Շվեդիայի գլխավոր համաճարակաբանը խոստովանել է, որ խիստ կարանտինից հրաժարվելը սխալմունք էր
Անդրես Տեգնելը, ում նախաձեռնությամբ Շվեդիայում միայն նվազագույն սահմանափակումներ են մտցվել, նշել է, որ այլ ռազմավարություն էր պետք ընտրել:
Covid-19 համավարակի ժամանակ Շվեդիան առավել մեղմ սահմանափակող միջոցառումներ է ձեռնարկել, քան պետությունների մեծ մասը: Այսպես, արգելվել են խմբային հավաքները՝ 50 հոգուց ավելի, դադարեցվել են տարեցների տներ այցելությունները, փակվել են համալսարանները և ավագ դպրոցները: Սակայն հանրային վայրերի մեծ մասը շարունակել է աշխատանքը:
Սպասվում էր, որ այդ մեթոդով հնարավոր կլինի վիրուսից պաշտպանել առավել խոցելի խումբը և միևնույն ժամանակ թույլ տալ, որ երկրի ամբողջ բնակչությունը սահուն կերպով վարակվի SARS-CoV-2-ով: Այդպիսի ռազմավարություն առաջարկել է Շվեդիայի գլխավոր համաճարակաբան Անդրես Տեգնելը:
Ամիսներ շարունակ Տեգնելը հրապարակայնորեն հայտարարել է «շվեդական ուղու» ճշմարտացիության մասին՝ կորոնավիրուսի դեմ պայքարում և քննադատել է հարևան երկրներին, որոնք ավելի խիստ միջոցներ էին ձեռնարկել: Նրա խոսքով՝ աշնանը նոր ալիք է լինելու. Շվեդիայում այդ ժամանակ սպասվում է իմունիտետի առավել բարձր մակարդակ, և վարակվածների քանակը, նրա կարծիքով, ավելի ցածր կլինի: Տեգնելը նշել է, որ Ֆինլանդիայում իմունիտետի մակարդակը ցածր է լինելու. «Եվ Ֆինլանդիան կրկի՞ն խիստ կարանտին է մտցնելու»:
Համաճարակաբանի կարծիքով` խիստ կարանտինը հիմնավորված չէ, քանի որ դրա գիտական օգտակարությունն ապացուցված չէ: Իսկ նման միջոցներ ձեռնարկած երկրների իշխանությունները պարզապես կրկնել են չինական մոտեցումը՝ վախենալով առողջապահական համակարգի հնարավոր ծանրաբեռնվածության համար:
Սակայն վերջին հարցազրույցի ժամանակ համաճարակաբանը շվեդական ռադիոյին հայտնել է, որ իր ռազմավարությունը կատարյալ չէր. ինքնամեկուսացումից հրաժարվելու պատճառով Covid-19-ից մահացությունը երկրում շատ բարձր է: Տեգնելը խոստովանել է, որ տվյալ պահին առկա տեղեկությունները նախկինում ունենալու դեպքում այլ կերպ կգործեր՝ ընտրելով Շվեդիայի և մյուս երկրների փորձի միջին տարբերակը:
Վերջին պաշտոնական տվյալներով` Շվեդիայում վարակվածության 40803 դեպք է գրանցվել, մահացել են 4542-ը: Այս ցուցանիշը կազմում է 450՝ 1 մլն բնակչի հաշվով. Շվեդիան այսպիսի հաշվարկում աշխարհում 7-րդ տեղում է:
Ավելի վաղ հաղորդվել է, որ գիտնականները ծավալուն ակնարկ են հրապարակել, որտեղ հավաքված են կորոնավիրուսային վարակի տարածման վերաբերյալ 172 հետազոտությունների տվյալներ: Դրանում դիտարկվել է, թե ինչպես են նվազեցնում վարակվելու հավանականությունը ֆիզիկական հեռավորությունը, կտորե դիմակները, աչքերի պաշտպանությունը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:
Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:
Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:
Մեկնաբանությունները