ՍՈւ-30ՍՄ բազմաֆունկցիոնալ գերժամանակակից ինքնաթիռներն արդեն Հայաստանում են
Վարչապետը հետևել է կործանիչների ցուցադրական թռիչքին և խոստացել անձամբ կատարել թռիչք:
ՀՀ վարչապետ Նիկոլ Փաշինյանը մասնակցել է ՍՈւ-30ՍՄ բազմաֆունկցիոնալ գերժամանակակից կործանիչների ներկայացմանը: Ինքնաթիռները կատարել են ցուցադրական թռիչք: Տեսանյութում երևում է, որ դրանք 4-ն են (ինչպես և սպասվում էր):
Նիկոլ Փաշինյանը նաև պարգևատրել է ռուս օդաչուներին՝ խոստանալով թռիչք իրականացնել ՍՈւ-30ՍՄ-ով: Վարչապետը նշել է, որ այն արդեն նախատեսված է:
Վարչապետն ինքնաթիռների գնումը համարել է տարվա կարևորագույն ձեռքբերումը: Պաշտպանության նախարարության մամուլի քարտուղար Արծրուն Հովհաննիսյանն իր հերթին շնորհավորել է, որ իրադարձությունը երազանք էր և նվեր` նախարար Դավիթ Տոնոյանի ծնդդյան օրվա կապակցությամբ:
Հիշեցնենք` վերջին փորձարկումը մոտ 10 օր առաջ իրականացվել է Նովոսիբիրսկում՝ Տոլմաչյովոյի օդանավակայանում: Ավելի վաղ հաղորդվել էր, որ հետագայում նախատեսվում է ևս 8-ը գնել:
Այսօր նաև հաղորդվել է այլ զինատեսակի ձեռքբերման մասին: Խոսքը հակաօդային պաշտպանության «Օսա ԱԿ» համալիրների խոշոր խմբաքանակի մասին է:
Վարչապետը նշել է, որ զենիթահրթիռային համալիրները տեղում մոդեռնիզացվելու են ձեռք բերված մյուս զինատեսակների հետ՝ անխոցելի է դարձնելով Հայաստանի օդային սահմանները:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները