Նախագահ Հասան Ռոհանին հայտնել է, որ հրթիռն արձակվել է մարդկային սխալի պատճառով, պատահաբար: Նա ցավակցել է զոհերի հարազատներին և հանձնարարել գտնել մեղավորներին:
Իրանի նախագահ Հասան Ռոհանին հայտարարել է, որ մարդկային սխալի պատճառով և պատահաբար ուկրաինական Boeing ինքնաթիռը խոցվել է հրթիռով՝ 176 մարդու մահվան պատճառ դառնալով: Նա հանձնարարել է գտնել մեղավորներին և պատժել ամբողջ խստությամբ, իսկ ՀՕՊ համակարգում առկա թերությունները վերացնել՝ հետագայում նման ողբերգությունները բացառելու համար:
Իրանի զինուժի գլխավոր շտաբ հայտարարել է, որ օդանավը թռիչքն իրականացրել է Իսլամական հեղափոխության պահապանների կորպուսի ԻՀԿՊ) ռազմական կարևոր օբյեկտներից մեկին շատ մոտ տարածությամբ, և իր ձևով ու թռիչքի բարձրությամբ չի տարբերվել հակառակորդի օբյեկտից:
Իրանական կողմը հայտնել է, որ ամերիկյան և իրանական կողմերի փոխադարձ հրթիռակոծությունից հետո երկնքում մեծացել է ԱՄՆ ռազմական ինքնաթիռների թիվը, ինչն էլ իրանական ՀՕՊ համակարգին պարտադրել են գործել լարվածության պայմաններում: Հակաօդային պաշտպանությունը գործել է գերզգայուն վիճակում, և, ինչպես նշել է Իրանի ԶՈւ ԳՇ-ը, մարդկային սխալի հետևանքով պատահականորեն հրթիռ է արձակել ինքնաթիռի ուղղությամբ:
Հիշեցնենք՝ Թեհրան-Կիև չվերթն իրականացնող ինքնաթիռը կործանվել էր Թեհրանի Իմամ Խոմեյնիի օդանավակայանից օդ բարձրանալուց րոպեներ անց: Դրան նախորդել էին ԱՄՆ-Իրան փոխադարձ հրթիռակոծություններն Իրաքի տարածքում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…