Ամենաանվտանգ երկրների շարքում Հայաստանը 11-րդ հորիզոնականում է — Շեշտ.am (shesht.am)
2 րոպե
Խմբագրություն

Ամենաանվտանգ երկրների շարքում Հայաստանը 11-րդ հորիզոնականում է

Numbeo ընկերությունը, հաշվի առնելով կյանքի որակի հետ կապված վիճակագրությունը, հրապարակել է աշխարհի 135 երկրներում անվտանգության և հանցավորության սանդղակը. ամենաանվտանգ երկիրը Քաթարն է, ամենավտանգավորը` Վենեսուելան: Հայաստանը հարևաններից միայն Վրաստանին է զիջում:

Աշխարհի 135 երկրները` ըստ անվտանգության և հանցավորության ցուցանիշների / © Numbeo

Numbeo ընկերության ամենամյա վիճակագրությունը վերաբերում է աշխարհի 135 երկրներում հանցագործությունների և անվտանգության մակարդակին:

Ըստ այդմ` հրապարակված սանդղակի առաջին հորիզոնականում Քաթարն է` հանցավորության 12,29 և անվտանգության 87,71 ցուցանիշներով: Անվտանգ երկրների առաջին տասնյակում են նաև Թայվանը, ԱՄԷ-ն, Օմանը, Մանի կղզիները, Շվեյցարիան, Հոնկոնգը, Սլովենիան, Ճապոնիան և Վրաստանը: 11-րդ հորիզոնականում Հայաստանն է` հանցավորության 23,35 և անվտանգության 76,65 ցուցանիշներով:

Հայաստանը 11-րդ հորիզոնականում է / © Numbeo

Աշխարհի հզոր պետություններից Չինաստանը 30-րդ տեղում է, Ռուսաստանը` 52, Միացյալ Թագավորությունը` 71, ԱՄՆ-ը` 80, Ֆրանսիան` 89:

Աշխարհի հզոր երկրները` ըստ անվտանգության ու հանցավորության ցուցանիշների / © Numbeo

Հայաստանի հարևան երկրներից Ադրբեջանը 32-րդ հորիզոնականում է, Թուրքիան` 51-րդ, Իրանը` 88-րդ: ԵԱՏՄ երկրներից Ղազախստանը 97-րդ, Բելառուսը` 114-րդ հորիզոնականում են:

Անվտանգության և հանցավորության ցուցանիշներով 135 երկրների շարքում վերջին հորիզոնականներն են զբաղեցնում Աֆղանստանը (132-րդ), Հարավային Աֆրիկան (133), Պապուա Նոր Գվինեան (134): Վենեսուելան հրապարակված ցանկում վերջին` 135-րդ հորիզոնականում է:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.