Պահանջում են Զոհրաբ Մնացականյանի հրաժարականը. ի՞նչն է պատճառը

ՀՀ արտգործնախարար Զոհրաբ Մնացականյանն օրերս հյուրընկալվել է BBC-ի հանրահայտ «HARDtalk» («Դժվար խոսակցություն») ծրագրին: Համացանցում այն բուռն քննարկման տեղիք է տվել. մի մասը նրան մեղադրել է դավաճանության մեջ` պահանջելով հրաժարական ներկայացնել, իսկ շատերը ողջունել են նախարարի ողջախոհ պատասխանները:

Տեսնենք, թե հատկապես ինչի համար են նրան մեղադրում:

1) Հայաստանի ծանր վիճակը

Քաղաքագետ Արմեն Այվազյանն առաձնացրել է մի քանի հատված, որտեղ նախարարն, ըստ Այվազյանի, այլ պատասխան պիտի տար: Նրա խոսքով՝ ԱԳ նախարարը չի նկարագրել Հայաստանի ծանր աշխարհառազմավարական դրությունը, որն առաջացել է Ադրբեջանի ու Թուրքիայի հակահայկական ու ցեղասպանական քաղաքականության պատճառով։

Քաղաքագետի նշած հատվածում, սակայն, Զոհրաբ Մնացականյանը խոսում է առաջ շարժվելու մասին: ԱԳ նախարարի կեցվածքը, ըստ մի շարք քաղաքական գործիչների, վերլուծաբաններ ու օգտատերերի, տարբերվում է նախկինում ունեցած պարտվողական, խեղճացած կեցվածքից:

Մնացականյանը հանդես է գալիս որպես ուժ ունեցող, անվտանգությունն անհրաժեշտ կերպով ապահովելու ունակ պետության ներկայացուցիչ, և ոչ՝ որպես օգնություն հայցող:

2) Հակամարտության բուն պատճառները

«Արարատ» ռազմավարական հետազոտությունների կենտրոնի տնօրեն Արմեն Այվազյանը ՀՀ արտգործնախարարին մեղադրում է նրանում, որ ոչ մի խոսք չասաց հակամարտության բուն պատճառների մասին և թե ով Է այն սկսել։ Նախարարին մեղադրում են նաև խճճվածության, հախուռնության մեջ:

ՄԱՀՀԻ հիմնադիր, քաղաքագետ Ստյոպա Սաֆարյանը նշում է, որ Զոհրաբ Մնացականյանը ոչ մի տեղ «չի սայթաքել»: Նրա խոսքով՝ նախարարը ճիշտ է արել, որ ներքին բառաֆոնդով՝ «ազատագրում» և այլն, «խնդրի տեսլականը» չհանեց միջազգային լսարան:

Սաֆարյանը նշում է, որ Մնացականյանը պատասխանները հնչեցրել է միջազգային լսարանին հասու տերմիններով՝ այդ տարածքում ապրող 150.000 հայերը պետք է «միջազգայնորեն ճանաչված» ու «համաձայնեցված կարգավիճակ» ու «անվտանգություն» ունենան:

3) Շրջափակում և ագրեսիա

Արմեն Այվազյանը նշել է, որ Հայաստանի արտաքին գերատեսչության ղեկավարը ոչ մի խոսք չի ասել ադրբեջանական շրջափակման և ագրեսիայի մասին և չի դատապարտել դրանք։

Ազգային ժողովի պատգամավոր Սոս Ավետիսյանը ֆեյսբուքյան գրառմամբ անդրադարձել է Մնացականյանի տված հարցազրույցին: Ըստ նրա՝ այս հարցազրույցը ոչ միայն Սթիվեն Սակուրի հետ էր, այլև միջազգային լսարանի, որի պարագայում կարևոր բոլոր ուղերձները նշվել են:

Պատգամավորի խոսքով՝ դրանք են՝ Ադրբեջանի կողմից մարդասպանին հերոսացնելը, Ապրիլյան քառօրյայի բարբարոսությունները, Բաքվի որդեգրած ապակառուցողական մոտեցումը:

4) Շատ բառեր չասաց

Մնացականյանի ընդդիմախոսները նրան մեղադրեցին ինչ-ինչ բառեր, արտահայտություններ չարտաբերելու հարցում: Նրանք պնդրում են, մասնավորապես, որ անհրաժեշտ էր շարունակել նախորդ տասնամյակներում հայ հասարակության համար հնչեցված արտահայտությունների շեշտադրումը:

Սակայն արտաքին հարաբերությունների նրբություններին քաջածանոթ մասնագետները վստահեցնում են, որ միջազգային լսարանի համար կա հստակ բառապաշար, որն ընդունելի է, և պաշտպանում են արտաքին գերատեսչությունը ղեկավարող նախարարի կողմից այդ միջազգային նորմերը պահպանելն ու միջազգային տերմինաբանությունից չշեղվելը՝ չնայած լրագրողի սադրիչ հարցերին:

Ընդդիմախոսները, մասնավորապես, մեղադրում են հայ խաղաղ բնակչության դեմ Սումգայիթում, Բաքվում, Մարաղայում և այլուր ադրբեջանական իշխանությունների գործած բռնությունների, մշակութային ցեղասպանության, հայատյաց քաղաքականության, Թուրքիայի կողմից շրջափակման, ցեղասպանության ժխտման մասին հարցազրույցի ժամանակ չբարձրաձայնելու համար:

Սակայն Արցախյան հակամարտության պատմությանը, այդ ոլորտում տարիներ շարունակ աշխատած, ինչպես նաև միջազգային հարաբերությունների ձևաչափին քաջածանոթ գործիչները վստահեցնում են, որ Զոհրաբ Մնացականյանը ոչ միայն անհրաժեշտ կոռեկտությամբ պատասխանել է լրագրողին, այլ, ինչպես երևում է նաև տեսանյությում, նշել է. «Դուք խեղաթյուրում եք պատմությունը»: Մասնագետներն ընդգծում են, որ ԱԳ նախարարը չտրվեց սադրանքին և մնաց նախարարի, արտաքին դիվանագիտական

Էջանիշ

Պատճենել հղումը

Email

Տպել

Twitter

VK

Telegram