Ստեղծվել է աշխատանքային խումբ՝ ԵԱՏՄ-ում ռոումինգի վերացման գործընթացի համար — Շեշտ.am (shesht.am)
2 րոպե
Խմբագրություն

Ստեղծվել է աշխատանքային խումբ՝ ԵԱՏՄ-ում ռոումինգի վերացման գործընթացի համար

Ղազախստանի վարչապետի խոսքով՝ ԵԱՏՄ-ն ստեղծված է առաջին հերթին անդամ-պետությունների քաղաքացիների համար, ուստի պետք է յուրաքանչյուրն իր վրա զգա տնտեսական ինտեգրացիայի արդյունքը:

ԵԱՏՄ ՄԿ խորհրդի նիստ, Մոսկվա / ©kabar.kg

Հոկտեմբերի 25-ին Մոսկվայում կայացել է Եվրասիական տնտեսական միության միջկառավարական խորհրդի հերթական նիստը: Համագործակցության մի շարք հարցերի շուրջ քննարկումներին ու առաջարկներին զուգահեռ՝ անդրադարձ է կատարվել նաև ԵԱՏՄ տարածքում ռոումինգի վերացման հարցին:

Ղազախստանի վարչապետ Ասկար Մամինն է առաջարկել ԵԱՏՄ անդամ-երկրների համար վերացնել հեռախոսային օպերատորների ռոումինգ ծառայությունը: Առաջարկվել է մշակել և իրականացնել համատեղ ծրագիր, որպեսզի օպերատորները խուսափեն կորուստներից:

Նիստի ժամանակ ընդգծվել է, որ խնդիրը միայն օրենսդրական տարբերություններն ու միջօպերատորային սակագներն են, բայց տեխնոլոգիաների առումով ծառայությունների մատուցման խնդիր չկա:

Եվրասիական տնտեսական հանձնաժողովի կոլեգիայի ղեկավար Տիգրան Սարգսյանը նիստից հետո հայտարարել է, որ խնդիր է դրվել՝ ուսումնասիրելու ԵԱՏՄ-ում ռոումինգի վերացման հնարավորությունները: Սարգսյանը նշել է, որ ռոումինգի չեղարկման գործընթացը մշակելու և համապատասխան առաջարկությունները ներկայացնելու նպատակով ստեղծվել է աշխատանքային խումբ:

Ղազախստանի վարչապետի խոսքով՝ ԵԱՏՄ-ն ստեղծված է առաջին հերթին անդամ-պետությունների քաղաքացիների համար, ուստի նրանցից յուրաքանչյուրը պետք է իր վրա զգա տնտեսական ինտեգրացիայի շոշափելի արդյունքը:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.