Էրդողանը մտահոգ է. իսկ եթե Ռուսաստանը որոշի չեղարկե՞լ Մոսկվայի պայմանագիրը

Տելեգրամյան ալիքի տեղեկություններով` Թուրքիան Ադրբեջանին ռազմական նոր գործողությունների է դրդում, որպեսզի մարտական գործողությունները տեղափոխի Նախիջևան և իր ուժերն այնտեղ տեղակայելու հնարավորություն ստանա:

Նշվում է, որ Էրդողանը մտահոգ է. իսկ եթե Ռուսաստանը որոշի չեղարկել Մոսկվայի համաձայնագիրը՞, որի գործողության ժամկետն այս տարի է ավարտվում: Պայմանագիրը ստորագրվել է 1921թ. մարտի 16-ին` ՌԽՖՍՀ-ի և քեմալական Թուրքիայի միջև: Դրանով հստակեցվել են Թուրքիայի հյուսիս-արևելյան սահմանները:

Համարվում է, որ Ռուսաստանը լիովին կարող է վերանայել 100 տարի առաջ կայացված աշխարհաքաղաքական որոշումը, քանի որ Թուրքիան ներկայումս հակառուսական արշավ է իրականացնում: Էրդողանը հասկանում է, որ պայմանագիրը ներկայումս իր համար քաղաքական բեռ է դարձել և կարող է լրջորեն ազդել նրա քաղաքականության վրա` հարկադրելով գործել ավելի կաշկանդված:

Պայմանագրի գործողության դադարեցումը կարող է ազդել ներկայիս սահմանների վրա: Իրադարձությունների այդպիսի զարգացումը բացառելու նպատակով Թուրքիան Ադրբեջանի հետ համատեղ նախաձեռնել է «Ձմեռ-2021» զորավարժությունները, որոնք հարձակողական բնույթ են կրում:

Այդ զորավարժությունները փաստացի հանդիսանում են Թուրքիայի ԶՈՒ 3-րդ դաշտային բանակի օպերատիվ և մարտական պատրաստության միջոցառումներ, որը կոչված է Հայաստանի հետ սահմանի և Արևելյան Անատոլիայի (Արևմտյան Հայաստան) պաշտպանությանը: Գործողություններն իրականացվելու են փետրվարի սկզբին` ցածր ջերմաստիճանի և ձյան հաստ շերտի պայմաններում: Ինչպես գիտենք` մինչև մարտ ամիսը տարածաշրջանում եղանակային պայմաններն այդպիսին են լինելու: