Կորոնավիրուսով վարակված էջմիածնեցին մասնակցել է միջոցառումների և թաքցրել է ջերմություն ունենալու հանգամանքը — Շեշտ.am (shesht.am)
5 րոպե
Խմբագրություն

Կորոնավիրուսով վարակված էջմիածնեցին մասնակցել է միջոցառումների և թաքցրել է ջերմություն ունենալու հանգամանքը

Նախարար Արսեն Թորոսյանը նշել է, որ քաղաքացին չի պահպանել անհրաժեշտ նորմերը, դիմադրել է բժիշկներին՝ թաքցնելով ջերմություն ունենալու հանգամանքը. քննարկվում է նման դեպքերում վարչական պատասխանատվության ենթարկելու հարցը:

Շտապօգնության մեքենա՝ Էջմիածնում / © Հրապարակ

Երեկ երեկոյան հայտնի դարձավ, որ Հայաստանում կորոնավիրուսով վարակվածության 3 նոր դեպք է գրանցվել. 3-ն էլ եղել են Իտալիայում: Նրանցից մեկի՝ Էջմիածնի բնակչի մասին այսօր տեղեկություններ տարածվեցին, որ Հայաստան ժամանելուց հետո կարանտինային պայմանները չի պահպանել, չի ինքնամեկուսացվել և մասնակցել է հուղարկավորության, նշանադրության:

Թեմային անդրադարձել է էջմիածնի քաղաքապետ Դիանա Գասպարյանը՝ հայտնելով, որ վարակվածը բուժում է ստանում Նորքի ինֆեկցիոն հիվանդանոցում: Ավելի վաղ լուրեր էին տարածվել, թե քաղաք են բերվել բազմաթիվ շտապօգնության մեքենաներ, քանի որ վարակվածները շատ են: Գրիգորյանը նշել է, որ 1 վարակվածի հետ շփում ունեցած քաղաքացիներին մեկուսացնելու և հետազոտելու համար են բերվել մեքենաներն ու անձնակազմը:

Էջմիածնի քաղաքապետը՝ Էջմիածնում կորոնավիրուսի դեպքի մասին. ՈՒՂԻՂ

Էջմիածնի քաղաքապետը՝ Էջմիածնում կորոնավիրուսի դեպքի մասին. ՈՒՂԻՂ

Опубликовано Factor TV Четверг, 12 марта 2020 г.
Էջմիածնի քաղաքապետը ներկայացնում է քաղաքում կորոնավիրուսի տարածման մանրամասները / © Factor TV

Էջմիածնում 1 շաբաթով փակվել է միայն սպորտդպրոցը, մյուսները փակելու անհրաժեշտություն, ըստ քաղաքապետի, դեռ առկա չէ: Քաղաքապետ Դիանա Գրիգորյանն այսօր Զվարթնոց համայնքում իրականացվելիք «ԱՅՈ՛» քարոզարշավը չեղարկել է:

Առողջապահության նախարար Արսեն Թորոսյանը լրագրողների հարցերին ի պատասխան նշել է, որ քաղաքացին մոտ 10 օր առաջ է ժամանել Հայաստան, Իտալիայից՝ տարանցիկ ճանապարհով: Մարտի 7-ին նա ունեցել է բարձր ջերմություն, սակայն առողջապահական գերատեսչության դիտարկման ժամանակ դիմադրություն է ցուցաբերել՝ թաքցնելով ախտանշաններ ունենալու հանգամանքը:

Կառավարության անդամների ճեպազրույցներ

Կառավարության անդամների ճեպազրույցներ

Опубликовано Ազատություն ռադիոկայան Четверг, 12 марта 2020 г.
Նախարար Թորոսյանի ճեպազրույցը / © Ազատություն

Այդ ընթացքում Էջմիածնի բնակիչը մասնակցել է տարբեր միջոցառումների՝ առկա տեղեկությունների համաձայն՝ հուղարկավորության և նշանադրության, իսկ բժիշկներին դիմել է արդեն ծանր վիճակում: Թեստավորման արդյունքում կորոնավիրուսով վարակվածությունը հաստատվել է:

Նախարարը նշել է, որ այս պահի դրությամբ 3 նոր դեպքերով վարակվածների հետ հետ շփում ունեցած քաղաքացիների շրջանակը ճշտվել է՝ շուրջ 57 հոգի. նրանք մեկուսացված են:

Երեկ հաստատված նոր կորոնավիրուսով 3 նոր անձանց սերտ շփման ամբողջ շրջանակը հայտնաբերված և մեկուսացված է։Մեկուսացված են թվով 57 անձ։

Опубликовано Arsen Torosyan Четверг, 12 марта 2020 г.

