Ամուլսարի շուրջ ստեղծված իրադրությունը. ի՞նչ է կատարվում
Հանքի խնդրի վերաբերյալ երեկոյան Նիկոլ Փաշինյանը հանդես կգա հայտարարությամբ: Իսկ մինչ այդ տեսնենք, թե ինչ է կատարվում:
Ամուլսարի շուրջ ստեղծված իրադրությունն այսօր որոշակի լարվածություն է առաջացրել. Բաղրամյան պողոտայում տեղի է ունեցել բախում ոստիկանների և ակտիվիստների միջև, Վարչապետի նկատմամբ բազմաթիվ քաղաքացիներ բացասական վերաբերմունք են արտահայտել՝ մեղադրելով հանքի շահագործումը թույլատրմանն օժանդակելու մեջ: Սպասվում է վարչապետի հայտարարությունը: Իսկ մինչ այդ տեսնենք, թե ինչի՞ց սկսվեց այս լարվածությունն ու ինչ է կատարվում:
Ի՞նչ է պատահել
Ամուլսարի հանքի ուսումնասիրության հիմնականում դրական որակված եզրակացության վերաբերյալ օգոստոսի 15-ին Քննչական կոմիտեի նախագահի արած հայտարարությունից հետո Նիկոլ Փաշինյանը նշել էր, որ Կառավարությունը կուսումնասիրի եզրակացությունը և կկայացնի համապատասխան որոշում:
Այնուհետև իշխանության մի շարք ներկայացուցիչներ հանդես եկան հայտարարություններով՝ պաշտպանելով հանքի շահագործման անհրաժեշտությունը:
Դրանց հակառակվեցին բնապահպաններն ու տվյալ տարածաշրջանի բնակիչները՝ կտրականապես մերժելով հանքի շահագործման տարբերակը:
Ամուլսարի շահագործման դեմ են հանդես եկել մի շարք պաշտոնյաներ, մասնագետներ և հայտնիներ:
Ավելի մանրամասն՝ ի՞նչ եզրակացության մասին է խոսքը
Քննչական կոմիտեի նախագահ Հայկ Գրիգորյանը Կառավարության նիստի ժամանակ ներկայացնել է Ամուլսարի հանքի վերաբերյալ «Էլարդ» միջազգային փորձագիտական խմբի եզրակացությունը՝ առանձնացնելով 3 հիմնական կետ.
1. Ամուլսարի ստորգետնյա ջրերի և Ջերմուկի տերմալ աղբյուրների միջև որևէ կապ չկա:
2. Ամուլսարի ստորգետնյա ջրերի և Սևանի ավազանի միջև որևէ կապ չկա: Սակայն երկրաշարժի պարագայում հնարավոր է թթվային դրենաժի ինչ-որ կոնցենտրացիայի ներթափանցում Սպանդարյան-Կեչուտ ջրամբարի միջոցով Սևանա լճի ավազան, բայց այդ կոնցենտրացիայի համակցությունը Սևանա լճի ավազանի ծավալներում աննշան կլինի:
3. Ամենակարևոր հանգամանքը՝ Ամուլսարի ստորգետնյա ջրերի ազդեցությունն է Դարբ, Որոտան, Արփա գետերի վրա, որը հնարավոր է լինի, սակայն եթե «Լիդիան» ՓԲԸ-ն ձեռնարկի փորձագիտական խմբի կողմից ներկայացվող, առաջարկվող 16 մեղմման միջոց, այդ ռիսկերը կառավարելի կլինեն:
Մինչդեռ բնապահպաններն այլ շեշտադրումներ են անում.
