-ի կոճակով հեռակառավարման վահանակը, որն ԱՄՆ-ում մեծ լսարան ապահովեց ծառայության համար: 20-րդ տեղում Juul էլեկտրոնային ծխախոտի բրենդն է, 24-ում՝ փոփոսոքեթները, 26-ում՝ գրեթե ոչնչացված Lightning լարը: 98-ում Juicero հյութաքամիչն է, 100-րդում՝ Google Glass «խելացի» ակնոցը:
Nintendo Switch-ը 15-րդ հորիզոնականում է հայտնվել, Xbox One-ը՝ 61-րդը: Ինչ վերաբերում է մյուս սմարթֆոններին, ապա The Verge-ի ցանկում Google Pixel-ը 50-րդ հորիզոնականում է, OnePlus Pne-ը՝ 62-րդում, իսկ Galaxy Note 7-ը՝ 65-րդ հորիզոնականում:
Մեկնաբանությունները