Ֆրանսիան Հայաստանի և Ադրբեջանի միջև միակ իրական միջնորդն է. ֆրանսիացի պատգամավոր
Ժերոմ Լամբերը Ֆրանսիայի կառավարությանը կոչ է անում աջակցել Երևանին` դուրս գալու մեկուսացումից: Նրա խոսքով` պետք է Հարավային Կովկասում իրավիճակը կարգավորել, բացել սահմանները և վերականգնել կենսական նշանակության տրանսպորտային կապերը:
Եվրոպայի խորհրդի խորհրդարանական վեհաժողովի (ԵԽԽՎ) պատգամավոր և ՆԱՏՕ-ի խորհրդարանական վեհաժողովի անդամ Ժերոմ Լամբերը վստահություն է հայտնել, որ Ֆրանսիան պարտավորվել է Հայաստանի և Ադրբեջանի հարաբերությունների կարգավորման գործում միջնորդի դերակատարում ունենալ: Նա Ֆրանսիային կոչ է արել օգտագործել ներկայիս իրավիճակը և Երևանին օգնել դուրս գալ մեկուսացումից:
Ֆրանսիական պարբերականում հրապարակված նյութում նշվում է, որ Նիկոլ Փաշինյանի հաղթանակը նրան հնարավորություն է տվել վերադառնալ իր պարտականություններին` ավելի լայն ու որոշիչ մեծամասնությամբ: Ընդգծվում է, որ Փաշինյանը նախկինում ստիպված է եղել զիջումների գնալ ընդդիմությանը, որի համար կարևոր էր «մշտական դժգոհությունը Թուրքիայից»:
Հարցադրում է հնչում` արդյո՞ք Հայաստանը կշարունակի իրականացնել իր պատմական ինքնաոչնչացման տարածաշրջանային մեկուսացման ծրագիրը, թե՞ կկանգնի խաղաղության ու համաձայնության ճանապարհին:
Կայուն խաղաղության բացակայություն
Ժերոմ Լամբերի համոզմամբ` այս հարցում Ֆրանսիան պետք է կատարի իր կարևոր պարտքը: Արդեն շուրջ 3 տասնամյակների ընթացքում Ֆրանսիան, ինչպես հայտնի է, Մինսկի խմբի երեք համանախագահներից մեկն է: Լամբերի խոսքով` նրա առաջ, ինչպես և` Ռուսաստանի ու ԱՄՆ-ի, խնդիր է դրվել Արցախի հակամարտության խաղաղ կարգավորման ապահովումը: Խմբի դիվանագիտական ձախողումը պատերազմի հիմնական պատճառներից մեկը դարձավ: Կայուն խաղաղություն, ինչպես նշում է, դեռ չի հաստատվել, իսկ Ֆրանսիան «կարող է ցույց տալ իրեն»:
Ֆրանսիացի պատգամավորի խոսքով` սեղանին դրված է ոչ միայն Հարավային Կովկասի ճակատագիրը, այլև Ֆրանսիայի միջազգային հեղինակությունը` որպես միջնորդի: Վերջին տարիներին ու ամիսներին Ֆրանսիայի դերակատարումը նվազել է, մինչդեռ ԱՄՆ-ը, ինչպես նշվում է, հավասարակշռված քաղաքականություն է վարում. Վաշինգտոնը ճանաչել է Հայոց ցեղասպանությունը և Հայաստանին «համոզում է» հանձնել հսկայական տարածքների ականապատ դաշտերի քարտեզները:
Ֆրանսիան պետք է փոխի տարածաշրջանի նկատմամբ իր մոտեցումը
Ներկայումս Ֆրանսիան, Լամբերի խոսքով, պետք է փորձի փոխել իր մոտեցումը տարածաշրջանի վերաբերյալ: Նշվում է, որ Հայաստանին ցուցաբերվող աջակցության շնորհիվ Ֆրանսիան Երևանում որոշակի ազդեցություն է ձևավորել, և այժմ հենց այդ «գործիքը» պետք է օգտագործի:
Ֆրանսիան, ինչպես հաղորդում է պատգամավորը, իր հարևանների հետ հակամարտությունների մեծ փորձ ունի, սակայն միաժամանակ տնտեսական համագործակցության միջոցով խնդրահարույց դրվագների հարթման ականատեսն է: Շեշտում է, որ Հարավային Կովկասում ֆրանսիական քաղաքականության առաջնահերթությունը պետք է դառնա սահմանային տնտեսական համագործակցության աջակցությանը:
Լամբերի համոզմամբ` Հայաստանի տնտեսությունը ներկայումս շարունակում է կաթվածահար մնալ: Հարևաններից միայն Իրանի հետ սահմանն է բաց, Հայաստանը շարունակում է կախում ունենալ Ռուսաստանից, ում շահերը նրան խոցելի են դարձնում: Ընդգծվում է, որ պետք է Հարավային Կովկասում իրավիճակը կարգավորել, վերստին բացել սահմանները և վերականգնել կենսական նշանակության տրանսպորտային կապերը:
Կայուն խաղաղության տնտեսական հիմքերի ապահովում
Ֆրանսիացի պատգամավորի հոդվածում նշվում է, որ սեղանին դրված է նաև Ֆրանսիայի տնտեսական շահը: Հարավային Կովկասը, որի զարգացումը հապաղել է հակամարտության պատճառով, այժմ կարող է առաջ շարժվել:
Խոսվում է այն մասին, որ Ֆրանսիան կարող է վերականգնել իր միջնորդական դերակատարումը, կայուն խաղաղության համար ապահովել տնտեսական հիմքերը, առաջ մղել ֆրանսիական ընկերությունների առևտրային հետաքրքրությունները տարածաշրջանում` ներդրումներ անելով լեռնահանքարդյունաբերության, գյուղատնտեսության, էկոլոգիապես մաքուր էներգիայի, տրանսպորտի, զբոսաշրջության ոլորտներում:
Telegram 
Facebook 
Google News Ֆիզիկոսների տեսական հաշվարկները ցույց են տվել, որ լույսի քվանտային տատանումները կարող են փոխել ատոմներից արձակվող էլեկտրոնների ազդանշանը։ Այդ փոփոխությունը չափման մեջ կարող է երևալ որպես մի քանի տասնյակ ատտովայրկյանի լրացուցիչ ուշացում՝ լույսի հատկությունները հետազոտելու նոր հնարավորություն տալով։
NASA-ի Roman տիեզերական աստղադիտակի լայնադաշտ տեսախցիկի օպտիկական սխալը կարգաբերումից հետո կազմել է 63 նանոմետր՝ նախատեսված մոտ 90 նանոմետրի փոխարեն։ Արդյունքը կարևոր է ապագա լայնածավալ դիտումների համար, սակայն աստղադիտակի գիտական աշխատանքին նախապատրաստումը դեռ շարունակվում է։
Ձկներից քառոտանի ողնաշարավորների առաջացման ընթացքում գանգի և ուսագոտու բաժանումը, ըստ նոր մոդելի, անմիջապես չի մեծացրել պարանոցի շարժունությունը։ Հետազոտողները վաղ ձևերի մեծ մասի համար շարժման ընդամենը մի քանի աստիճանի հնարավորություն են գնահատել։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Tesla-ն ներկայացրել է նոր սերնդի Roadster-ը, որը կարողանում է կարճ ժամանակով օդ բարձրանալ, պտույտ կատարել և վայրէջք կատարել անիվների վրա։ Ընկերության հայտարարությամբ՝ մեքենան 0-ից մինչև 97 կմ/ժ արագացել է 0,81 վայրկյանում, իսկ արտադրությունը նախատեսվում է սկսել 2028-ին։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները