Իրանի Առողջապահության փոխնախարարը, ով չէր հավատում համաճարակին, վարակվել է կորոնավիրուսով
Իրաջ Հարիրչին երեկ նշել էր, որ չի հավատում, թե Իրանում կարող է համաճարակ լինել, բայց այսօր հաղորդվում է, որ նա նույնպես վարակվել է նոր տեսակի կորոնավիրուսով:
Հաղորդվում է, որ Իրանի Առողջապահության փոխնախարար Իրաջ Հարիրչին կորոնավիրուսով է վարակվել:
Փոխնախարարը նախօրեին հայտարարել էր, որ չի հավատում Իրանում կորոնավիրուսի համաճարակի հնարավորությանը:
Հարիրչին, մասնավորապես, հերքել էր լրատվամիջոցների այն տեղեկություններին, թե միայն Ղոմ քաղաքում 50 մարդ է մահացել Covid-19 կորոնավիրուսից: Նա նշել էր, որ եթե նույնիսկ այդ թվի 1/4-ն իրական լինի, ապա հրաժարական կներկայացնի:
Հաղորդվում է, որ կորոնավիրուս է հայտնաբերվել նաև խորհրդարանի ներկայացուցիչ Մահմուդ Սադեկի մոտ:
Պաշտոնական տվյալներով՝ փետրվարի 25-ի դրությամբ նոր տեսակի կորոնավիրուսից Իրանում մահացել է 15 մարդ, վարակվածներն 95-ն են:
Մեկնաբանությունները