«Տամբովի» նախկին մարզիչը ցանկություն է հայտնել դառնալ Հայաստանի հավաքականի մարզիչ
53-ամյա Ալեքսանդր Գրիգորյանը հայտնել է, որ ազգությամբ հայ յուրաքանչյուր մարզչի համար Հայաստանի հավաքականը մարզելը երազանք է:
Ռուսական «Տամբով» ֆուտբոլային ակումբի գլխավոր մարզչի պաշտոնը թողած Ալեքսանդր Գրիգորյանը ցանկություն է հայտնել ղեկավարել Հայաստանի ֆուտբոլի հավաքականը:
53-ամյա մարզիչը հայտնել է, որ ազգությամբ հայ յուրաքանչյուր մարզչի համար Հայաստանի հավաքականը մարզելը երազանք է: Նրա կարծիքով՝ ազգային հավաքականի հետ կարող է հասնել հաջողությունների, քանի որ այն ունի բարձր որակավորում ունեցող խաղացողներ, որոնց հետ հնարավոր է հասնել արդյունքի:
Ալեքսանդր Գրիգորյանը վստահություն է հայտնել, որ հաջողության հասնելու համար կարևոր է միասնականությունը, կարգապահությունը, ինչպես նաև բարձր մոտիվացիայով գաղափարը:
Ավելի վաղ հաղորդել էինք, որ Հայաստանի ֆուտբոլի հավաքականի մարզիչ Արմեն Գյուլբուդաղյանցը հրաժարական էր ներկայացրել: Պատճառն, ըստ նրա, Հայաստանի հավաքանին չի հաջողվել նվաճել Եվրո-2020-ի եզրափակիչ փուլի ուղեգիր:
Մեկնաբանությունները