«Դոկտոր Google»-ն իրական բժիշկ չէ. նա կարող է սխալվել
Համացանցի օգնությամբ կազմված ախտորոշումների մեծ մասը համարվում են սխալական:
ԱՄՆ-ում անցկացված հարցումները վկայում են, որ մարդիկ հաճախ են օգտվում համացանցից՝ իրենց հետ պատահած նախանշանների պատճառները հասկանալու համար: Նրանք այդ խորհրդատվությունն անվանում են «դիմում դոկտոր Google-ին»: Հարցվածների 40%-ն այս ծառայության միջոցով իր մոտ հայտնաբերել է լուրջ հիվանդություններ, սակայն իրական բժշկին այցելելուց հետո պարզվել է, որ դրանք չկան:
Հարցվածների 1/4-ը դիմել են համացանցի օգնությանը՝ իրենց մտավախությունները փարատելու նպատակով: Բայց արդյունքում ահաբեկվել են ստացած հավելյալ տեղեկություններից՝ ավելի անհանգստանալով:
Ընդհանուր առմամբ՝ համացանցից ստացվող տեղեկությունների հիման վրա կայացվող ախտորոշումների 60%-ը սխալ են: Ռուսաստանում նույնատիպ ծառայությունը «Դոկտոր Yandex»-ն է: Ակնհայտ է, որ նույն արդյունքն էլ սրա դեպքում է, ինչպես և «Դոկտոր Wikipedia»-ի:
Ամերիկացիներն ինքնախտորոշման և ինքնաբուժության նկատմամբ հետաքրքրությունը բացատրում են առողջապահական համակարգի նկատմամբ անվստահությամբ, հիվանդանոց գնալու ժամանակի բացակայությամբ, վճարովի ծառայություններից օգտվելու անհարմարությամբ: Բազմաթիվ մարդիկ մահացել են՝ ինքնաբուժությամբ զբաղվելով սխալ դեղամիջոցներով: Հետազոտողները վստահեցնում են, որ «Դոկտոր Google»-ին հետևողների 65%-ն իրեն վնասում է:
Հարցումների արդյունքում, բարեբախտաբար, պարզվել է, որ հարցվածների 51%-ը դիմում է իրական բժշկի: Աղբյուրը նաև հիշեցնում է, որ այս երևույթի պատճառը միայն համացանցը չէ. նախկին մարդիկ օգտվել են գրականությունից:
Մեկնաբանությունները