Ճապոնացի ուսանողուհին դատարկ թուղթ է ներկայացրել և ստացել «գերազանց»
Ճապոնիայում ուսանողուհին ամենաբարձր գնահատականն է ստացել նինձյաների մասին շարադրությունն անտեսանելի թանաքով գրելու համար:
Միեի համալսարանի պատմության ֆակուլտետի առաջին կուրսի 19-ամյա ուսանողուհի Էյմի Հագան պետք է էսսե գրեր Իգա-Ուենոյի նինձյաների թանգարան այցելության վերաբերյալ: Սակայն շարադրության փոխարեն դասախոսին դատարկ թուղթ է հանձնել:
Իրականում շարադրությունը գրված է եղել «աբուրիդասի» հնարքի միջոցով՝ անտեսանելի թանաքով: Այդ հնարքն օգտագործել են նինձյաները՝ գաղտնի նամակների և ուղերձների փոխանցման նպատակով: Կան անտեսանելի թանաք պատրաստելու բազմաթիվ մեթոդներ. Էյմին օգտվել է նինձյաների ժամանակ գոյություն ունեցած հնագույն բաղադրությամբ` սոյայի պտուղով (բակլա):
Շարադրությունը գրելուց առաջ Էյմի Հագան սոյայի պտուղը մի քանի ժամ թրջել է ջրում՝ պատրաստելով լուծույթ, ապա ջուր է ավելացրել: Դրա համար նրանից պահանջվել է տասը ժամ: Էյմին պատմել է, որ պատրաստման այդ մեթոդի մասին իմացել է դեռ մանկուց և հուսով է եղել, որ իրենց խմբում դրա մասին ոչ ոք տեղյակ չի լինի:
Նա դեռ մանկուց հետաքրքրված է եղել նինձյաների կյանքի ու մշակույթի պատմությամբ. հետաքրքրություն առաջացել է այն ժամանակ, երբ դիտել է նինձյաների մասին պատմող Nintama Rantaro անիմացիոն սերիալը: Համալսարանում պրոֆեսորը հայտնել է, որ բարձր կգնահատի ստեղծագործական մոտեցումը, այդ պատճառով էլ Էյմին որոշել է անտեսանելի թանաքով գրել էսսեն, որպեսզի տարբերվի մյուսներից:
«Աբուրիդասիի» մեթոդով գրված շարադրությունը կարդալու համար պետք է թուղթը տաքացնել՝ պահելով կրակի վրա: Հագան շարադրությունը գրել է վրձնով, ճապոնական ավանդական թղթի՝ «վասիի» վրա: Որպեսզի իր գրածը չգցեն աղբարկղը՝ մտածելով, թե դատարկ թուղթ է, ուսանողուհին սովորական թանաքով նշում է կատարել՝ «տաքացնել թուղթը»:
Դասախոսի արձագանքը
Դասախոսը՝ պրոֆեսոր Յուջի Յամադան, խոստովանել է, որ սկզբում զարմացել է՝ տեսնելով դատարկ թուղթը: Նրա խոսքով՝ հանդիպել է ծածկագրով արված հաշվետվություններ, բայց «աբուրիդասիի» օգտագործմամբ երբեք չի հանդիպել: Պրոֆեսորը սկզբում կասկածել է, թե բառերն ամբողջությամբ հստակ կերևան, բայց տանը կրակի վրա է պահել, ու բառերը հայտնվել են՝ հստակ ընդգծվելով: Այդ ժամանակ նա աշխատանքը համարել է հրաշալի:
Յամադան մինչև վերջ չի տաքացրել թուղթը, որպես մի մասը մնա անտեսանելի՝ գուցե ԶԼՄ-ներին ցույց տալու կարիք լինի, ուստի մինչև վերջ չի կարդացել շարադրությունը, բայց այդքանն էլ բավական է՝ գերազանց գնահատելու համար: Ուսանողուհին նշել է, որ շարադրությունն ավելի ուշագրավ է ոչ թե տեքստով, այլ գրելաձևով, իսկ բուն տեքստում ոչ մի արտասովոր բան գրված չէ. ինքը պարզապես ցանկացել է ստեղծագործաբար մոտենալ՝ կատարելով պրոֆեսորի պահանջը:
Ովքե՞ր են նինձյաները
Միջնադարյան Ճապոնիայում նինձյաները լրտես-դիվերսանտներ էին, հետախույզներ, երբեմն՝ վարձու մարդասպանի դեր կատարողներ: Նրանք տիրապետել են «նինձյուցուին», որը ներառում է մարտարվեստ, լրտեսական մեթոդներ և դիվերսիոն աշխատանք: Համարվում է, որ նրանք ձևավորվել են սամուրայական դասի ստեղծմանը զուգահեռ՝ 9-12-րդ դարերում:
Քաղաքականապես նինձյաները եղել են ֆեոդալական հարաբերությունների համակարգից դուրս: Նրանք միավորված են եղել խոշոր տոհմերի (կլանների) մեջ: 17–րդ դարում հաշվվել է նինձյաների շուրջ 70 տոհմ:
Telegram 
Facebook 
Google News Գերմանիայի դաշնային հետախուզական ծառայության (BND) նախկին ղեկավար Ավգուստ Հանինգը, Der Spiegel-ի տվյալներով, գաղտնի փաստաթղթերի հիման վրա զեկույց է կազմել Ադրբեջանի հետախուզության ներկայացուցչի համար։ Քննությունը դեռ պարզում է՝ արդյոք այն հասել է հասցեատիրոջը։
Շաքիում կալանավորված Ադրբեջանի զինծառայող Նասիմի Մուսաևի նկատմամբ սկսված քննությունը կշարունակվի Հայաստանում։ Վարչապետ Նիկոլ Փաշինյանը հայտարարել է, որ այս միջադեպը չի կապվում Ադրբեջանում պահվող հայ գերիների հնարավոր փոխանակման հետ։
Վարչապետ Նիկոլ Փաշինյանի խոսքով՝ Amazon-ի հնարավոր ներդրումների համար անհրաժեշտ է շուրջօրյա կայուն էլեկտրամատակարարում։ Ընկերության պահանջը նա կապել է 1000 ՄՎտ հզորությամբ կայանի առկայության հետ։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
ՌԴ անվտանգության խորհրդի նախագահի տեղակալ Դմիտրի Մեդվեդևը քննադատել է Հայաստանի ղեկավարության արտաքին քաղաքականությունը։ Իրանի պետական հեռուստառադիոընկերությանը տված հարցազրույցում նա Հայաստանի համար ամենավտանգավոր սցենարն անվանել է «նոր Ուկրաինայի» վերածվելը։
Կոտայքի մարզում ավտոմեքենայից արձակված կրակոցներից երկու պարեկային ծառայող վիրավորվել է։ Ոստիկանությունը ձերբակալել է դեպքին առնչություն ունենալու մեջ կասկածվող երկու անձի։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները