Հայաստանում ևս 2 հոգու մոտ կորոնավիրուս է հայտնաբերվել. (upd.)
Նախարար Արսեն Թորոսյանի խոսքով` նոր վարակումները կապված են Էջմիածնի հայտնի դեպքի հետ և ի սկզբանե մեկուսացված են եղել: Հայաստանում վարակվածների թիվը հասավ 15-ի:
ՀՀ Առողջապահության նախարարը հայտնել է, որ ևս 38 հետազոտություն է իրականացվել, որոնցից 36-ը բացասական են եղել, իսկ 2-ը` դրական. նրանց մոտ կորոնավիրուսի վարակը հաստատվել է: Այսպիսով՝ Հայաստանում Covid-19 կորոնավիրուսով վարակվածների թիվը հասավ 15-ի:
Արսեն Թորոսյանը նշել է, որ վերջին երկու վարակվածները նույնպես համաճարակաբանորեն կապված են Էջմիածնի դեպքի հետ: Նախարարի հաղորդմամբ՝ նրանք ի սկզբանե մեկուսացված են եղել: 15 հոգուց միայն մեկն ունի թոքաբորբ:
UPD 1. Վարչապետ Նիկոլ Փաշինյանը հայտնել է, որ կորոնավիրուսով վարակվածների թիվը հասել է 18-ի: Վարակվածության նոր դեպքերը կապված են Էջմիածնի նշանդրեքի հետ:
Փաշինյանը նշել է, որ շուրջ 200 մարդ մեկուսացված է: Նրա խոսքով՝ առաջին վարակվածը, ով Իրանից էր վերադարձել, արդեն գրեթե առողջացել է. մոտ օրերս վերջնական թեստավորում կանցնի: Վարչապետը հայտնել է նաև, որ իր և Աննա Հակոբյանի կորոնավիրուսի թեստի արդյունքները բացասական են եղել. Covid-19-ով վարակված չէ:
UPD 2. Կորոնավիրուսով վարակվածների թիվը հասավ 20-ի. երկու նոր վարակվածները շփում են ունեցել էջմիածնեցի վարակակիրի հետ:
Թեստավորում են անցել 14 քաղաքացիներ, որոնցից 12-ի մոտ Covid-19-ը չի հաստատվել:
Մեկնաբանությունները