Համացանցը դրականորեն է ազդում դեռահասների մտավոր զարգացման վրա. ռուս գիտնականներ
Հետազոտողները սահմանել են այն բարենպաստ ժամանակահատվածը, որը երեխաները կարող են անցկացնել համացանցում:
Ռուսաստանցի գիտնականներն ուսումնասիրել են համացանցի ազդեցությունը երեխաների մտավոր ընդունակությունների զարգացման վրա: Հաղորդվում է, որ երեխաների ներկայությունը համացանցում դրականորեն է ազդում նրանց զարգացման վրա:
Գիտնականները 4 տարիքային խմբերի բաժանված ընդհանուր 200 երեխայի մասնակցությամբ հետազոտություն են անցկացրել: Արդյունքում՝ սահմանել են համացանցում անցկացնելու ամենաբարենպաստ ժամանակահատվածը.
- 5-6 տարեկան. այս խմբի երեխաների համար համացանցից օգտվելու բարենպաստ ժամանակահատվածն օրական 1 ժամն է: Նրանց մոտ լավ է զարգացած լսախոսական հիշողությունը, քան այն հասակակիցների մոտ, ովքեր ավելի երկար ժամանակ են անցկացրել համացանցում:
- 7-10 տարեկան. այս տարիքային խմբի երեխաներին խորհուրդ է տրվում համացանցում անցկացնել օրվա մեջ 3-5 ժամ: Նրանք գիտակցական ավելի բարձր արդյունք են ցուցաբերել, քան իրենց տարիքի մյուս մասնակիցները:
- 14-16 տարեկան. այս խմբի համար ամենաբարենպաստ ժամանակահատվածը չի հաջողվել պարզել: Այստեղ լավագույն արդյունքները ցուցաբերել են բարձր և շատ բարձր օնլայն ակտիվություն ցուցաբերածները: Նրանց մոտ լսողական հիշողությունն է զարգացած և պատմություններ հորինելը:
Մոսկվայի պետհամալսարանի հոգեբանության ֆակուլտետի պրոֆեսոր և Համացանցի զարգացման հիմնադրամի տնօրեն Գալինա Սոլդատովան
պարզաբանել է, որ սա ռուսական առաջին հետազոտությունն է, որը վերաբերում է երեխաների՝ համացանցում անցկացվող ժամանակահատվածին: Նրա խոսքով` նմանատիպ ուսումնասիրություններ արել են ԱՄՆ-ի և Ավստրալիայի գիտնականները՝ ստանալով նույնատիպ արդյունքներ:
Մեկնաբանությունները