Ինչո՞ւ պետք է շահագործվի. կարծիքներ
ՀՀ ԱԺ Իմ Քայլը խմբակցության պատգամավոր Հայկ Գևորգյանը նշել է, որ կա վտանգ. եթե չթույլատրվի հանքի շահագործումը, ապա շահառու ընկերությունը կարող է դիմել միջազգային արբիտրաժային դատարան՝ Հայաստանին պարտավորեցնելով վճարել հսկայական տուգանքներ: Վերջիններս պարզապես ծնկի կբերեն տնտեսությունը:
Բացի այդ, կան տեսակետներ, ըստ որոնց՝ հանքի շահագործումը կրելու է ժամանակավոր բնույթ, օժանդակելու է ՀՀ տնտեսության զարգացմանը, այնուհետև մղվելու է հետին պլան՝ իր տեղը զիջելով «կանաչ տնտեսությանը»:
Միաժամանակ նշվում է, որ շահագործող ընկերությունն արդեն կատարել է բավականաչափ ներդրումներ, ուստի դրանցից հրաժարումն ու շահագործման մերժումը կարող են խոչընդոտ հանդիսանալ նաև այլ՝ առկա և պոտենցիալ ներդրողների համար:
Ինչո՞ւ չպետք է շահագործվի
Իշխանական թևի պատգամավորները տարակարծիք են հանքի շահագործման հարցում:
Հանքի շահագործումը թույլ չտալու հիմնավորումներով հայտարարություններ են անում բնապահպանները:
Իրավաբան Նազենի Վարդանյանը վստահեցնում է, որ Լիդիան Արմենիա ընկերությունն իրավասու չէ դիմելու Արբիտրաժային դատարան, ուստի Հայաստանի առաջ տուգանքներ վճարելու սպառնալիք չկա: Մյուս կողմից, դատարանում հաղթելու հանգամանքը ևս միանշանակ չէ:
Օգոստոսի 19. Ի՞նչ է տեղի ունեցել այսօր
Վարչապետ Նիկոլ Փաշինյանը հայտարարել է, որ երեկոյան հանդես կգա Ամուլսարի վերաբերյալ հայտարարությամբ:
Բաղրամյան 26-ում տեղի ունեցած քննարկումը բնապահպաններից մեկը բոյկոտել է, ասել է «իր ասելիքը» և դուրս եկել:
Բաղրամյան 26-ում քննարկման ավարտից հետո ակտիվիստները փորձել են Ազգային ժողովի այգում կազմակերպել հանրային քննարկում, սակայն ոստիկանությունը թույլ չի տվել: Պողոտան փակելու փորձից հետո կան նաև ձերբակալվածներ:
Հաջորդ քննարկումը տեղի է ունեցել Իմ Քայլի պատգամավորների հետ՝ ՔՊ կուսակցության գրասենյակում, որի մասին մանրամասներ է ներկայացրել Ալեն Սիմոնյանը.
Ի՞նչ են ակնկալում Փաշինյանից
Վարչապետն ավելի վաղ հայտարարել էր, որ եթե նշվեն բնապահպանական վտանգներ Ջերմուկի ջրային ավազանի և Սևանա լճի համար, ապա հանքի շահագործման ծրագիրն ընդհանրապես կփակվի: Նրա խոսքով՝ եթե փորձաքննության արդյունքում հայտնի դառնա, որ այդ վտանգները կառավարելի են, մեծ չեն, ապա ծրագիրը կաշխատի:
Նիկոլ Փաշինյանը նշել էր նաև, որ պետբյուջեից 300 հազար դոլար է հատկացվել՝ փորձաքննության իրականացման նպատակով միջազգային բարձր հեղինակություն ունեցող ընկերություն ներգրավելու համար: Այն պետք է պատասխաներ հարցերին՝ Ամուլսարի հանքի շահագործման պայմաններում առաջացող բնապահպանական վտանգները կառավարելի՞ են, թե՞՝ ոչ, ընդունելի՞ են, թե՞՝ ոչ:
