Ամուլսարի բեկումը. ինչպե՞ս որոշվեց քննարկել նոր ՇՄԱԳ-ի տարբերակը — Շեշտ.am (shesht.am)
5 րոպե
Խմբագրություն

Ամուլսարի բեկումը. ինչպե՞ս որոշվեց քննարկել նոր ՇՄԱԳ-ի տարբերակը

Սեպտեմբերի 4-ին Շրջակա միջավայրի նախարարությունը կտա նոր ՇՄԱԳ կատարելու անհրաժեշության վերաբերյալ եզրակացությունը: Մինչ այդ, ի հայտ են եկել նոր տեղեկություններ, Քննչական խմբի ղեկավարի նկատմամբ ծառայողական քննություն է սկսվել:

Նիկոլ Փաշինյան / ©fip.am

Մինչև օգոստոսի 21-ն Ամուլսարի թեմայով քննարկումների ընթացքում Կառավարությունը, ԷԼԱՐԴ-ի եզրակացությունն ստանալուց հետո, կարծես համոզված էր դրա տեղեկությունների վստահելիության վրա: Այդ ընթացքում նոր ՇՄԱԳ (Շրջակա միջավայրի վրա ազդեցության գնահատում) անցկացնելու որոշման անհրաժեշտություն չի առաջացել:

Սակայն օգոստոսի 21-ին քննարկման ժամանակ Շրջակա միջավայրի նախարարության ներկայացուցիչը կարծիք է հայտնել, որ նոր ՇՄԱԳ-ի անհրաժեշտության վերաբերյալ հարցին կարող է պատասխանել միայն խորը ուսումնասիրությունից հետո: Դրան հաջորդել է Վարչապետի հանձնարարականը՝ նախարարության կողմից ուսումնասիրություն կատարելու: ՇՄ նախարարության եզրակացությունը ներկայացվելու է սեպտեմբերի 4-ին:

Այսօրվա որոշման մասին, որպեսզի տարընթերցումներ չլինեն: Այսօրվա քննարկման ամենավերջում (ինչպես ավելի վաղ տեղեկացրել եմ,…

Опубликовано Nikol Pashinyan / Նիկոլ Փաշինյան Среда, 21 августа 2019 г.

Այնուհետև Նիկոլ Փաշինյանն այցելեց Ամուլսարի հարակից բնակավայրեր՝ անձամբ զրուցելու քաղաքացիների հետ և հասկանալու նրանց տրամադրվածությունը հանքի վերաբացման նկատմամբ:

Իմ ելույթը Ջերմուկում:

Опубликовано Nikol Pashinyan / Նիկոլ Փաշինյան Пятница, 23 августа 2019 г.

Հանքի շահագործման հարցում տարբեր տեսակետներ ունեցող քաղաքացիների հետ հանդիպման արդյունքում վարչապետը հետևյալ եզրակացությունն արեց.

Այսօր Ամուլսարի տարածաշրջան կատարած այցի՝ ինձ համար ամենակարեւորն հետեւությունն այն է, որ մարդիկ գիտեն եւ վստահ են, որ…

Опубликовано Nikol Pashinyan / Նիկոլ Փաշինյան Пятница, 23 августа 2019 г.

Հաջորդ կարևոր իրադարձությունը, որ շրջադարձային էր Ամուլսարի շուրջ ստեղծված հարցում, ԷԼԱՐԴ-ի հետ Skype-կոնֆերանսն էր: Վարչապետի հաղորդմամբ՝ այդ քննարկումը նոր իրողություններ է ի հայտ բերել, որոնք առընչվում են նոր ՇՄԱԳ կատարելու հարցին:

Skype-կոնֆերանս ԷԼԱՐԴ-ի փորձագետների հետ / ©Government of Armenia

Մինչ Շրջակա միջավայրի նախարարության եզրակացությունը, այս քննարկման արդյունքում ձեռք է բերվել տեղեկատվություն, որն, ըստ վարչապետի, նոր քննարկման ու գնահատման կարիք ունի: Այն հիմնականում թերի կամ թաքցվող տեղեկություններին է վերաբերում, ինչի մասին տեսակոնֆերանսի ժամանակ հայտարարում են ԷԼԱՐԴ-ի փորձագետները: Խոսքը նաև հարցն ուսումնասիրող քննչական խմբին է վերաբերում, որի աշխատանքը բնապահպաններն ու այլք կասկածելի են համարում:

Վերջինիս հետ կապված նշենք, որ ներկայումս Ամուլսարի գործով քննչական խմբի ղեկավար Յուրա Իվանյանի նկատմամբ իրականացվում է ծառայողական քննություն: Պատճառը հետևյալն է. հայտնի է դարձել, որ Իվանյանի (իսկական ազգանունը՝ Գրիգորյան) և Բնապահպանության նախկին նախարար Արամայիս Գրիգորյանի միջև ազգակցական կապ կա: Այս նախարարն է հենց 2016թ. հաստատել Ամուլսարի հանքի շահագործման դրական եզրակացությունը:

Ու թեև վարչապետն իշխանական ու հասարակական շրջանակներում ունի բազմաթիվ համակիրներ, ովքեր վստահ են, որ նա կայացնելու է բացարձակապես ճիշտ որոշում, ինչի մանդատն օրենսդրորեն ունի, այնուամենայնիվ, Նիկոլ Փաշինյանը հաշվի է առնում նաև դեմ արտահայտվողների կարծիքը՝ կարևորելով Հայաստանի հավասարակշռված շահը և խորհուրդ տալով սպասել սեպտեմբերի 4-ին:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.