Ինչո՞վ է հայտնի հավաքականի մարզչի թեկնածուն. բազմաթիվ հաջողություններ, կոնֆլիկտներ ու հեռացումներ. (upd.) — Շեշտ.am (shesht.am)
16 րոպե
Խմբագրություն

Ինչո՞վ է հայտնի հավաքականի մարզչի թեկնածուն. բազմաթիվ հաջողություններ, կոնֆլիկտներ ու հեռացումներ. (upd.)

Ներկայացնում ենք հիմնականում կանանց ֆուտբոլի ակումբներ ղեկավարած Ալեքսանդր Գրիգորյանի անցած ուղին. նա ցանկանում է ղեկավարել Հայաստանի ֆուտբոլի ազգային հավաքականը:

«Կինը նույնպես ֆուտբոլիստ է». Գրիգորյան / ©sovsport.ru

Ավելի վաղ հաղորդել էինք, որ «Տամբովի» նախկին մարզիչ, հայազգի Ալեքսանդր Գրիգորյանը ցանկություն է հայտնել ղեկավարել Հայաստանի ֆուտբոլի ազգային հավաքականը: Նման մտադրություն ռուսաստանաբնակ մարզիչը հայտնել էր Արմեն Գյուլբուդաղյանցի հրաժարականից հետո:

Ի՞նչ ուղի է անցել Գրիգորյանը

6 տարեկանից Ռուսաստանում բնակվող Ալեքսանդր Գրիգորյանը մարզչական գործունեությունը սկսել է 1994թ.-ից: Սկզբում մարզել է Կիսլովոդսկի «Մանկապատանեկան մարզադպրոցը», ապա՝ «Օլիմպը», «Սվոբոդնիյ տրուդը»:

1999-2009թթ. աշխատել է կանանց ակումբների հետ՝ արձանագրելով առավելագույն արդյունքներ: 2002թ.-ից «Լադա» ակումբի գլխավոր մարզիչն է դարձել: 2004թ. ակումբը դարձել է Ռուսաստանի չեմպիոն, եռակի գավաթակիր: 2007-ից Պերմի «Զվյոզդի-2005» ակումբի գլխավոր մարզիչն է եղել: Վերջինս կանանց ֆուտբոլի առաջնությունում Գրիգորյանի շնորհիվ Ռուսաստանում լավագույններից է դարձել՝ հասելով մինչև ՈՒԵՖԱ 2009 գավաթի եզրափակիչ: Այստեղ «Զվյոզդի-2005»-ը սեփական հարկի տակ 0:6 հաշվով պարտվել է գերմանական «Դույսբուրգ-2001»-ին, ինչի պատճառով հեռացվել է մարզչի պաշտոնից:

Ալեքսանդր Գրիգորյան / ©yuga.ru

2009թ.-ից մարզել է «Նիժնի Նովգորոդը», սակայն անհրաժեշտ մարզչական լիցենզիա չունենալու պատճառով գլխավոր մարզիչ չի համարվել: Գրիգորյանի պատասխանատվությամբ ակումբն արձանագրել է իր պատմության առաջին նշանակալից հաջողությունը` 2010թ. Ֆուտբոլի լիգայի առաջնությունում զբաղեցնելով 3-րդ հորիզոնականը: 2011թ. հուլիս-հոկտեմբեր ամիսներին ղեկավարել է «Խիմկին»:

2011թ. հոկտեմբեր-2012թ. դեկտեմբերին եղել է «ԲՄԱ-Էներգիա» ակումբի գլխավոր մարզիչը: Ակումբի ղեկավարության հետ ունեցած կոնֆլիկտի պատճառով հրաժարական է ներկայացրել: Չնայած արձանագրած հաջողություններին՝ դիմումն ընդունվել է: 2013թ. փետրվար-հունիս ամիսներին Ալեքսանդր Գրիգորյանը եղել է «Մաշուկ-ԿՄՎ»-ն:

