Ամերիկյան պարբերականներն արդեն վստահաբար պնդում են, որ Բայդենը ճանաչելու է Հայոց ցեղասպանությունը
Նշվում է, որ թեև ցեղասպանության ճանաչումն էապես կվատթարացնի ԱՄՆ-Թուրքիա հարաբերությունները, սակայն նախագահ Բայդենը պատրաստ է դիմել այդ քայլին՝ հանուն մարդու իրավունքների։
Ամերիկյան հեղինակավոր պարբերականներն ազդարարում են, որ Բայդենն, ամեն դեպքում, կճանաչի Հայոց ցեղասպանությունը։ Ավելի վաղ հաղորդել էինք, որ The National Interest-ն է դա նախանշել, իսկ այժմ նման համոզմունքով հանդես են եկել նաև The New York Times-ն ու The Wall Street Journal-ը։
Առաջինը, մասնավորապես, շեշտում է, որ Առաջին աշխարհամարտի ժամանակ հայ ժողովրդի հանդեպ տեղի ունեցած ոճրագործությունները Բայդենը մտադիր է ճանաչել որպես ցեղասպանություն։ Պարբերականը վկայակոչում է նախագահի վարչակազմի իր աղբյուրներին՝ ընդգծելով, որ ճանաչումն պետական այլ կառույցների ներկայացուցիչներ ևս հավանական են համարել։ Նշվում է, որ թեև դա կվատթարացնի ԱՄՆ-Թուրքիա հարաբերությունները, սակայն նախագահ Բայդենը պատրաստել է դիմել այդ քայլին՝ հանուն մարդու իրավունքների։
Հնարավոր է համարվում, որ ԱՄՆ նախագահն այդ հայտարարությունը կանի շաբաթ օրը՝ ապրիլի 24-ին, և կդառնա երկրի առաջին նախագահը, ով պաշտոնապես կճանաչի Հայոց ցեղասպանությունը, թեև, ինչպես հիշեցնում է պարբերականը, նախագահ Ռոնալդ Ռեյգանը 1981թ․ Հոլոքոստի մասին հայտարարության մեջ անդրադարձել է 1915թ․ կոտորածներին։
The Wall Street Journal-ն իր հերթին հիշեցնում է, որ Ջո Բայդենը Հայոց ցեղասպանությունը ճանաչելու մտադրության մասին խոստացել էր դեռ նախագահական ընտրությունների քարոզարշավի ընթացքում։ Պարբերականը դժվարանում է հաստատապես պնդել՝ թե ճանաչումն ինչ բնույթ կունենա՝ հռչակագրի՞ տեսքով, թե՞ հայտարարության։ Սակայն կրկին նշվում է, որ Ցեղասպանությունը ճանաչելու դեպքում ԱՄՆ-Թուրքիա հարաբերություններն էապես կվտանգվեն։
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները