Հայաստանը պետք է ռազմական նոր դաշինք կնքի Ռուսաստանի հետ, որպեսզի խաղաղապահները պաշտպանեն ոչ միայն Արցախը, այլև` Հայաստանը. Լեպեխին
ԵԱՏՄ ինստիտուտի տնօրենի խոսքով` հայկական կողմը դեռ պատերազմի ժամանակ կարող էր պնդել 102-րդ ռազմաբազայի ուժերի տեղափոխում Սյունիք, սակայն դա չի արել` «շրջագայությունների մեկնելով Արևմուտք»: Սակայն Արցախի անվտանգության երաշխավորն այժմ Մոսկվան է, որը, նրա պնդմամբ, տարեկան 10 մլրդ եվրո է ծախսելու այդ նպատակով:
ԵԱՏՄ ինստիտուտի տնօրեն Վլադիմիր Լեպեխինի համոզմամբ` Լեռնային Ղարաբաղը (Արցախ) Հայաստանի իշխանությունների կողմից փաստացի բախտի քմահաճույքին են մատնված, այդ պատճառով այնտեղ խաղաղության երաշխավորն առաջիկա տարիներին ռուս խաղաղապահներն են լինելու: Լեպեխինն անդրադարձել է նաև Արցախի անվտանգության ապահովման համար ծախսվող միջոցներին` նշելով, որ Մոսկվան այդ նպատակով տարեկան մոտ 10 մլրդ եվրո է ծախսելու:
Խոսելով ՀԱՊԿ գլխավոր քարտուղարի` օրերս արած հայտարարության մասին («սահմանային միջադեպ»)` քաղաքագետը նշում է, որ հայկական կողմը պետք է ոչ թե ՀԱՊԿ-ին դիմեր, այլ` անմիջապես Ռուսաստանին, որի «ձեռքերը շղթայված են հավաքական պայմանագրով»: Նրա համոզմամբ` Հայաստանը պետք է ռազմական նոր դաշինք կնքի Ռուսաստանի հետ, եթե ցանկանում է, որպեսզի ռուս խաղաղապահներն արդյունավետ կերպով պաշտպանեն ոչ միայն Արցախը, այլև` Հայաստանը:
Անդրադառնալով Նիկոլ Փաշինյանի հայտարարությանը, ըստ որի` քննարկվում է Սյունիքում ռուսական 102-րդ բազայի ռազմակայանի տեղակայման հարցը, Լեպեխինը պնդում է, թե դա առաջին հերթին Հայաստանին է անհրաժեշտ: Երևանը, նրա խոսքով, կարող էր պատերազմի ժամանակ պնդել ռազմաբազայի ուժերի տեղափոխում Սյունիք, սակայն դա չի արել` «շրջագայությունների մեկնելով Արևմուտք»:
Մինչդեռ Ռուսաստանը, Լեպեխինի գնահատմամբ, ի տարբերություն Եվրամիության, որն ընդամենը 1,5 մլրդ եվրո է պատրաստվում հատկացնել Հայաստանին, Արցախի անվտանգության ապահովման համար տարեկան 10 մլրդ եվրո է ծախսելու: Սակայն դա, դժգոհում է քաղաքագետը, հայկական մամուլում չի բարձրաձայնվում:
Խոսելով թուրք-ադրբեջանական հարաբերությունների մասին` ԵԱՏՄ ինստիտուտի տնօրենն ընդգծում է, որ Ադրբեջանը դառնում է Թուրքիայի արբանյակը, Կովկասի, ապա և` Միջին Ասիայի և ռուսական Պովոլժյեի նկատմամբ թուրքական էքսպանսիայի իրագործման գործիքը: Եվ Հայաստանը, նրա խոսքով, ստիպված է դիմակայել ոչ միայն 10 մլն-անոց Ադրբեջանին, այլև` 80 մլն-անոց Թուրքիային:
Հայկական բանակում ժամկետային զինծառայության ժամկետի կրճատման վերաբերյալ ՀՀ իշխանությունների մտադրության մասին հարցին ի պատասխան` Լեպեխինը նշել է, որ խորհրդարանական արտահերթ ընտրություններում հաղթած ուժի օգտին են քվեարկել արևմտամետ լրատվականների կողմից «մշակված» երիտասարդներ, որոնց համար «այֆոնն ու երևանյան սրճարաններում ժամանցն ավելի կարևոր է, քան` հայկական պետականությունը»: Այդ պատճառով, ինչպես պնդում է, երիտասարդները չեն ցանկանում կռվել հանուն իրենց երկրի:
Խորհրդարանական ընտրություններից հետո Հայաստանին ապագան, քաղաքագետի կարծիքով, «մշուշոտ է»: Նրա խոսքով` իրական քաղաքական մրցակցություն նոր Ազգային ժողովում ապահովված չէ: Իշխանությունը, ինչպես շեշտում է Լեպեխինը, կենտրոնացած է ազգային և ինքնիշխան զարգացման իրական ծրագիր չունեցող ուժի ձեռքին:
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Rocket Lab-ի Electron հրթիռը սեպտեմբերի 19-ին ուղեծիր է դուրս բերել ճապոնական Synspective ընկերության տասներկուերորդ StriX ռադարային արբանյակը։ Այն նախատեսված է Երկրի մակերևույթը դիտարկելու համար, սակայն շահագործման կհանձնվի առաջիկա ամիսների փորձարկումներից հետո։
Մասաչուսեթսի Քեյփ Քոդ թերակղզում հայտնաբերվել է Malaclemys terrapin տեսակի երկգլխանի կրիայի հազվագյուտ ձագ։ Ընդամենը մոտ 5 գրամ կշռող կենդանու մոտ առկա է բիցեֆալիա՝ զարգացման անոմալիա, որի դեպքում ձևավորվում է երկու գլուխ։ Այժմ ձագը գտնվում է Cape Wildlife Center-ի մասնագետների հսկողության տակ, որոնք հետևում են նրա սնվելուն, աճին և շարժումներին։
Bell Textron-ը Տեխասի Ամարիլոյի գործարանում սկսել է Նիգերիայի համար նախատեսված առաջին AH-1Z Viper հարվածային ուղղաթիռի արտադրությունը։ Ընկերությունը պետք է պատրաստի 12 ուղղաթիռ և արտադրությունն ավարտի 2029 թվականի սկզբին։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Rocket Lab-ի Electron հրթիռը սեպտեմբերի 19-ին ուղեծիր է դուրս բերել ճապոնական Synspective ընկերության տասներկուերորդ StriX ռադարային արբանյակը։ Այն նախատեսված է Երկրի մակերևույթը դիտարկելու համար, սակայն շահագործման կհանձնվի առաջիկա ամիսների փորձարկումներից հետո։
Մասաչուսեթսի Քեյփ Քոդ թերակղզում հայտնաբերվել է Malaclemys terrapin տեսակի երկգլխանի կրիայի հազվագյուտ ձագ։ Ընդամենը մոտ 5 գրամ կշռող կենդանու մոտ առկա է բիցեֆալիա՝ զարգացման անոմալիա, որի դեպքում ձևավորվում է երկու գլուխ։ Այժմ ձագը գտնվում է Cape Wildlife Center-ի մասնագետների հսկողության տակ, որոնք հետևում են նրա սնվելուն, աճին և շարժումներին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները