Պարզվել է՝ խեցգետիններն ու արբանյակային հեռուստատեսությունն ընդհանրություններ ունեն
Մեր տեսողությունը հիմնվում է ընդամենը 3 գույների ընկալիչների աշխատանքի վրա, իսկ խեցգետինների մոտ դրանք կարող են հասնել մինչև 12-ի: Հատուկ զտիչների օգնությամբ նրանք կարող են տարբերել նաև լույսի շրջանաձև բևեռացումը: Բևեռացված են նաև հեռահաղորդակցության ռադիոազդանշանները:
Մարդիկ իրավամբ հպարտանում են իրենց աչքի կառուցվածքով, թեև դրա համար առավել շատ հիմքեր ունեն աղոթարար խեցգետինները: Մեր տեսողությունը հիմնվում է ընդամենը երեք գույների ընկալիչների աշխատանքի վրա, իսկ խեցգետինների մոտ դրանք կարող են հասնել մինչև 12-ի՝ մասամբ որսալով ինֆրակարմիր ու ուլտրամանուշակագույն ալիքները: Հատուկ զտիչների օգնությամբ նրանք կարող են տարբերել նաև լույսի շրջանաձև բևեռացումը:
Լույսն էլեկտրամագնիսական ալիք է: Նրա էլեկտրական և մագնիսական դաշտերի լարման վեկտորները տատանվում են տարածման ուղղությանն ուղղահայաց՝ եզրերը ձվածիր պատկերելով: Բևեռացված լույսի ձվածիրը (էլիպս) վերածվում է գծի կամ համահարթ մակերեսի: Արևային սպիտակ լույսը պարունակում է ալիքների խառնուրդ, որոնք տատանվում են «անհամերաշխ», սակայն, անցնելով մթնոլորտով անցնելով և մակերեսներից անդրադառնալով, հաճախ բևեռացվում է:
Բևեռացված են նաև հեռահաղորդակցության ռադիոազդանշանները: Արբանյակային հեռուստատեսության եվրոպական համակարգերում ավանդաբար կիրառվում է գծային բևեռացումը, իսկ ռուսական չափանիշը շրջանաձև բևեռացմամբ հեռաազդանշանն է: Հաղորդվում է, որ այդ տարբերությունները պայմանավորված են կապի խորհրդային առաջին արբանյակների՝ «Մոլնիայի» աշխատանքի առանձնահատկություններով: Դրանք շարժվում են գերձվածրաձև ուղեծրով՝ հեռանալով Հյուսիսային կիսագնդի աշխարհագրական բարձր լայնություններից:
Եթե նրանց ազդանշանը գծային լիներ, ապա ընդունող ալեհավաքը պետք է մշտապես վերակողմնորոշել արբանյակի նոր ուղղությանը համապատասխան: Սակայն շրջանաձև բևեռացմամբ ռադիոալիքները հնարավոր է կիրառել առանց այդ դժվարությունների: Պարաբոլային ալեհավաքից ազդանշանը տեղափոխվում է փոխարկիչ, այստեղ շրջանաձև բևեռացմամբ ալիքները վերածվում են գծային բևեռացվածների, այնուհետև՝ էլեկտրական ազդանշանների: Սա հնարավորություն է տալիս զգալ մեզ խեցգետնի նման՝ գոնե մի փոքր:
Մեկնաբանությունները