Իրանի ԶՈՒ մամուլի քարտուղարը նշել է, որ ահաբեկիչների և սիոնիստների վերաբերյալ երկու սկզբունքների խախտման դեպքում հետևանքների ամբողջ պատասխանատվությունը կրելու է այն երկիրը, որը նպաստում է թաքֆիրիների և սիոնիստական վարձկանների հաստատմանը տարածաշրջանում:
Իրանի Զինված ուժերի մամուլի քարտուղար Աբոլֆազլ Շեքարչին հայտարարել է, որ Իսլամական Հանրապետության համար իր սահմանների և սահմանամերձ շրջանների քաղաքացիների անվտանգությունն առաջնահերթություն է: Նրա խոսքով՝ Թեհրանը հարգում է Երևանին և Բաքվին, և հակամարտող երկու երկրների հետ էլ ընդհանուր սահմաններ ունի:
Նա Հայաստանին և Ադրբեջանին կոչ է արել «շատ զգույշ լինել», քանի որ Իրանի նկատմամբ ամենափոքր ոտնձգությունն անգամ վճռական արձագանքի է արժանանալու։ Շեքարչին նշել է, որ ցանկացած տեսակի սպառնալիքին դիմակայելու համար Իրանի ԶՈՒ-երը շատ լավ պատրաստվածություն ունեն։ Հայտարարությունում առանձնակի շեշտվել է, որ «թաքֆիրի (արմատական, ծայրահեղական իսլամական, խմբ.) ահաբեկիչների համար տարածաշրջանում տեղ չպետք է բացվի»:
ԻԻՀ ԶՈՒ մամուլի քարտուղարն ընդգծել է, որ թաքֆիրի ահաբեկիչների ներկայությունն Իրանի համար անհանդուրժելի է, և Իսլամական Հանրապետությունը որևէ պատրվակով նրանց ներկայությունը չի հանդուրժելու։
Իրանական կողմը մեծ ուշադրություն է դարձնում տարածաշրջանում սիոնիստական գործողություններին, ինչի մասին հայտարարությունում նույնպես նշվել է. «Մենք ոչ մի դեպքում մեր սահմանների մոտ ու հակամարտության գոտում սիոնիստական ռեժիմի լրտեսական բազաների առկայություն թույլ չենք տա»: Իրանական կողմը բազմիցս ընդգծել է այս երկու հանգամանքների՝ ահաբեկիչների և սիոնիստական կառույցների ներկայության բացառման կարևորությունը՝ հակամարտող կողմերին կոչ անելով լրջորեն ուշադրություն դարձնել:
Պաշտոնական Թեհրանի կողմից վճռականորեն շեշտվել է, որ նշված սկզբունքների խախտման դեպքում հետևանքների պատասխանատվությունը կրելու է այն երկիրը, որը նպաստում է թաքֆիրիների և սիոնիստական վարձկանների ներկայությանը:
Իրանի արտգործնախարար Մոհամմադ Ջավադ Զարիֆը, միևնույն ժամանակ, հայտարարել է, որ Թեհրանն անհանգստանում է ծայրահեղական խմբավորումների՝ հակամարտության գոտում հայտնվելու կապակցությամբ՝ այն համարելով սպառնալիք ոչ միայն Իրանի, այլև ամբողջ տարածաշրջանի խաղաղության ու կայունության համար։
Զարիֆն ընդգծել է, որ Իրանն անհանգստանում է Լեռնային Ղարաբաղի հակամարտության գոտում մարդկային կորուստների և քաղաքացիական անձանց հասցվող վնասների առնչությամբ:
Անդրադառնալով ԼՂ հակամարտության կարգավորման Իրանի ծրագրին՝ Իսլամական Հանրապետության արտգործնախարարը նշել է, որ հակամարտող կողմերը, Ռուսաստանն ու Թուրքիան ուսումնասիրում են ծրագիրը. Իրանը պատասխանի է սպասում։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…