Ի՞նչ տեղի կունենա ձվի հետ՝ վակուումում. փորձարկում
Սովորական պայմաններում ձուն կոտրվում է, միկրոալիքայիններում՝ պայթում: Իսկ ի՞նչ տեղի կունենա ձվի հետ՝ վակուումում: Վիդեոբլոգեր Cody's Lab-ը ցույց է տալիս, թե ինչ կլինի:
Վիդեոբլոգեր Կոդին վակուումային (անօդ) տարա է օգտագործել փորձարկման համար: Տարայի և պոմպի տեխնիկական բնութագրերը չեն հաղորդվում, սակայն նմանատիպ պայմաններում հնարավոր է համարվում մինչև -1 մթնոլորտ ճնշումը:
Ի՞նչ է տեղի ունենում հում ձվի կճեպի հետ, երբ ճնշումը սահուն անկում է: Գրեթե՝ ոչինչ: Միայն տարայում ճնշումն ընկնում է սովորականից մի փոքր դանդաղ: Ակնհայտ է, որ ձվի կճեպի ծակոտիներից գազ է դուրս գալիս, որի դուրսբերման համար պոմպը հավելյալ էներգիա է ծախսում:
Այնուհետև բլոգերը որոշել է ձերբազատվել կճեպից՝ պահպանելով արտաքին մեմբրանը (հայտնի չէ, թե ինչպես է դա արել): Ստացվել է հում ձու՝ պատված նուրբ շերտով: Այդ դեպքում ճնշման անկումը սառեցնում է ձուն: Սպիտակուցում ու դեղնուցում տարրալուծված գազի մնացորդներն ինչ-որ պահի դուրս են գալիս մեմբրանի միջով և ձվի ներսում մոլեկուլների ընդհանուր կինետիկ էներգիան նվազում է: Երբ բլոգերը ձուն հանել է տարայից, այն առաձգական է եղել, սակայն՝ սառած, սպիտակած, իսկ ներսում շոշափվել են սառցե բյուրեղիկներ:
Բայց ամենաուշագրավ գործընթացները տեղի են ունեցել տարայում, որտեղ Կոդին կոտրել է ձուն: Ճնշման անկմանը զուգահեռ՝ սպիտակուցում սկսվել է ակտիվ գազագոյացում: Սպիտակուցն աստիճանաբար ջերմացել է և փրփրոտվել: Միևնույն ժամանակ՝ դեղնուցն այդ ընթացքում տեսանելի փոփոխությունների չի ենթարկվել:
Այնուհետեև սպիտակուցային փրփուրը չորացել է և չի հալչել նույնիսկ այն դեպքում, երբ ճնշումը վերականգնվել է: Տարայից հանելուց հետո ջերմաստիճանը հավասար էր -6°C-ի: Պարզվում է՝ վակուումային տարան թխվածքի խմոր պատրաստելու համար վատ միջոց չէ:
Մեկնաբանությունները