Հիշեցնենք՝ «Լիդիան» ընկերության աշխատանքերը դադարեցվել են 2018թ. հունիսի 22-ից: Այն ժամանակ հարակից գյուղի բազմաթիվ բնակիչներ, բնապահպաններ և ակտիվիստներ փակել էին ճանապարհը՝ թույլ չտալով շահագործել հանքը:
Հարավային Չինաստանի երկու քարանձավներում հայտնաբերված ատամները վկայում են, որ հոմո էրեկտուսը հարմարվել էր խիտ արևադարձային անտառներում կյանքին։ Գտածոների տարիքը գնահատվում է մոտ 324–184 հազար տարվա միջակայքում․ սա մայրցամաքային Չինաստանում այս տեսակի ներկայության ամենաուշ շրջանի հուսալիորեն թվագրված վկայությունն է։
Հյուսիսատլանտյան հարթ կետերի հետազոտությամբ զբաղվող կոնսորցիումը 2025 թվականի համար գնահատել է այս տեսակի թվաքանակը մոտ 382 կենդանի։ Նոյեմբերի 16-ին հրապարակված գնահատականը 1,8 տոկոսով ցածր է 2024 թվականի վերանայված ցուցանիշից։
Դանիայի Սեյերո կղզում թաղված տղամարդը մանկության տարիներին հիմնականում սնվել է ծովից ստացած մթերքներով։ Նրա ատամների վերլուծությունը ցույց է տվել, որ պատանեկությունից սկսած նա ավելի շատ ցամաքային սնունդ է օգտագործել՝ այն ժամանակ, երբ տարածաշրջանում արդեն հայտնվել էին առաջին երկրագործները։
ԱՄՆ ռազմաօդային ուժերի երկու F-15EX Eagle II կործանիչ նոյեմբերի 15-ին վայրէջք են կատարել Օկինավայի Կադենա ավիաբազայում։ Սա ԱՄՆ-ից դուրս առաջին ավիաբազան է, որտեղ այդ կործանիչները կտեղակայվեն մշտապես։
Եվրոպական տիեզերական գործակալությունը նոյեմբերի 12-ին բաց հասանելիությամբ հրապարակել է «Էվկլիդ» տիեզերական աստղադիտակի մոտ 13 ամսվա դիտումների տվյալները։ Դրանք աստղագետներին կօգնեն կազմել Տիեզերքի եռաչափ քարտեզ և ուսումնասիրել մութ նյութի բաշխումը։
Սոլքի ինստիտուտի հետազոտողները մշակել են մեթոդ, որը նույն բջջում ցույց է տալիս թե՛ ԴՆԹ-ի խմբագրման արդյունքը, թե՛ գեների ակտիվության փոփոխությունները։ Մարդու լաբորատոր բջիջների մի խմբում մեթոդը հայտնաբերել է խմբագրման 43 տեղամաս, որոնցից 36-ը նախատեսված թիրախներից դուրս էին։
ԱՄՆ ռազմաօդային ուժերի երկու F-15EX Eagle II կործանիչ նոյեմբերի 15-ին վայրէջք են կատարել Օկինավայի Կադենա ավիաբազայում։ Սա ԱՄՆ-ից դուրս առաջին ավիաբազան է, որտեղ այդ կործանիչները կտեղակայվեն մշտապես։
Եվրոպական տիեզերական գործակալությունը նոյեմբերի 12-ին բաց հասանելիությամբ հրապարակել է «Էվկլիդ» տիեզերական աստղադիտակի մոտ 13 ամսվա դիտումների տվյալները։ Դրանք աստղագետներին կօգնեն կազմել Տիեզերքի եռաչափ քարտեզ և ուսումնասիրել մութ նյութի բաշխումը։
Սոլքի ինստիտուտի հետազոտողները մշակել են մեթոդ, որը նույն բջջում ցույց է տալիս թե՛ ԴՆԹ-ի խմբագրման արդյունքը, թե՛ գեների ակտիվության փոփոխությունները։ Մարդու լաբորատոր բջիջների մի խմբում մեթոդը հայտնաբերել է խմբագրման 43 տեղամաս, որոնցից 36-ը նախատեսված թիրախներից դուրս էին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