2013թ. հունիսի 7-ից ղեկավարել է «Լուչ-Էներգիան»: Ակումբը Գրիգորյանի գլխավորությամբ դարձել է 2014թ. Ֆուտբոլի առաջնության լիգայի (ՖԱԼ) հաղթող և դուրս է եկել Ռուսաստանի առաջնություն: Նոյեմբերի 7-ին Գրիգորյանը վերակնքել է պայմանագիրը, սակայն մեկ շաբաթ անց հայտարարել է ակումբի ֆինանսական խնդիրների մասին: Դեկտեմբերի 1-ին Ալեքսանդր Գրիգորյանը «Լուչի» ղեկավարությանը հայտնել է հեռանալու մասին: Հաղորդվում է, որ նա, դրժելով խոստումը՝ ակումբը մարզել 2014-15թթ. և հասցնել Պրեմիեր լիգա, հայազգի մարզիչը տեղափոխվել է «Տոսնո»: Այստեղից Գրիգորյանը հեռացել 2015թ.՝ է մոր հիվանդության պատճառով: Մինչ այդ ակումբը զբաղեցրել էր 16-րդ հորիզոնականը:

2015թ. մի քանի ամիս մարզիչ-խորհրդատու է աշխատել ուզբեկական «Պախտակորում»: Տարվա վերջին վերադարձել է «ԲՄԱ-Էներգիա»: Այստեղ նա հասցրել է ճանաչվել 15-րդ տուրի լավագույն մարզիչ: 2017թ. ղեկավարել է «Անժին»: Գրիգորյանը նշել է, որ այդ օրվան սպասել է 20 տարի: Սակայն առաջին սեզոնում 5 անընդմեջ պարտություններից հետո ուղիղ եթերում հրաժարական ներկայացրել:

Անհաշտություն՝ երկրպագուների հետ

Ալեքսանդր Գրիգորյանը բազմիցս աչքի է ընկել երկրպագուների նկատմամբ ոչ բարեհամբույր վերաբերմունքով: 2015թ. հոկտեմբերին 5 պարտություններից հետո առաջին անգամ հաղթելով՝ երկրպագուներին անվանել է «որդեր»:

2017թ. օգոստոսի 16-ին 3 տարվա պայմանագիր է կնքել Մոսկվայի «Արարատի» հետ, սակայն 3 ամիսը չլրացած հեռացվել է: Պատճառներից մեկը, ենթադրվում է, հարցազրույցներից մեկի ժամանակ արած հայտարարությունն է, թե ակումբը փակվելու է շուտով (ինը հետո ղեկավարությունը կատակ համարեց), իսկ մյուս պատճառը ֆուտբոլիստների նկատմամբ անբարեխիղճ վերաբերմունքն է (նրանցից մի քանիսը հերքել են այդ վարկածը):

2017թ. սեպտեմբերի 21-ին Ռուսաստանի գավաթի «Արարատ»-«ԲՄԱ-Խաբարովսկ» հանդիպման ժամանակ երկրպագուներին միջնամատ է ցույց տվել (հայհոյանք): Նույնը կրկնել է նաև հաջորդ` «Տորպեդոյի» հետ խաղի ժամանակ: Արդյունքում՝ Ալեքսանդր Գրիգորյանը որակազրկվել է Ռուսաստանի առաջնության օրացույցային և Ռուսաստանի գավաթի երկուական խաղերով: Եվս 6 տնային հանդիպում ակումբն անցկացրել է առանց երկրպագուների:

Դեկտեմբերի 26-ից կրկին ղեկավարել է «Լուչ-Էներգիան»: Նախկին մարզչի անհիմն հեռացումը և Գրիգորյանի վերադարձն ակումբ առաջացրել է երգրպագուների զայրույթը: Նրանք պատրաստել են հատուկ կպչուն թռուցիկներ՝ մարզչին ուղղված վիրավորական արտահայտություններով: 2018թ. մարտի 10-ին «Օրենբուրգի» դարպասին արված առաջին գոլից հետո Գրիգորյանը փորձել է հարձակվել «Լուչի» երկրպագուների վրա, որոնք մինչ այդ սադրիչ հայտարարություններ են արել նրա հասցեին:

Ապրիլի 15-ին Վորոնեժում «Ֆակելի» հետ հանդիպման ժամանակ երկրպագուներից մեկը մարզադաշտ է բերել և Գրիգորյանի ակումբի պահեստայինների տարածքում բաց թողել աքլորի: Տեսարանը հրապարակվել է մի շարք համաշխարհային լրատվականներում: Գրիգորյանը հայտարարել է, որ հաղորդում է ներկայացրել հանցագործության մասին: Նրա խոսքով` իր դեմ կազմակերպված արշավ է տեղի ունենում, որը հովանավորում են մրցակից մասնագետները:

