Իրանն առաջիկա շաբաթներին կդառնա ԵԱՏՄ մշտական անդամ — Շեշտ.am (shesht.am)
3 րոպե
Խմբագրություն

Իրանն առաջիկա շաբաթներին կդառնա ԵԱՏՄ մշտական անդամ

Իրանի խորհրդարանի նախագահ Մուհամմադ Բաղեր Ղալիբաֆը հայտարարել էր, որ Իրանը համապատասխան բանակցություններ է վարել և պատրաստվում է անդամակցել Եվրասիական տնտեսական միությանը (ԵԱՏՄ):

Մուհամադ Բաղեր Ղալիբաֆ / © MEM

ԻԻՀ խորհրդարանի խոսնակի խոսքով` այդ կազմակերպությունը միավորել է տարածաշրջանի երկրներին և ստեղծել Ազատ առևտրի գոտի: Ղալիբաֆը նշել է, որ ԵԱՏՄ-ի մշտական անդամ դառնալու շուրջ բանակցությունները Թեհրանն արդեն սկսել է, և հաջորդ շաբաթների ընթացքում այն կիրականացվի:

Իրանի խորհրդարանի խոսնակը ԵԱՏՄ-ին անդամակցության շուրջ քննարկումների մասին հայտարարել է Մոսկվայից Թեհրան վերադառնալուց հետո: ՌԴ մայրաքաղաքում Ղալիբաֆը Ռուսաստանի կառավարությանն է փոխանցել Իսլամական հեղափոխության առաջնորդի ուղերձը: Դրանում խոսվել է Ռուսաստանի հետ տևական և ռազմական համակարգման ու պայմանավորվածությունների, տնտեսական, քաղաքական կապերի, ինչպես նաև երկկողմ կապի ու քաղաքականության ապագայի մասին:

Իրանի և ԵԱՏՄ-ի միջև ներկայիս հարաբերությունները կարգավորվում են 2018թ. մայիսի 17-ին Աստանայում ստորագրված Եռակողմ նախնական համաձայնությամբ:

Ներկայումս կողմերը ձգտում են ընդլայնել առևտուրը: Արտոնյալ առևտրի մասին համաձայնությունն ուժի մեջ է մտել 2019թ. հոկտեմբերի 27-ից, որի հիման վրա Իրանը և ԵԱՏՄ-ն 3 տարի ժամանակ ունեն` ազատ առևտրի վերաբերյալ գործարքի լիարժեք պայմանագիր մշակելու համար, որը նվազեցնում կամ չեղարկում է մաքսատուրքերը:

ԵԱՏՄ-ում իրանական ապրանքների համար սահմանված միջին սակագինը 3,1% է, իսկ ԵԱՏՄ ապրանքների վրա Իրանում սահմանված միջին սակագինը 12,9% է:

Հիշեցնենք, որ Իրանը ԵԱՏՄ երկրներից միայն Հայաստանի հետ ունի ցամաքային սահման, սակայն Մեղրիում` հայ-իրանական սահմանին, ստեղծվել է Ազատ առևտրի գոտի, որը, սակայն, դեռևս շահագործման չի հանձնվել:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.