Կորոնավիրուսով վարակվածների թիվը Հայաստանում դարձավ 23. (upd.)
Նոր վարակվածները կապ ունեն «Էջմիածնի» հայտնի դեպքի հետ: 21 պացիենտների, այդ թվում՝ երեխայի առողջական վիճակը բավարար է: Մյուս 2 պացիենտների մոտ թոքաբորբ է. նրանց կյանքին ևս վտանգ չի սպառնում:
Հայաստանում կորոնավիրուսով վարակվածների թիվը շարունակում է աճել: Նախարար Արսեն Թորոսյանը հայտնել է, որ մեկուսացված քաղաքացիների շրջանում 52 թեստավորում է իրականացվել, որոնցից 49-ը բացասական են եղել, իսկ ևս 3-ի մոտ Covid-19-ը հաստատվել է: Վարակվածների ընդհանուր թիվը հասավ 23-ի:
Առողջապահության նախարարը նշել է, որ նոր վարակվածները կապ ունեն «Էջմիածնի» հայտնի դեպքի հետ: Թորոսյանի խոսքով՝ 21 պացիենտների, այդ թվում՝ երեխայի առողջական վիճակը բավարար է: Մյուս 2 պացիենտների մոտ թոքաբորբ է. նրանց կյանքին վտանգ չի սպառնում:
UPD. Նախարար Արսեն Թորոսյանը հայտնել է և 3 նոր վարակվածների մասին: Ընդհանուր թիվը Հայաստանում դարձավ 26: Թորոսյանը հաղորդել է, որ նոր հաստատված դեպքերից 2-ը կապված են «Էջմիածնի» դեպքի հետ, ի սկզբանե մեկուսացված են եղել, իսկ մյուսը Մեղրի քաղաքում է գրանցվել` Իտալիայից վերջերս վերադարձած ՀՀ քաղաքացու մոտ:
Նախարարը նշել է, որ ներկայումս մեկուսացված է 300 քաղաքացի: Նոր դեպքի հետ սերտ շփում ունեցողների հայտնաբերման ուղղությամբ աշխատանքներ են տարվում:
Մեկնաբանությունները