Աքլորը` մարզադաշտում / ©Buffet36

Հետագայում Գրիգորյանը բազմիցս իշխանություններից պահանջել է խստորեն պատժել երկրպագուներին: Հանդիպումներից մի քանիսի ժամանակ երկրպագուների հատվածը փակ է եղել, սեփական հարկի տակ ևս մեկ հանդիպման ժամանակ նրանց մուտքն արգելվել է: 8 խաղից միայն 2-ում տարած հաղթանակը չի գոհացրել ակումբի ղեկավարությանը. 2018թ. ապրիլի 20-ին Գրիգորյանը հեռացվել է՝ երկրպագուների հետ ունեցած խնդիրների պատճառով խաղի վրա կենտրոնանալ չկարողանալու պատճառաբանությամբ:

Շարունակում է փոխել ակումբները

Ալեքսանդր Գրիգորյանը հանդես է եկել նաև փորձագիտական գործունեությամբ: 2017թ. նոյեմբերից նա «Բուքմեյքերների վարկանիշ» ընկերության փորձագետներից մեկն է: «Матч ТВ» հեռուստաալիքի կողմից պարբերաբար հրավիրվում է որպես փորձագետ:

2018թ. օգոստոսի 15-ից Գրիգորյանը ղեկավարել է «ԲԿՄԱ»-յի կանանց ակումբը: Այս տարվա ապրիլի 22-ին նշանակվել է «Տամբովի» գլխավոր մարզիչ: Պայմանագիրը նախատեսված է մինչև 2019/20 սեզոնի ավարտը: Ակումբը հասցրել է դուրս գալ ՌԱԼ: Հոկտեմբերի 19-ին, «Ուրալից» կրած պարտությունից հետո, Ալեքսանդր Գրիգորյանը հրաժարական է ներկայացրել:

Եվ չնայած հաճախակի ակումբից ակումբ տեղափոխվելուն, երկրպագուների ու ակումբների ղեկավարության հետ անհաշտություններին, շատ մասնագետներ նրան համարում են լավագույնը՝ որպես մասնագետ:

UPD 1. Լրատվամիջոցների հաղորդմամբ՝ ամենայն հավանականությամբ Ալեքսանդր Գրիգորյանն էլ հենց կղեկավարի Հայաստանի ֆուտբոլի հավաքականը: Տեղեկություններ կան, որ Գրիգորյանի թեկնածությունն առաջադրել է «Ուրարտուի» սեփականատեր Ջևան Չելոյանցը: Վերջինս պատրաստակամություն է հայտնել նաև իր հաշվին վճարել հավաքականի մարզչի աշխատավարձը:

Ալեքսանդր Գրիգորյանի թեկնածությանը, ինչպես հաղորդվում է, կողմ է Հայաստանի ֆուտբոլի ֆեդերացիայի նախագահ, ԱԱԾ նախկին պետ Արթուր Վանեցյանը: ՀՖՖ-ում շատերը, սակայն, կողմնակից են, որպեսզի հավաքականը մարզի եվրոպացի մասնագետը:

UPD 2. Ալեքսանդր Գրիգորյանը կղեկավարի Հայաստանի հավաքականը: Հաղորդվում է, որ ռուսաստանաբնակ մարզիչը ժամանել է Երևան և պայմանագիր կնքել ՀՖՖ-ի հետ:

Առաջիկայում Հայաստանի հավաքականը նրա ղեկավարությամբ սեփական հարկի տակ կընդունի Հունաստանի հավաքականին, ապա ուժերը կփորձի Իտալիայում:

UPD 3. Նոր տեղեկություններ են հաղորդվում հավաքականի գլխավոր մարզչի հետ պայմանագրի կնքման վերաբերյալ: Այսպես՝ ավելի վաղ մամուլին հայտնի էր դարձել, որ Ալեքսանդր Գրիգորյանը Երևան է ժամանել և պայմանագիր կնքել: Սակայն այժմ հաղորդվում է, որ պայմանավորվածությունները չեղյալ են արվել, պայմանագիրը չի կնքվել:

Լրագրող Անդրեյ Պանկովը տեղի ունեցածը համարել է կրկես Հայաստանի ֆուտբոլի ֆեդերացիայում:

UPD 4. Հայաստանի ազգային հավաքականի գլխավոր մարզիչ է նշանակվել «Ալաշկերտը» գլխավորող Աբրահամ Խաշմանյանը: Պաշտոնապես հաստատված տեղեկությամբ՝ նրա հետ պայմանագիրը կնքվել է մոտ 1 տարով. այն նախատեսված է մինչև 2020 թ. նոյեմբերի 30-ը:

Ֆուտբոլի ֆեդերացիայի տարածած հայտարարության համաձայն` ֆեդերացիայի նախագահ Արթուր Վանեցյանը նշել է, որ նախապատվությունը տվել է հայաստանցի փորձառու մարզչին: Շրջանառվում են տեղեկություններ, որ Վանեցյանը կողմնակից է եղել Ալեքսանդր Գրիգորյանի թեկնածությանը, սակայն ՀՖՖ-ում, ինչպես նաև մասնագետների ու ԶԼՄ-ների կողմից ճնշումների արդյունքում է վերջին պահին փոխել որոշումը:

Աբրահամ Խաշմանյան / ©norlur.am

1967թ. նոյեմբերի 11-ին Երևանում ծնված Աբրահամ Միքայելի Խաշմանյանը 1984թ.-ից որպես ֆուտբոլիստ խաղացել է հայկական ակումբներում: Մարզչական գործունեությունը սկսել է 2008թ.-ից: Ղեկավարել է «Կիլիկիա», «Գանձասար», «Արարատ», «Ալաշկերտ» ակումբները, Հայաստանի Մ-19 և Մ-21 հավաքականները:

Ամենաընթերցվածը

13 րոպե
Խմբագրություն

Հակառակորդը սկսել է լայնամասշտաբ հարձակողական նոր գործողություն Արաքսի հովտի հատվածում և Մատաղիս-Թալիշ հատվածներում։ Արցախի ՊԲ-ը հաջողությամբ դիմակայում է բոլոր հարձակումներին ու գրոհներին և հակառակորդին հասցնում են անձնակազմի և տեխնիկայի զգալի կորուստներ։

7 րոպե
Խմբագրություն

Հակառակորդը կրել է մարդկային և տեխնիկայի կորուստներ, մասնավորապես՝ երեք տանկ, երկու ուղղաթիռ, տասնհինգ անօդաչու թռչող սարք։ Մարտերը շարունակվում են։

1 րոպե
Խմբագրություն

Ադրբեջանական հաքերները կոտրել են մի շարք հայկական լրատվական կայքեր։

13 րոպե
Խմբագրություն

Հակառակորդը սկսել է լայնամասշտաբ հարձակողական նոր գործողություն Արաքսի հովտի հատվածում և Մատաղիս-Թալիշ հատվածներում։ Արցախի ՊԲ-ը հաջողությամբ դիմակայում է բոլոր հարձակումներին ու գրոհներին և հակառակորդին հասցնում են անձնակազմի և տեխնիկայի զգալի կորուստներ։

7 րոպե
Խմբագրություն

Հակառակորդը կրել է մարդկային և տեխնիկայի կորուստներ, մասնավորապես՝ երեք տանկ, երկու ուղղաթիռ, տասնհինգ անօդաչու թռչող սարք։ Մարտերը շարունակվում են։

1 րոպե
Խմբագրություն

Ադրբեջանական հաքերները կոտրել են մի շարք հայկական լրատվական կայքեր։

13 րոպե
Խմբագրություն

Հակառակորդը սկսել է լայնամասշտաբ հարձակողական նոր գործողություն Արաքսի հովտի հատվածում և Մատաղիս-Թալիշ հատվածներում։ Արցախի ՊԲ-ը հաջողությամբ դիմակայում է բոլոր հարձակումներին ու գրոհներին և հակառակորդին հասցնում են անձնակազմի և տեխնիկայի զգալի կորուստներ։

7 րոպե
Խմբագրություն

Հակառակորդը կրել է մարդկային և տեխնիկայի կորուստներ, մասնավորապես՝ երեք տանկ, երկու ուղղաթիռ, տասնհինգ անօդաչու թռչող սարք։ Մարտերը շարունակվում են։

2 րոպե
Խմբագրություն

Նշվում է, որ սիրիացիներն Ադրբեջանն ավելի են նախընտրում, քան՝ Լիբիան: Առաջին դեպքում նրանք սպանելու են հայերին, և ոչ՝ մուսուլմաններին: Բացի այդ, ինչպես հաղորդվում է, ադրբեջանական «արշավին» մասնակցելու համար թուրքերն ավելի շատ են վճարում, քան լիբիական մարտերին մասնակցելու համար:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.