Հայաստանում կորոնավիրուսով վարակվածության 82 նոր դեպք է հաստատվել (upd.)

Մայիսի 1-ի ժամը 11:00-ի դրությամբ Հայաստանում հաստատվել է Covid-19 կորոնավիրուսով վարակվածության 2148 դեպք: Վերջին 24 ժամում գրանցվել է մահվան մեկ դեպք, առողջացել են 48-ը: Փաստացի բուժում է ստանում 1136 պացիենտ:

Նորություններ

# COVID-19

# Հայաստան

# Մահացություններ

ՎՕԳԿ ինտենսիվ թերապիայի բաժանմունք / © Կարեն Պողոսյան / Հեղինակ՝ անհայտ, լուսանկարը տրամադրել է օգտատերը

ՀՀ ԱՆ Հիվանդությունների վերահսկման և կանխարգելման ազգային կենտրոնի հաղորդմամբ՝ կորոնավիրուսով վարակվածների թիվն ավելացել է 82-ով՝ հասնելով 2148-ի: Ապրիլի 30-ին կատարվել է ընդհանուր 1052 թեստավորում, որից 970-ը բացասական են եղել:

Նախորդ օրվա ընթացքում Covid-19-ից մահացության մեկ նոր դեպք է գրանցվել:

Առողջացածների թիվը հասել է 977-ի. ապրիլի 30-ին առողջացել և հիվանդանոցից դուրս են գրվել 48-ը: Փաստացի բուժում է ստանում 1136 պացիենտ:

Վնասվածքաբանության և օրթոպեդիայի գիտական կենտրոնի փոխտնօրեն Կարեն Պողոսյանն ավելի վաղ հայտնել էր, որ Կենտրոնից դուրս է գրվել իրենց ամենածանր հիվանդին, ով 32 տարեկան էր: Վերջինս Կենտրոն էր ընդունվել մարտի 28-ին՝ Covid-19, երկկողմանի ինֆիլտրատիվ թոքաբորբ, շնչառական անբավարարություն՝ 3-րդ աստիճան ախտորոշմամբ, SpO2- 65%, ծայրահեղ ծանր վիճակում:

https://www.facebook.com/karen.poghosyan.52/posts/2774130389382634

Հաղորդվում է, որ պացիենտը վերակենդանացման բաժանմունքում միացված է եղել արհեստական շնչառության սարքին:

https://www.facebook.com/ministryofhealthcare/posts/2627527494155030

UPD. Մահացած իգական սեռի պացիենտը եղել է 27 տարեկան և ունեցել է ուղեկցող խրոնիկական հիվանդություններ:

https://www.facebook.com/alina.nikoghosyan/posts/2553960264705751

ԱՆ մամուլի քարտուղար Ալինա Նիկողոսյանի հաղորդմամբ՝ 27-ամյա պացիենը մոտ մեկ ամիս գտնվել է հիվանդանոցում՝ բժիշկների հսկողության տակ, վիճակը գնահատվել է ծայրահեղ ծանր: Ունեցել է բնածին խրոնիկական ծանր հիվանդություններ։ Ցավոք, կորոնավիրուսային հիվանդությունը կտրուկ վատթարացրել է երիտասարդի առողջական վիճակը և նրա կյանքը չի հաջողվել փրկել։

Վրիպա՞կ գտաք։ Նշեք հատվածը և սեղմեք Ctrl + Enter։