Սոցցանցերում օգտատերերն իրենց անվանում են «97%-ից մեկը» և համարում են, որ գործող նախագահի կողմնակիցները փոքրամասնություն են: Մեմը մեկ ամսվա ընթացքում դարձել է հանրահայտ՝ դուրս գալով համացանցի տիրույթից: Ալեքսանդր Լուկաշենկոն անձամբ արձագանքել է իր մասին մեմին:
«Սաշա 3%» / © TUT.by
Բելառուսում օգոստոսի 9-ին նախագահական ընտրություններ են: Համարվում է, որ քվեարկության արդյունքները դեռ անհայտ են. մրցակցությանը մասնակցում են ընդդիմության մի քանի հայտնի թեկնածուներ, ովքեր ենթարկվում են խուզարկությունների ու բանտարկության:
Այդ համատեքստում սոցցանցերում Լուկաշենկոյին անվանել են «Սաշա 3%»՝ ի նշան առցանց հարցումներում նրա ցածր վարկանիշի: Մեկ ամսվա ընթացքում կատակն այնքան է տարածվել, որ դադարել է լինել միայն համացանցային. դարձել է ընդդիմության խորհրդանիշը: Նախագահ Լուկաշենկոն անձամբ է արձագանքել այդ մեմին:
3%-ի մասին կատակը ծնվել է դեռ մայիսին, երբ բելառուսական անկախ պարբերականները սկսել էին հարցումներ կատարել ընթերցողների շրջանում: Արդյունքները Լուկաշենկոյի համար ցածր վարկանիշ են արձանագրել: Օրինակ՝ Tut.by-ի հարցման համաձայն՝ գործող նախագահը ստացել է 6% ձայն: «Наша Нива»-յի և Onliner-ի ընթերցողները նրան 3% են հատկացրել:
Սակայն դրանք զուտ որոշ ԶԼՄ-ների լսարանի հարցումներ են, և դրանցով չի կարելի լիարժեք եզրակացություն կատարել երկրում առկա իրավիճակի մասին: Քվեարկությունից մեկ շաբաթ անց Բելառուսի գիտությունների ակադեմիան ԶԼՄ-ների առցանց հարցումները համեմատել է «քաղաքական» հարցման հետ: Այժմ դրանց համար անհրաժեշտ է հավատարմագրում, հակառակ դեպքում տուգանք է սահմանված:
«Наша Нива»-յի տվյալներով՝ Ալեքսանդր Լուկաշենկոյի շրջապատն ապշած է անկախ լրատվականների հարցումների արդյունքներով: Իսկ Գիտությունների ակադեմիայի որոշումը պետք է խափանի հարցումների անցկացումը, որտեղ գործող նախագահը կարող է պարտվել ընդդիմությանը: Ֆիզիկական անձանց նույնպես արգելվել է առանց հավատարմագրման անցկացնել քաղաքական թեմայով քվեարկություն: Մինչ այդ Telegram ալիքներից մեկում Լուկաշենկոն կրկին 3% էր հավաքել:
Առցանց հարցումների փաստացի արգելքից հետո բելառուսական ընտրությունների մասին սկսել են կատակել 3%-ի հիշատակմամբ, և հունիսի սկզբին Լուկաշենկոյին վերագրվեց «Սաշա երեք տոկոս» տիտղոսը: Բելառուսցիները սկսել են կատակել, թե հիմա էլ երկրում կարգելվեն «3»-ը և «%»-ը, իսկ ԶԼՄ-ները սկսել են հրապարակել թաքնագիր հարցումներ: Օրինակ՝ Tut.by-ն որպես տարբերակներ է նշել տրակտորը, դրանիկը (բլիթ), հողաթափ կամ բարձր տեխնոլոգիաներ. «Տրակտորը» 3% է ստացել:
Մայիսի վերջին մեմն իսկապես զանգվածային է դարձել: Հաղորդվում է, որ այն մուտք է գործել նաև բելառուսական բիզնես՝ 3%-անոց զեղչերի տեսքով: Հունիսի 15-ին Մինսկում հուշանվերների խանութը՝ Symbal.by-ն, գովազդել է շապիկներ՝ «ПСIХО3%» գրառմամբ: Այնուհետև խանությում ստուգումներ են սկսվել. արտադրամասը փակվել է:
«Սաշա երեք տոկոսին» հակակշռելու համար ընդդիմադիր թեկնածուները սկսել են իրենց անվանել բելառուսցիների 97%-ից մեկը:
Որոշ դեպքերում արտահայտությանն ավելացել է «Я/мы» («Ես/մենք») կապակցությունը. այն ի հայտ էր եկել 2019թ.՝ ի աջակցություն «Մեդուզայի» լրագրող Իվան Գոլունովի, այնուհետև դարձել միասնականության խորհրդանիշ և «բողոքի» տարբերակ:
Մեմն աստիճանաբար դուրս եկավ համացանցից. հունիսին ամբողջ Բելառուսում հայտնվեցին գրաֆիտներ՝ «Սաշա երեք տոկոս», «3%», «Հեռացիր» և «Կանգնիր, Ուտիճ» (Ուտիճ՝ ռուս.՝ Таракан, Լուկաշենկոյի անվանումներից մեկը): Գրաֆիտները շատացան հատկապես ընդդիմադիր թեկնածուներ Սերգեյ Տիխանովսկու և Վիկտոր Բաբարիկոյի ձերբակալությունից հետո:
Հունիսի 23-ին NEXTA Live Telegram ալիքը ֆլեշմոբ է սկսել՝ զինվորականներին, ուժային կառույցների աշխատակիցներին, բժիշկներին և այլոց առաջարկելով լուսանկարներ ուղարկել՝ ի աջակցություն «97%»: Մեկ օրվա ընթացքում հեղինակները անանուն օգտատերերից տասնյակ նկարներ են ստացել:
Հունիսին 23-ին Ալեքսանդր Լուկաշենկոն Բրեստում հանդիպել է ընդդիմության հետ: Քննարկման ժամանակ գործող նախագահն անդրադարձել է «Սաշա 3%»-ին՝ նշելով, որ իրականում իր վարկանիշն անհամեմատ բարձր է:
Ներկայացնում ենք ևս մի քանի մեմեր.
Հավելենք, որ գործող նախագահ Ալեքսանդր Լուկաշենկոյի համար սա արդեն 6-րդ նախընտրական մրցավազքն է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…