3 տեսախցիկով iPhone, տիտանե Apple Watch և այլն. ի՞նչ սպասել Apple-ի առաջիկա շնորհանդեսից — Շեշտ.am (shesht.am)
12 րոպե
Խմբագրություն

3 տեսախցիկով iPhone, տիտանե Apple Watch և այլն. ի՞նչ սպասել Apple-ի առաջիկա շնորհանդեսից

Սեպտեմբերյան շնորհանդեսից առաջ հայտնի են դարձել Apple-ի նորամուծությունների մասին բացառիկ տեղեկություններ: Նորություններ կլինեն գրեթե բոլոր ծրագրերում:

Նոր՝ iPhone 11 / ©9to5mac

Օգոստոսի 29-ին Apple ընկերությունը լրագրողներին հրավեր է ուղարկել ամենամյա սեպտեմբերյան շնորհանդեսին մասնակցելու համար: «Միայն նորարարության շնորհիվ» կարգախոսը կրող միջոցառումը կկայանա սեպտեմբերի 10-ին «Ստիվ Ջոբսի թատրոնում»:

Տեղեկություններ կան, որ ընկերությունն այդ ժամանակ ներկայացնելու է նոր iPhone, Apple Watch, MacBook Pro, iPad և իրերին հետևելու համակարգ:

iPhone 11-ի 3 տարբերակներ՝ ներառյալ Max Pro

Այս տարի Apple-ը կներկայացնի iPhone-ի 3 տարբերակ. երկուսը կլինեն հիմնական շարքից՝ OLED էկրանով, և թարմացված XR՝ LCD էկրանով: Դրանք հնարավոր է՝ կոչվեն iPhone XI, XI Max և XIR կամ սովորական թվերով՝ 11, 11 Pro Max:

ԶԼՄ-ները և վերլուծաբանները կարծում են, որ Apple-ի նոր մոդելների վրա լուրջ ուշադրություն է դարձվելու տեսախցիկներին: Հիմնական մոդելային շարքը կունենա 3 տեսախցիկ, իսկ iPhone XR-ը՝ 2:

Կանխատեսումների համաձայն՝ iPhone 11-ի տեսախցիկներից յուրաքանչյուրը կլինի 12 ՄՊ: iOS-ն ինքնաբերաբար կմիացնի տարբեր լինզաներից արված նկարները, կբարելավի դրանց որակը: Նույն կերպ նաև տեսահոլովակ նկարելիս կլինի:

Երեք մոդելներն էլ ունենալու են թարմացված Face ID: Մեծ դիտանկյան շնորհիվ դրանով արդեն հնարավոր կլինի հեռախոսն ակտիվացնել առանց սեղանից վերցնելու: Սելֆի-տեսախցիկը 7 ՄՊ-ից կդառնա 12 ՄՊ:

Նոր սմարթֆոնները կաշխատեն A13 պրոցեսորով, որի առանձնահատկություններից մեկը AMX չիպն է կամ «մայր» համապրոցեսորը: Այն կպատասխանի մաթեմատիկական բարդ խնդիրներին և թույլ կտա լավացնել աշխատանքը համակարգչային բանականության և լրացված իրականության հետ:

Սարքավորումների դիզայնն էական փոփոխություններ չի կրելու: Որոշ արտահոսքի համաձայն՝ iPhone XR-ը կարող է ունենալ պատյանի նոր գույներ:

Նորամուծությունների շարքում են արագագործ LTE-ն և WiFi-ը, ավելի հզոր մարտկոցները, ինչպես նաև անլար հետադարձ լիցքավորման ֆունկցիան: Հաղորդվում է, որ նոր iPhone-ները շուկայում կլինեն սեպտեմբերի 27-ից:

Տիտանե Apple Watch

Համաձայն Եվրոպական տնտեսական հանրույթին (EEC) ներկայացված փաստաթղթերի՝ Apple-ը պատրաստել է Apple Watch-ի 4 նոր մոդելներ: Դրանք նոր սենդի կլինեն, թե՝ ոչ, չի հաղորդվում, միայն հայտնի է, որ այլ մետաղներից են լինելու:

Լրագրողները կարծում են, թե Apple Watch Series 5-ը կթողարկվի 2019-ին և կկենտրոնանա ծրագրային փոփոխությունների վրա: Ենթադրվում է, որ ընկերությունը կվերադառնա կերամիկական տարբերակներին և կթողարկի տիտանե Apple Watch:

Apple Watch` տիտան և կերամիկա / ©iHelpBR.com

Ծրագրային թարմացման արդյունքում ժամացույցները կունենան նոր ֆունկցիաներ, օրինակ՝ «քնի հետևում»:

Անձնական իրերին հետևում

Շնորհանդեսի կարևոր հատվածը վերաբերում է Apple-ի կողմից մշակված՝ իրերին հետևող համակարգը:

Այդ գործառույթը կօգտագործվի «Լոկատոր» հավելվածի միջոցով, որում միավորված են ընկերներին և օգտատերերի կորած իրերը որոնելու ֆունկցիաները:

Թրեկերները (իրերին հետևելու սարք) կարելի է ամրացնել ցանկացած ապրանքի: Այն աշխատում է փոխվող մարտկոցներով՝ հավանաբար կոճակային: Լիցքի նվազման դեպքում սարքը զգուշացնում է մարտկոցը փոխելու անհրաժեշտության մասին:

«Լոկատորը» կզգուշացնի օգտատիրոջը, եթե նա չափից շատ հեռանա իր թրեքերով ապրանքից: Կորած իրը գտնելու համար պետք է ակտիվացնել կորստի ռեժիմը, որը սարքի վրա ձայնային ազդանշան կմիացնի: Չգտնելու դեպքում մոտակայքում գտնվող iPhone ունեցողը զգուշացում կստանա այդ մասին, և նրան կուղարկվի իրը կորցրած անձի մասին տեղեկություն:

Իր մրցակիցներից այս համակարգը տարբերվում է նրանով, որ կարելի է պարզապես միացնել տեսախցիկը, և այն ցույց է տալիս թրեքերի տեղը սենյակում:

Նոր iPad, MacBook և Apple TV

Apple ընկերությունը հոկտեմբերին կներկայացնի 11 և 12,9 դյույմ էկրանով iPad Pro-ն՝ նոր պրոցեսորներով ու տեսախցիկներով՝ ինչպես վերջին iPhone-ների վրա:

MacBook Pro-ն 2019թ. արդեն թարմացվել է, բայց Apple-ը կթողարկի 16 դյույմ էկրանով մոդել, որտեղ էկրանի չափը կմեծանա շրջանակի փոքրացման շնորհիվ:

iPad Pro 2019 / ©Ամելիա Հոլոուեյթի Քրեյլս, The Verge-ի համար

iOS 13-ի արտաքին տարբերակի կոդում հայտնաբերվել է հիշատակում Apple TV-ի նոր մոդելի մասին: Նրա մասին միայն հայտնի է, որ ունենալու է նոր՝ A12 պրոցեսոր: Հերթական թարմացումը սպասվում է, որ կներկայացվի սեպտեմբերյան միջոցառման ժամանակ:

iOS-ի, macOS-ի, watch OS-ի, tvOS-ի նոր մոդելներ և ծառայություններ

iOS 13-ում հիմնական շեշտադրումն արագագործությունն է և մեկուսացվածությունը: Apple-ը մշակել է գրանցման սեփական համակարգը և արտադրողներին կպարտադրի օգտագործել այն, եթե նրանք սոցցանցով են մուտք գործում համակարգ:

Apple-ի ծրագրային մշակման գծով փոխտնօրեն Քրեյգ Ֆեդերիգին բեմից հայտարարել է, որ ծրագրերը համակարգում կսկսվեն բացվել կրկնակի արագ, իսկ Face ID-ով ապաբլոկավորում կկատարվի 3 անգամ ավելի արագ: Միաժամանակ, ծրագրերի ծավալը կկրճատվի 50%-ով, իսկ թարմացումների ծավալը կպակասի 60%-ով:

Apple-ը iOS 13—ում ներդրել է բազմաթիվ ստանդարտ հավելվածներ: Ավելացվել է հոլովակը շրջելու հնարավորություն, նկարների ֆունկցիայի ինտերֆեյսն է փոփոխվել, ավելացել են խմբագրման նոր գործիքներ: Նոր ծրագիրն ինքնուրույ կընտրելի հաջողված նկարները, իսկ չստացվածները կհեռացնի:

Քարտեզներում մեծացել է դետալիզացիան: Դրա համար Apple-ի աշխատակիցներն անցել են 6,5 մլն կմ ճանապարհ, սակայն փոփոխությունները նկատելի են դեռևս ԱՄՆ-ի մի քանի քաղաքներում: Ավելացվել է Look Around գործիքը, որը նման է Google-ի Street View-ին, բայց աշխատում է ինչպես զբոսանք՝ առանց սոսնձման:

Համակարգում ավելացվել է նաև մուգ թեմատիկա, որը հնարավոր է ակտիվացնել օրվա ինչ-որ ժամերի:

iOS 13 / ©Apple

Նոր macOS-ը ստացել է Catalina անունը: Նորամուծություններից գլխավորը iPad-ի հավելվածների հետ համապատասխանությունն է: Մշակողները կարող են հավելվածները տեղափոխել՝ զրոյից արտագրելու փոխարեն՝ օգտվելով Apple Xcode գործիքից:

