2020-ին Գյումրիի ճանապարհների համար 3 անգամ ավելի շատ գումար կհատկացվի
Ընդհանուր առմամբ՝ 2020թ. ճանապարհաշինությանը հատկացվելու է 110,2 մլրդ դրամ: Գյումրի քաղաքի ճանապարհների համար կտրամադրվի 9,4 մլրդ դրամ:
ՀՀ Կառավարությունը 2020թ. բյուջեով ճանապարհաշինությանը հատկացնելու է շուրջ 110.2 մլրդ դրամ: Այն ավելին է, քան 2015, 2016 և 2017 թվականներին այս ոլորտին հատկացված ընդհանուր գումարը: Ավելի վաղ հաղորդել էինք նաև, որ այդ թիվը հավասար է 2018 և 2019 թվականների ընդհանուր ճանապարհաշինական բյուջեին:
Մասնավորապես, Գյումրիի քաղաքային ճանապարհների վերականգնման համար հաջորդ տարի 2019թ.-ի համեմատ 3 անգամ ավելի շատ (9,4 մլրդ) գումար է հատկացվելու: Կառավարության հաղորդմամբ՝ 2020թ. «Հյուսիս-հարավ» ծրագրի շարունակման համար պետական բյուջեով հատկացվելու է 25,9 մլրդ դրամ: Այն 2,4 անգամ ավելի գումար, քան 2019թ.-ին:
Գյումրիի հետ կապված նաև հավելենք, որ Հայաստանի երկրորդ քաղաքը ճանաչվել է ռուս զբոսաշրջիկների համար Ամանորը նշելու մատչելի ուղղություն է:
Մեկնաբանությունները