Թորոսյանի խոսքով՝ քաղաքացին չի ցուցաբերել անհրաժեշտ սոցիալական պատասխանատվություն՝ չպահպանելով մեկուսացման պայմանները, ինչի կապակցությամբ, ըստ նախարարի, քննարկվում է վարչական պատասխանատվության ենթարկելու հարցը:

Լրագրողները նախարարից հետաքրքրվել են՝ արդյո՞ք նախարարությունը գործել է իրավիճակին համապատասխան՝ մեկուսացման, վերահսկողության և այլ առումներով, Թորոսյանը վստահեցրել է, որ խնդիրը մեծ մասամբ պայմանավորված է քաղաքացու դիմադրությամբ և ախտանշանները թաքցնելու հանգամանքով՝ կոչ անելով մյուս քաղաքացիներին դրսևորել սոցիալական պատասխանատվություն:

Ամենաընթերցվածը

2 րոպե
Խմբագրություն

Տեղեկություն է ստացվել, որ Գյումրիում տեղակայված ռուսական 102-րդ ռազմաբազան ուժեր է տեղափոխում Հայաստանի Սյունիքի մարզ, ուր ներխուժել են ադրբեջանցի զինվորականներ:

2 րոպե
Խմբագրություն

Թուրքիայի նախագահ Էրդողանը հայտարարել է, որ Անկարան սկսում է աջակցել Գազայի հատվածին, ինչպես աջակցել է Ադրբեջանին` Արցախի դեմ պատերազմում: Համարվում է, որ դա կնշանակի լայնածավալ մասնակցություն Իսրայելի դեմ պատերազմին:

1 րոպե
Խմբագրություն

Տանկային ստորաբաժանումները զորավարժությանը ներգրավված այլ ստորաբաժանումներին հնարավորություն են ապահովել նպաստավոր դիրքերի զբաղեցման և պայմանական հակառակորդի գործողությունների վերահսկման համար։

4 րոպե
Խմբագրություն

Նշվում է, որ եթե ժամկետը լրանալուն պես նրանք չնահանջեն, ՀՀ զինված ուժերը պատրաստվում են ուժ կիրառել։

5 րոպե
Խմբագրություն

Հայաստանում հիշում են, թե Իսրայելն ինչպես էր զինում Ադրբեջանին՝ Արցախի դեմ պատերազմի համար, սակայն հիմա ակնհայտ է, որ թուրքերը դեմ են դուրս գալիս Իսրայելին․ Անկարան այժմ սպառնում է Թել Ավիվին, ինչի մասին Երևանում դեռ ամսիներ առաջ էին նախազգուշացնում։

3 րոպե
Խմբագրություն

Տեղեկություններ են ստացվել, որ այս գիշեր Իսրայելի զինված ուժերը ցամաքային և օդային հարձակում են սկսելու Գազայի հատվածի վրա: Շրջանը հսկող ՀԱՄԱՍ և մյուս բոլոր խմբավորումներն իրենց հերթին հարձակում են նախապատրաստում Իսրայելի մայրաքաղաքի ուղղությամբ: Այս պահին փոխադարձ հրթիռակոծությունը շարունակվում է:

4 րոպե
Խմբագրություն

Նշվում է, որ եթե ժամկետը լրանալուն պես նրանք չնահանջեն, ՀՀ զինված ուժերը պատրաստվում են ուժ կիրառել։

5 րոպե
Խմբագրություն

Հայաստանում հիշում են, թե Իսրայելն ինչպես էր զինում Ադրբեջանին՝ Արցախի դեմ պատերազմի համար, սակայն հիմա ակնհայտ է, որ թուրքերը դեմ են դուրս գալիս Իսրայելին․ Անկարան այժմ սպառնում է Թել Ավիվին, ինչի մասին Երևանում դեռ ամսիներ առաջ էին նախազգուշացնում։

3 րոպե
Խմբագրություն

Տեղեկություններ են ստացվել, որ այս գիշեր Իսրայելի զինված ուժերը ցամաքային և օդային հարձակում են սկսելու Գազայի հատվածի վրա: Շրջանը հսկող ՀԱՄԱՍ և մյուս բոլոր խմբավորումներն իրենց հերթին հարձակում են նախապատրաստում Իսրայելի մայրաքաղաքի ուղղությամբ: Այս պահին փոխադարձ հրթիռակոծությունը շարունակվում է:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.