Հայաստանում Covid-19-ով վարակվածության 201 նոր դեպք է հաստատվել
Նախորդ օրը կորոնավիրուսից մահացել է 3 մարդ, առողջացել են 335-ը: Փաստացի բուժում է ստանում 6262 պացիենտ:
Վարակվածության հաստատված դեպքերի ընդհանուր թիվը Հանրապետությունում հասել է 40794-ի: Առողջացածների թիվը դարձել է 33492: Նախորդ օրը կատարված թեստերից 1509-ը բացասական են եղել, իսկ մինչ օրս կատարվել է ընդհանուր առմամբ 179032 թեստավորում:
Կորոնավիրուսից մահացածների թիվը Հայաստանում հասել է 806-ի: Վերջին 24 ժամում մահացած պացիենտները եղել են 59 (տղամարդ), 64 (կին) և 60 (տղամարդ) տարեկան: Բոլորն ունեցել են ուղեկցող քրոնիկական հիվանդություններ։
Վարակվածների շրջանում այլ պատճառով մահվան դեպքերի թիվը դարձել է 234: Օգոստոսի 12-ի ժամը 11:00-ի դրությամբ փաստացի բուժում է ստանում 6262 պացիենտ:
Հավելենք, որ Կառավարությունն արտահերթ նիստում քննարկում է արտակարգ դրությունը ևս 1 ամսով երկարաձգելու հարցը:
Մեկնաբանությունները