NASA-ի Perseverance ռովերը հաջողությամբ վայրէջք կատարեց Մարսի վրա
Նոր մարսագնացը Եզերո խառնարանից նմուշներ է հավաքելու և փոխանցելու է Երկիր: Այն գիտնականներին օգնելու է կարմիր մոլորակի վրա կենսաբանական կյանքի գոյությունը հաստատելու հարցում:
NASA-ի Perseverance մարսագնացը վայրէջք է կատարել Եզերո խառնարանում: Այն հաղթահարել է 471 մլն կմ և ինքնուրույն վայրէջք կատարել` առանց հեռակառավարման:
NASA-ն վայրէջքի մասին տեղեկությունը ստացել է ռովերի վրա տեղադրված ընդունիչներից: Վայրէջքի լուսանկարներ և տեսագրություններ դեռևս չկան, բոլոր տվյալները մասնագետները կունենան մեկ շաբաթից, երբ մարսագնացը դրանք փոխանցի Երկիր:
Perseverance-ն ունի երկու միկրոֆոններ, որոնք պատմության մեջ առաջին անգամ հնարավորություն կտան ձայնագրել ձայները Մարսի վրա: Ունի 23 տեսախցիկ և գիտական 7 սարքավորումներ, որոնց օգնությամբ ուսումնասիրվելու է գրունտը` միկրոօրգանիզմների պարունակությունը ստուգելու համար: Ռովերն ունի նաև ուղղաթիռ` Ingenuity, որն օգնելու է տեղորոշման հարցում: Սարքավորման ստեղծումն արժեցել է 85 մլն դոլար: Մեկ ամսվա ընթացքում այն մինչև 5 թռիչք պետք է իրականացնի Մարսի մթնոլորտում:
NASA-ում ցանկանում են ստուգել` հնարավո՞ր կլինեն կառավարվող թռիչքներն այլ մոլորակների վրա: Ingenuity-ն ստեղծվել է հատուկ Մարսի մթնոլորտի պայմանների համար, այն ավելի հզոր է, թիակներն ավելի արագ են պտտվում: Էլեկտրական սնուցումն ապահովում են արևային պանելները, ունի սեփական հաղորդակցության համակարգը և երկու տեսախցիկ. մեկը նկարում է մարսյան լանդշաֆտները թռիչքի ընթացքում, մյուսն օգնում է տեղորոշում իրականացնելու հարցում: Հաջողության դեպքում սա կլինի այլմոլորակային թռիչքի առաջին ցուցադրությունը և նոր հնարավորություններ կբացի այլ մոլորակների ու տիրույթների հետազոտության համար, որտեղ բարդ պայմանների պատճառով ռովերները չեն կարող վայրէջք կատարել:
Ծրագրի հիմնական առաքելությունը գրունտային նմուշների հավաքումն է: Սարքավորումը դրանք կհավաքի հատուկ տիտանային փորձանոթների մեջ, որոնք կարող են 20 տարի պահպանվել մոլորակի վրա` նմուշները պաշտպանելով շրջակա միջավայրի ազդեցությունից: Մինչև 2020-ականների վերջերը NASA-ն և Եվրոպական տիեզերական գործակալությունը նախատեսում են նմուշներ հավաքել և փոխանցել Երկիր: Այդ ընթացքում Մարսի մոտայքում գտնվելու է 4 տիեզերանավ, իսկ հատուկ ռոբոտները հավաքելու են նմուշները և արձակեն դեպի տիեզերք` փոխանցելով գիտնականներին:
ԱՄՆ-ն մինչ օրս միակ երկիրն է, որին հաջողվել է հասնել Մարսի մակերևույթին: Սակայն նախորդ առաքելությունների ժամանակ ռովերները վայրէջք են կատարել հարթ մակերեսներում, իսկ այս դեպքում Perseverance-ը նստել է Եզերո խառնարանում, որը հարուստ է քարերով ու ապարներով:
Գիտնականները ենթադրում են, որ 3,5 մլրդ տարի առաջ Եզերոյով գետ է հոսել, այդ պատճառով այնտեղ կարող են կենսաբանական կյանքի հետքեր պահպանված լինել:
Ռովերի վրա տարիներ շարունակ աշխատել են NASA-ի 30 ինժեներներ: Ծրագրի ընդհանուր արժեքը կազմել է 2,7 մլրդ դոլար: ԱՄՆ-ից բացի` դեպի Մարս առաքելություն են ուղարկել նաև Արաբական միացյալ էմիրությունները և Չինաստանը: Առաջինի ուղեծրային զոնդը հետազոտելու է եղանակային պայմանները, իսկ դեռ ճանապարհին գտնվող չինական հրթիռը տեղափոխում է միաժամանակ ուղեծրային զոնդ, վայրէջքի սարք և մարսագնաց:
Telegram 
Facebook 
Google News Չիկագոյի համալսարանի Hyde Park Labs կենտրոնում սկսել է աշխատել IBM-ի՝ Իլինոյս նահանգում տեղակայված առաջին քվանտային համակարգիչը։ Այն նախատեսված է քվանտային ալգորիթմներ մշակելու և իրական սարքի վրա փորձարկելու համար։
Մեծ յոթնյակի երկրների արտգործնախարարները նոյեմբերի 9-ին և 10-ին հանդիպում են Փարիզում։ Օրակարգում են Ուկրաինային տրամադրվող օգնությունը, Մերձավոր Արևելքի իրավիճակը և էներգամատակարարման անվտանգությունը։
Ավստրալիացի հետազոտողները նեյրացանցերի ուսուցման արդյունքների տարբերությունը կապել են մեկնարկային պայմանների ֆրակտալ կառուցվածքի հետ։ Նրանց փորձերում նույնիսկ գրեթե նույն կարգավորումներով ուսուցանված ցանցերը կարող էին տարբեր պատասխաններ տալ։
ԱՄՆ-ի միջնորդությամբ Ուկրաինայի և Ռուսաստանի ներկայացուցիչները նոյեմբերի 10–11-ին Աբու Դաբիում աշխատանքային բանակցություններ կանցկացնեն։ Այդ մասին նոյեմբերի 2-ին հայտարարել է ԱՄՆ հատուկ բանագնաց Սթիվ Ուիթքոֆը՝ նշելով, որ օրակարգում կլինեն հետպատերազմյան անվտանգության պայմանավորվածություններն ու պատերազմի ավարտին ուղղված քայլերը։
Չինաստանի և Ֆիլիպինների արտգործնախարարները նոյեմբերի 3-ի հեռախոսազրույցում պայմանավորվել են պահպանել դիվանագիտական կապը։ Հարավչինական ծովում կողմերի հավակնությունները շարունակում են բախվել, իսկ վեճի կարգավորման նոր համաձայնության մասին չի հայտարարվել։
Բջջային մշակույթների և մկների վրա կատարված փորձերը ցույց են տվել, որ cGAS սպիտակուցի կորուստը մեծացնում է բջիջներում խոլեստերինի կուտակումը և նպաստում ուռուցքի աճին։ Աշխատանքը բացահայտում է այս իմունային սպիտակուցի ևս մեկ գործառույթ՝ բջջակորիզում գեների ակտիվության կարգավորումը։
Tesla-ն ներկայացրել է նոր սերնդի Roadster-ը, որը կարողանում է կարճ ժամանակով օդ բարձրանալ, պտույտ կատարել և վայրէջք կատարել անիվների վրա։ Ընկերության հայտարարությամբ՝ մեքենան 0-ից մինչև 97 կմ/ժ արագացել է 0,81 վայրկյանում, իսկ արտադրությունը նախատեսվում է սկսել 2028-ին։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
NASA-ի Parker Solar Probe սարքի տվյալներով գիտնականները պարզել են, որ արևային քամու մագնիսական տատանումների պտույտի ուղղությունը փոխվում է՝ կախված դիտարկվող մասշտաբից։ Արդյունքն օգնում է հասկանալ տիեզերական պլազմայի տուրբուլենտ վարքը և կարող է օգտակար լինել տիեզերական եղանակի մոդելավորման համար։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
