Յուտայի «մենաքարի» ծագումն անհայտ մնաց. այն գողացել են: Մեկ այլ օրինակ գտել են Ռումինիայում — Շեշտ.am (shesht.am)
5 րոպե
Խմբագրություն

Յուտայի «մենաքարի» ծագումն անհայտ մնաց. այն գողացել են: Մեկ այլ օրինակ գտել են Ռումինիայում

Ամերիկյան Յուտա նահանգում հայտնաբերված գտածոյի պատմությունն ավելի է խճճվում: Չնայած իշխանություններն ամեն կերպ փորձել են նրա գտնվելու վայրը չհրապարակել, սակայն քաղաքացիները պարզել են: Արդյունքում՝ «մենաքարն» անհետացել է:

«Մենաքար» / © Bureau of Land Management — Utah, Instagram

Նոյեմբերի կեսերին Յուտա նահանգի Հանրային անվտանգության վարչության աշխատակիցները հաստեղջյուր ոչխարների հաշվառման ժամանակ տարօրինակ գտածո էին հայտնաբերել: Մի քանի լուսանկարներ ու տեսանյութեր անելուց հետո նրանք ուղղաթիռով հեռացել են՝ շարունակելով իրենց հիմնական աշխատանքը: «Մենաքարի» գտնվելու վայրը մնացել է գաղտնի:

Reddit-ի օգտատեր Թիմ Սլեյնը Google Earth-ի միջոցով հայտնաբերել է նրա գտնվելու վայրը՝ օգտագործելով լուսանկարներում ու տեսանյութում երևացող բարձր ժայռերը:

«Մենաքար» / © Bureau of Land Management — Utah, Instagram
«Մենաքար» / © Bureau of Land Management — Utah, Instagram
«Մենաքար» / © Bureau of Land Management — Utah, Instagram
«Մենաքար» / © Bureau of Land Management — Utah, Instagram

Reddit-ի օգտատերերը հետաքննություն են կատարել՝ արբանյակային լուսանկարների օգնությամբ պարզելով «մենաքարի» տեղադրման մոտավոր ժամկետները՝ 2015թ. օգոստոս-2016թ. հոկտեմբեր: Սակայն հեղինակի մասին հարցը բաց է մնացել: Գտածոն ավելի շատ նման է նկարիչ Ջոն Մաքրաքենի աշխատանքներին. դրանք նույնպես աբստրակտ են և շատ նման այս գտածոյին: Մաքրաքենը, ի դեպ, հավատում էր այլմոլորակային կյանքին և մի անգամ առաջարկել էր անապատում «մենաքար» տեղադրել (նկարիչը մահացել է 2011թ.):

Արբանյակային լուսանկարներ / © BBC, Google Earth

Այլընտրանքային տարբերակը հուշում է, որ Յուտայում այդ «մենաքարը» կարող են տեղադրած լինել նկարչի երկրպագուները, սակայն պատասխանատվություն դեռ ոչ ոք չի ստանձնել: Կասկածում են Պետեցիա լե Ֆավնհոքին, ով նույն նահանգում է բնակվում և արտասովոր տեղադրումներով է հայտնի: Սակայն նա հերքում է իր մասնակցությունը: Ըստ ամենայնի՝ գտածոյի ծագումն անհայտ կմնա. հաղորդվում է, որ այն անհետացել է: Մնացել է միայն եռանկյուն պլաստիկ, որը ծածկել է կառուցվածքի վերին հարթությունը:

«Մենաքարի» տեղադրման վայրը / © Bureau of Land Management — Utah, Facebook

Թեև տեղի իշխանությունները հայտարարել են, որ «մենաքարի» տեղադրությունն ապօրինի է և այն պետք է հեռացնել, սակայն նրանք չեն տեղափոխել այն: «Մենաքարին» այցելող երկու զբոսաշրջիկներ պատմել են, որ պիկապ են տեսել, որը հեռացել է կանյոնից: Բեռնախցիկում ինչ-որ մեծ իր են տեսել, բայց մթության պատճառով հստակ չի երևացել, թե ինչ է:

«Մենաքար»՝ Ռումինիայում / © LADbible
«Մենաքար»՝ Ռումինիայում / © LADbible
«Մենաքար»՝ Ռումինիայում / © LADbible
«Մենաքար»՝ Ռումինիայում / © LADbible

Պատմում են, որ Ռումինիայում նոյեմբերի 26-ին նույնատիպ գտածո են հայտնաբերել: Այն գտնվում է Պյատրա-Նյամց քաղաքի մոտ, Պյատրա-Ռոշիտե ամրոցից մի քանի մետր հեռավորության վրա: Դատելով լուսանկարներից՝ ռումինական «մենաքարն» ավելի անփութորեն է պատրաստվել: Մշակութային ժառանգության վարչությունը հայտնաբերված գտածոյի հետաքննությունը դեռ չի ավարտել:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.