Հայաստանում «Սպուտնիկ V» պատվաստանյութի համատեղ արտադրության հարցը քննարկվում է
Եվրասիական տնտեսական հանձնաժողովի (ԵՏՀ) հաղորդմամբ` «Սպուտնիկ V» պատվաստանյութի արտադրության զարգացման ուղղությամբ Հայաստանի և Ղրղզստանի դեղագործների ներգրավման հարցը Հանձնաժողովի օրակարգում է:
Եվրասիական տնտեսական հանձնաժողովի (ԵՏՀ) հաղորդմամբ` «Սպուտնիկ V» պատվաստանյութի արտադրության զարգացման ուղղությամբ Հայաստանի և Ղրղզստանի դեղագործների ներգրավման հարցը Հանձնաժողովի օրակարգում է:
Նշվում է, որ առաջիկայում պատվաստանյութի արտադրություն է սկսվելու նաև Բելառուսում: Արտադրության տեղակայման վերաբերյալ փոխգործակցության համաձայնություններն արդեն ստորագրված են, համապատասխան տեխնոլոգիաների փոխանցումը մեկնարկել է:
Բացի այդ, ինչպես հաղորդվում է, ԵՏՀ հարթակում ակտիվորեն քննարկվում է Հայաստանում և Ղրղզստանում կորոնավիրուսի դեմ պատվաստանյութի արտադրություն սկսելու հարցը:
ԵՏՀ-ում նշում են, որ պատվաստանյութի համատեղ արտադրության զարգացումը քննարկման հիմնական թեմա է եղել ԵՏՀ արդյունաբերության և գյուղարդյունաբերական համալիրի հարցերով նախարար, Կոլեգիայի անդամ Արտակ Քամալյանի և Եվրասիական զարգացման բանկի ղեկավարության հանդիպման ժամանակ:
Արտակ Քամալյանը հայտնել է, որ դեռ վաղ է խոսել ժամկետների համագործակցության ձևաչափի մասին, սակայն նախարարն ընդգծել է այդ խնդրի օպերատիվ լուծման կարևորությունը:
Մեկնաբանությունները