Մշակվել է ձյան շերտից հոսանք ստացող գեներատոր
Snow TENG տեխնոլոգիայի դեպքում Էլեկտրական լիցքերն առաջանում են պանելի մակերեսի հետ ձյան շփումից: Տեղի է ունենում դրական և բացասական լիցքերով էլեկտրոնների փոխանակություն, առաջանում է հոսանք:
Այսօր մարդկությունն ակտիվորեն մշակում է էներգիայի այլընտրանքային աղբյուրներ: Նորամուծությունների մեջ առայժմ արևային մարտկոցներն են առաջատարը, որոնք մեծ տարածում են ստանում խոշոր արտադրողների և քաղաքացիների մոտ: Սակայն այն սահմանափակ գործածություն ունի. ձմեռը կամ ավելի ցուրտ վայրերում, ուր ձյան տեղումներն ավելի շատ են, արևային էներգիան գրեթե անօգուտ է:
Լոս Անջելեսի Կալիֆորնիական համալսարանի մասնագետների խումբը մշակել է այլընտրանքային հոսանքի նոր տարբերակ: Այն ստացել է Snow TENG (snow-based triboelectric nanogenerator)` ձնատրիբոէլեկտրական նանոգեներատոր անվանումը: Այն էներգիա է վերցնում ձյան շերտից:
Նանոգեներատորի աշխատանքի սկզբունքը կայանում է «տրիբոէլեկտրական» էֆեկտի մեջ: Էլեկտրական լիցքերն առաջանում են պանելի մակերեսին շփումից: Փաստացի, սարքավորումը հաստատուն էլեկտրականություն է օգտագործում լիցքերը գեներացնելու համար՝ դրական և բացասական լիցքերով օժտված նյութերի միջև էլեկտրոնների փոխանակության միջոցով:
Այս տեխնոլոգիան վաղուց կիրառվում է փոքր հզորությամբ գեներատորների արտադրության համար: Դրանք էներգիա են հավաքում շարժվող մարմիններից, օրինակ՝ հատակի վրայով քայլելիս կամ սենսորային էկրանին դիպչելիս: Ձյունը նույնպես հարմար աղբյուր է համարվել. ունենալով դրական լիցք՝ այն շփվում է բացասական լիցք ունեցող մակերեսին՝ առաջացնելով էներգիա:
Մի շարք փորձարկումներից հետո գիտնականների խումբը եզրակացրել է, որ նանոգեներատորի համար ամենալավ նյութը սիլիկոնն է: Նրանք ենթադրում են, որ հետագայում Snow TENG-ի պարագաները հնարավոր կլինի արտադրել 3D տպիչների միջոցով:
Ամբիցիոզ նախագիծը ներկայումս մեկ խնդիր ունի. Snow TENG-ն ապահովում է ընդամենը 0,2 մՎտ (միլիվատ) հզորություն/քմ, այսինքն այդ դեպքում այն հնարավոր է կիրառել միայն փոքր սարքավորումների համար:
Ջրից էլեկտրաէներգիա ստանալու փորձեր նախկինում էլ արվել են: 2019թ. մարտին չինացի գիտնականների խումբը ներկայացրել է հիբրիդային արևային մարտկոց, որը կարողանում էր հոսանք գեներացնել արևային պանելներին կաթիլների հարվածներից:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:
Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:
Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:
Մեկնաբանությունները