Հայաստանում նվազագույն աշխատավարձը կդառնա 68 հազար դրամ
Կառավարությունը հունիսի 27-ի նիստում որոշել է հավանություն տալ «Նվազագույն ամսական աշխատավարձի մասին» ՀՀ օրենքում փոփոխություններ կատարելու մասին» Հայաստանի Հանրապետության օրենքի նախագծին:
Նախագծով առաջարկվում է նվազագույն աշխատավարձի չափը սահմանել 55 հազար դրամի փոխարեն 63 հազար, իսկ կառավարությունն առաջարկում է, որ այն սահմանվի 68 հազար դրամ:
Հարցը կներկայացվի Ազգային ժողովի քննարկմանը:
Ամենացածր աշխատավարձ ստացող եվրոպական երկրների ցանկում Հայաստանը 4-րդն է
Ուկրաինական վերլուծական Texty.org.ua կենտրոնն ուսումնասիրել է, Եվրոպայում հարկերի վճարումից հետո ամենացածր միջին աշխատավարձ ունեցող պետությունների ցանկը:
Պարզվել է, որ ամենացածր ցուցանիշը Ուկրաինայում է՝ 190 եվրո: Երկրորդ և 3-րդ հորիզոնականներում են հայտնվել Մոլդովան (216 եվրո) ու Ադրբեջանը (232 եվրո):
Հայաստանը 4-րդ հորիզոնականում է (251 եվրո)։ Հայաստանին հաջորդում է Վրաստանը (293 եվրո)։
Որ երկրներում են ստանում ամենաբարձր աշխատավարձը
Համաշխարհային բանկի տվյալներով՝ ամենաբարձր միջին աշխատավարձը ստանում են Լյուքսեմբուրգի, Քաթարի, Նորվեգիայի, Սինգապուրի և Շվեյցարիայի քաղաքացիները։ Օրինակ Լյուքսեմբուրգում տարեկան միջին աշխատավարձը 91,388 դոլար է կազմում, որն ամսական կազմում է 7,615.67 դոլար։
Մեկնաբանությունները