«Ես բեռ չեմ». սոցցանցում ֆլեշմոբ է սկսվել՝ «Աերոֆլոտից» պահանջելով ընտանի կենդանիներին մարդասիրաբար փոխադրել
Ինքնաթիռում երկու կատուների մահանալուց հետո «Աերոֆլոտը» փոփոխություններ կատարելու պատրաստակամություն է հայտնել, բայց ամեն ինչում մեղադրել է օդանավակայանի բեռնափոխադրողներին:
Հունարի 24-ին ուղևոր Մաքսիմա Չումաչենկոն պատմել է «Աերոֆլոտ» ավիաընկերության իրականացրած Նյու Յորք-Սոֆիա չվերթի ինքնաթիռում մահացած իր երկու կատուների մասին: Երրորդը ողջ է մնացել, բայց ցրտահարվել է: Ուղևորը կենդանիներին հանձնել էր որպես բեռ. այդպիսին էր ընկերության պահանջը:
Կատուներից մեկը սատկել է ինքնաթիռում, մյուսը՝ անասնաբույժի մոտ: Մինչև հետազոտության արդյունքների հրապարակում Չումաչենկոն նշել է, որ Մոսկվայում փոխատեղման ժամանակ ուղևորներից մեկը տեսել է, որ կատուներին բեռնաթափման ժամանակ նետում են: Օդանավակայանում նա ստացել է կոտրված բեռը, մեկը նույնիսկ պարանով են կապել, որպեսզի չմասնատվի: «Աերոֆլոտը» հաստատել է տեղի ունեցածը, բայց մեղադրել է «Շերեմետևո Հենդլինգ» ընկերությանը, որն իրականացնում է բեռների հետ աշխատանքը:
Դրանից հետո ավիաընկերության սոցցանցը մի քանի օր ենթարկվել է օգտատերերի հարձակումներին: Նրանց խոսքով` բացասական մեկնաբանությունները հեռացվել են, բայց որոշ կարծիքներ հրապարակվել են: Instagram-ում ընկերության վերջին հրապարակման ներքո մեկնաբանություններն ավելի շատ են, քան էջում միջին քանակությունը: Մեծ մասը մահացած կատուներիմասին է:
Twitter-ում դժգոհ օգտատերերին պատասխանել են միևնույն նախադասությամբ՝ «Մենք կիսում ենք ձեր մտահոգությունը»:
Այդ ամենի ֆոնին համացանցում ուշադրություն են դարձրել Անաստասիա Շտեյնի հանրագրին՝ Change.org կայքում, որը հրապարակվել էր մինչ այս դեպքը: Նա այլ իրավիճակ էր նկարագրել՝ «Աերոֆլոտով» Պերմից Բեռլին ուղևորվելիս Մոսկվայում փոխատեղում իրականացնելիս պատահած:
Հանրագրի հեղինակի խոսքով՝ Գերմանիա ժամանելիս շանը չեն վերադարձրել. մոռացել էին Մոսկվայում: Ավիաընկերությունը չէր կարողացել օգնել աղջկան՝ ուղղորդելով դիմել բեռի որոնման ծառայություն: Անաստասիան նշել է, որ խոսքի մեջ ասել են՝ «Ձեր շունը մեզ համար ճամպրուկ է»: Շունը Բեռլին է վերադարձել տիրոջից 12 ժամ ուշ՝ «սոված և ծարավ»:
Բեռլինում ստիպված է եղել ինքնուրույն պարզել եղելությունը: Ավիաընկերության ծառայություններից ոչ մեկը տեղեկություն չի տրամադրել միջադեպի, շատ վիճակի և հնարավոր լուծումների վերաբերյալ:
Շտեյնն «Աերոֆլոտին» մի քանի պահանջներ է ներկայացրել՝ կենդանիների «մարդասիրական» տեղափոխման վերաբերյալ.
