Հայաստանին պետք է կոնսոլիդացիա, մոբիլիզացիա և մոդեռնիզացիա. ռուս փորձագետ — Շեշտ.am (shesht.am)
5 րոպե
Խմբագրություն

Հայաստանին պետք է կոնսոլիդացիա, մոբիլիզացիա և մոդեռնիզացիա. ռուս փորձագետ

ԵԱՏՄ ինստիտուտի տնօրեն Վլադիմիր Լեպեխինի համոզմամբ` նախընտրական շրջանը Հայաստանի համար լավ հնարավորություն է ռուսամետ և բոլոր առողջ ուժերի միավորման համար, օրինակ` «Նոր ուժեղ Հայաստան» կոալիցիայի շուրջ:

Բողոքի ցույցեր Երևանում / © Sputnik

ԵԱՏՄ ինստիտուտի տնօրեն Վլադիմիր Լեպեխինը կանխատեսումներ է ներկայացրել հունիսի 20-ին Հայաստանում կայանալիք արտահերթ խորհրդարանական ընտրությունների մասին: Փորձագետի խոսքով` ընտրությունները, հնարավոր է, ամենակարևորն երկրի հետխորհրդային պատմության ընթացքում, քանի որ անկախացումից ի վեր Հայաստանի հանրությունը չի եղել այսչափ կոտրված, բևեռացված ու մոլորված:

Այս օրերին Հայաստանում գտնվող Լեպեխինը խոսել է նաև առաջիկա ընտրություններում Ռուսաստանի դերակատարության մասին:

Փորձագետի պնդմամբ` արտահերթ ընտրությունները Հայաստանի քաղաքական համակարգի վերագործարկման լավ հնարավորություն են: Հարցն այն է` հայկական էլիտաներն ու հասարակությունը կարո՞ղ են դա իրականացնել, ինչը, Լեպեխինի խոսքով, բարդ գործընթաց է:

Փորձագետը համոզված է, որ նախորդ դարերի ընթացքում, իսլամական հարևանների ճնշման պայմաններում, հայ ժողովուրդը գոյատևել է կոնսոլիդացման շնորհիվ:

Անդրադառնալով հայ-ռուսական հարաբերություններին` Լեպեխինը նշել է, որ Ցարական Ռուսաստանը և ԽՍՀՄ-ը մեծապես նպաստել են հայկական պետության գոյությանն ու զարգացմանը: Նրա խոսքով` ժամանակակից Հայաստանն ու Ռուսաստանը սկզբունքորեն նոր պետություններ են` մեծամասամբ` համաշխարհային «ուժային կենտրոններից» կախյալ, որտեղ էլիտաները երբեմն չեն գիտակցում իրենց երկրի ազգային շահերը: Մասնավորապես` ՌԴ-ում առկա են տարբեր կուսակցություններ, այդ թվում` արևմտամետ և հակահայկական: Բայց ռուսների մեծ մասը Հայաստանը համարում է դաշնակից:

Նրա կարծիքով` Ռուսաստանի նախագահը Հայաստանում կայանալիք ընտրությունների համար ճիշտ չի համարում հայերին ինչ-որ բան առաջարկել` համարելով, որ նրանք պետք է արդար եղանակով արտահայտեն իրենց կամքը:

Փորձագետը նաև նշել է, թե ինչ խնդիր ունեն հայ-ռուսական դաշնակցության կողմնակիցները: Նախ` Հայաստանում և Ռուսաստանում գործող սոցիալական և քաղաքական խմբերի միջև կապերի ամրապնդում: Երկրորդ` ձգտել, որպեսզի իշխանության մարմիններում հնարավորինս շատ այդ խմբերի ներկայացուցիչներ լինեն (փոխադարձ), և երրորդ` ավանդական արժեքների պահպանում:

Դրանց իրագործման նպատակով փորձագետն անհրաժեշտ է համարել երկու ժողովուրդների ակտիվ քաղաքացիական դիրքորոշում, ռազմավարական գործընկերության անկեղծ հետաքրքրվածություն: Նաև` ազգայնամետ առաջնորդների վեր հանում, ովքեր կապ չունեն արևմտյան կառույցների ու արևմտամետ ծրագրերի հետ:

Փորձագետը համարում է, որ նախընտրական շրջանը Հայաստանի համար լավ հնարավորություն է ռուսամետ և բոլոր առողջ ուժերի միավորման համար: Սակայն ընդգծել է, որ միավորվելու ընդունակության բացակայությունն ընդդիմության մոտ լրջագույն խնդիր է: Լեպեխինը Ռուսաստանի հետ սերտ դաշնակցության կողմնակից ուժերին կոչ է արել վերջին երեք շաբաթների ընթացքում միավորվել մեկ կոալիցիայի մեջ` ներկայացնելով թեկնածուներին: Այդպիսի կոալիցիան, փորձագետի խոսքով, կարող է կրել, օրինակ, «Նոր ուժեղ Հայաստան» անունը:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.