Հաջորդ կարևոր նորամուծությունը SideCar ֆունկցիան է: Այն թույլ է տալիս iPad-ն օգտագործել որպես երկրորդ մոնիտոր կամ MacBook-ի համար գրաֆիկական պլանշետ: Նախկինում դրա համար պետք էր կողմնակի ընկերություններից գնել լուծումներ: Բացի այդ, Catalina-յում ընկերությունը
iTunes-ը կառանձնացնի 3 առանձին ծրագրերի՝ Երաժշտություն, TV և Պոդքաստեր:

watchOS 6-ի թողարկմամբ Apple Watch-ը կունենա հավելվածների սեփական անկախ խանութը: Ծրագրերը հնարավոր կլինի ներբեռնել և ժամացույցի վրա տեղադրել առանց iPhone-ի օգնության:

iPad-ը macOS-ի համար կարելի է օգտագործել որպես 2-րդ էկրան / ©Apple

Մյուս նորարարություններից են «ակտիվության թրենդները», շրջակայքի աղմուկի դետեկտորը, դաշտանային ցիկլին հետևելու, քնի լիարժեք թրեկինգ: Բացի այդ, watchOS 6-ը կունենա նաև iOS-ի ստանդարտ ծրագրերի թվային էկրան՝ դիկտոֆոնի և հաշվիչի տեսքով:

tvOS 13-ի գլխավոր նորամուծությունը վերամշակված գլխավոր էկրանն է: Այժմ Apple TV-ն աջակցելու է մի քանի օգտատերերի, որոնց համար ձևավորվում են հեռուստահաղորդումների և ֆիլմերի անհատական առաջարկներ: Հաշվի փոփոխության դեպքում համակարգը փլեյլիստը և մյուս տվյալները կմիացնի մյուս ծրագրերին, օրինակ՝ Apple Music-ին:

tvOS 13-ում ավելացվել է հայտնի խաղերի վերահսկողության աջակցություն, ներառյալ Xbox One S-ի և PlayStation DualShock 4-ի:

Սեպտեմբերյան շնորհանդեսին լրագրողները սպասում են նոր մանրամասների՝ Apple Arcade խաղային ծառայության և Apple TV+ սթրիմինգային հարթակի մասին: Դրանք ներկայացվել են դեռևս 2019թ. մարտին, բայց այն ժամանակ ընկերությունը չի նշել թողարկման ժամկետները և ծառայությունների գները:

Ամենաընթերցվածը

2 րոպե
Խմբագրություն

Ադրբեջանցիները Վրաստանում նույնպես անհանգիստ են. տարածված տեսանյութերում երևում են Դմանիսիում ադրբեջանցիների ու վրացիների միջև տեղի ունեցած զանգվածային բախումները: Մեծ թվով իրավապահներ են կենտրոնացել, սակայն իրավիճակը շարունակում է լարված մնալ:

2 րոպե
Խմբագրություն

«Ռեալիստ» տեղեկատվական գործակալության գլխավոր խմբագրի համոզմամբ՝ Գազայի հատվածում ստեղծված իրադրությունն ուղղակիորեն կապ ունի հայկական Սյունիքի շուրջ տեղի ունեցող գործընթացների հետ։ Պնդում է, որ Արցախի ճանաչման հարցը շուտով բոլորի համար ակնհայտ կդառնա։

2 րոպե
Խմբագրություն

Ադրբեջանցիները Վրաստանում նույնպես անհանգիստ են. տարածված տեսանյութերում երևում են Դմանիսիում ադրբեջանցիների ու վրացիների միջև տեղի ունեցած զանգվածային բախումները: Մեծ թվով իրավապահներ են կենտրոնացել, սակայն իրավիճակը շարունակում է լարված մնալ:

4 րոպե
Խմբագրություն

Նշվում է, որ եթե ժամկետը լրանալուն պես նրանք չնահանջեն, ՀՀ զինված ուժերը պատրաստվում են ուժ կիրառել։

2 րոպե
Խմբագրություն

«Ռեալիստ» տեղեկատվական գործակալության գլխավոր խմբագրի համոզմամբ՝ Գազայի հատվածում ստեղծված իրադրությունն ուղղակիորեն կապ ունի հայկական Սյունիքի շուրջ տեղի ունեցող գործընթացների հետ։ Պնդում է, որ Արցախի ճանաչման հարցը շուտով բոլորի համար ակնհայտ կդառնա։

4 րոպե
Խմբագրություն

Նշվում է, որ եթե ժամկետը լրանալուն պես նրանք չնահանջեն, ՀՀ զինված ուժերը պատրաստվում են ուժ կիրառել։

2 րոպե
Խմբագրություն

Ադրբեջանցիները Վրաստանում նույնպես անհանգիստ են. տարածված տեսանյութերում երևում են Դմանիսիում ադրբեջանցիների ու վրացիների միջև տեղի ունեցած զանգվածային բախումները: Մեծ թվով իրավապահներ են կենտրոնացել, սակայն իրավիճակը շարունակում է լարված մնալ:

5 րոպե
Խմբագրություն

Հայաստանում հիշում են, թե Իսրայելն ինչպես էր զինում Ադրբեջանին՝ Արցախի դեմ պատերազմի համար, սակայն հիմա ակնհայտ է, որ թուրքերը դեմ են դուրս գալիս Իսրայելին․ Անկարան այժմ սպառնում է Թել Ավիվին, ինչի մասին Երևանում դեռ ամսիներ առաջ էին նախազգուշացնում։

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.