Կորոնավիրուսի պատճառով Zoom-ով կրկին մահվան դատավճիռ է կայացվել
Գործը քննվել է առցանց տարբերակով՝ դատական գործընթացի բոլոր մասնակիցների անվտանգությունն ապահովելու նպատակով: Տեսակապի միջոցով մահապատժի մասին որոշման կայացումն արժանացել է իրավապաշտպանների քննադատությանը:
Թմրանյութերի ապօրինի շրջանառության մեջ մեղադրվող տղամարդը Սինգապուրում Zoom տեսակապի միջոցով դատապարտվել է մահապատժի: Սա քաղաք-պետությունում առաջին դեպքն է, երբ նման դատավճիռ կայացվում է հեռավար կարգով:
Սինգապուրի Գերագույն դատարանի մամուլի քարտուղարը հաղորդել է, որ գործը քննվել է առցանց տարբերակով՝ դատական գործընթացի բոլոր մասնակիցների անվտանգությունն ապահովելու նպատակով: Սինգապուրն ապրիլի սկզբից գտնվում է կարանտինում, երբ Covid-19-ով վարակվածների թիվը կտրուկ աճել է: Դատական բոլոր կարևորագույն գործերը քննվել են հեռավար, չնայած որոշները հետաձգվել են:
Human Rights Watch-ի մարդու իրավունքների հարցերով փորձագետները գործի հեռավար դիտարկման արդյունքում կայացված որոշումը համարել են անսիրտ և այդ կապակցությամբ խիստ անհանգստություն հայտնել: Նմանատիպ երևույթ մայիսի սկզբին գրանցվել էր Նիգերիայում, որտեղ տղամարդը սպանության համար էր դատապարտվել մահապատժի: Այս դեպքը նույնպես քննադատվել էր իրավապաշտպան խմբերի կողմից:
Մեկնաբանությունները