— Կենդանիների կարգավիճակը «բեռից» փոխարինել «հատուկ պահանջներով ուղևորի»,
— Հստակ պարզաբանել փոխադրողի պատասխանատվության տիրույթը, որպեսզի ավիաընկերությունը «մեղքը չգցի» այլ ծառայությունների վրա,
— Ստեղծել կենդանու գտնվելու վայրի և առողջական վիճակի ստուգման հասանելի համակարգ,
— Օդային տրանսպորտի դաշնային գործակալությունը պետք է ստեղծի փոխադրման ժամանակ ավիաընկերությունների և օդանավակայանների կողմից կենդանիների նկատմամբ մարդասիրական վերաբերմունքի բոլոր նորմատիվների կատարման վերահսկման բաժանմունք:
Հանրագիրը երկու կատուների մահվան ֆոնին ստորագրել է 30 հազար մարդ: Իսկ «Ձեր կատուն մեզ համար ճամպրուկ է» արտահայտությունից ծնվել է #янечемодан (ես ճամպրուկ չեմ) հեշթեգը, որի ներքո ինստագրամյան օգտատերերը միացել են պահանջին: Երկրորդ հեշթեգը #янебагаж-ն էր (ես բեռ չեմ):
Երկու հեշթեգներով արդեն մի քանի հարյուր հրապարակում կա: Տերերը հաճախ կենդանիներին նկարում են ճամպրուկների, պայուսակների մեջ: Գլխավոր ուղերձը՝ «Ես բեռ (ճամպրուկ) չեմ, ես ուղևոր եմ»:
Այլ օգտատերեր հրապարակում են նկարներ, թե «ինչպես է պետք անել»: Այդ նկարներում կենդանիները տերերի հետ ուղևորների սրահում են:
«Աերոֆլոտի» պատասխանը
Հունվարի 26-ին ավիաընկերությունը հրապարակային արձագանքել է կոչերին և դժգոհությանը: Ընկերությունը հերթական անգամ շեշտել է, որ մեղավոր չէ տեղի ունեցածի համար: «Աերոֆլոտը» նշել է, որ պատասխանատվությունը կրում է Շերեմետևո օդանավակայանի բեռնափոխադրողները, քանի որ այդ ծառայությունը մատուցում է «Շերեմետևո Հենդլինգ» ընկերությունը:
Միևնույն ժամանակ «Աերոֆլոտը» հայտարարել է, որ հանդես է եկել բեռնախցիկում կենդանիների տեղափոխման կանոնների փոփոխման և կատարելագործման նախաձեռնությամբ: Ընկերությունը հատուկ հարթակ կստեղծի՝ ուղևորներից առաջարկներ ընդունելու և համակարգը մշակելու համար: Ընկերությունը կոչ է արել համբերատար լինել և միասին ձեռնարկել միջոցառումներ՝ նմանատիպ երևույթները չկրկնելու համար:
«Շերեմետևոն» պատասխանել էր դեռևս հունվարի 24-ին: Վաղօրոք համաձայնվելով «Աերոֆլոտի» նախաձեռնության հետ՝ հայտարարել էին, որ տեղի ունեցածի պատճառները կպարզվեն, իսկ մեղավոր աշխատակիցները կպատժվեն:
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Հայաստանում բենզինը կրկին թանկացել է․ ԱԻ-92 տեսակի մեկ լիտրի գինը հասել է 600 դրամի, իսկ ԱԻ-95-ինը՝ 620 դրամի։ Որոշ միջազգային ցանցերում գներն ավելի բարձր են, սակայն առանձին առաջարկներով վառելիքը կարելի է գնել նաև ավելի էժան։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Rocket Lab-ի Electron հրթիռը սեպտեմբերի 19-ին ուղեծիր է դուրս բերել ճապոնական Synspective ընկերության տասներկուերորդ StriX ռադարային արբանյակը։ Այն նախատեսված է Երկրի մակերևույթը դիտարկելու համար, սակայն շահագործման կհանձնվի առաջիկա ամիսների փորձարկումներից հետո։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները