Աշխարհի միակ «ուլիկագոճիաշունը». տարօրինակ կենդանու պատրանքն օգտատերերի համար գլուխկոտրուկ է դարձել
Թեև շուտով շատերը հասկացել են, թե ինչ կենդանի է իրականում պատկերված, միևնույն է, դրանից նրանց համար ավելի լավ չի դարձել. տհաճ զգացողությունը պահպանվել է:
Սոցցանցերում տարածվում են կենդանու լուսանկարներ, որը հասկանալն առաջին հայացքից բարդ է: Օպտիկական պատրանքի պատճառով մարդիկ լուսանկարում տեսնում են քուռակ, գոճի կամ ուլիկ, բայց ոչ՝ իրական հերոսին: Լուսանկարում իրականում շուն է:
Փետրվարի սկզբին Reddit և Twitter կայքերում տարածում է ստացել տարօրինակ կենդանու լուսանկարը, որը լրջորեն մոլորեցրել է օգտատերերին: 3Pelca ռեդդիտորը գրել է. «Սրա հետ ի՞նչն այն չէ»: Հրապարակումը ստացել է 17 հազար Up Vote: Կադրում անկողնուն պառկած է քառոտանի, որի տեսակը միանգամից հասկանալն այնքան էլ հեշտ չէ:
Դուք նո՞ւյնպես չհասկացաք, թե ով է նկարում: Մի անհանգստացեք, կայքի օգտատերերը նույնպես միանգամից չեն հասկացել. նրանց թվացել է, թե կադրում ինչ-որ երկկճղակավոր է:
Այլ օգտատերեր ևս «գլուխ են կոտրել»՝ նկարում տեսնելով միայն դեֆորմացված և սարսափելի կենդանու. ոչ գառնուկ է, ոչ էլ՝ քուռնակ: Նրանց օգնության են հասել սրտացավ ռեդդիտորներ:
Հատուկ նրանց համար, ովքեր դեռ չեն նկատել շանը, թվիթերյան օգտատերերը լուսանկարում նշումներ են կատարել:
Բայց նույնիսկ այն մարդիկ, ովքեր ինքնուրույն են գլուխ հանել, խոստովանել են, որ դրանից իրենք չեն թեթևացել: Թվում է՝ նկարն արժանի է հայտնվելու անիծյալ նկարների շարքում, այսինքն՝ այնպիսի նկարներից է, որոնք տհաճ զգացողություն են առաջացնում:
Իսկ նրանց համար, ովքեր դեռ ցավի պակաս ունեն, կան ավելի վատ նկարներ, որտեղ երաշխավորված է, որ շուն չեք գտնի:
Ձեր ուղեղը դեռ չի՞ կոտրվել: Հնարավոր է՝ 2017թ. օպտիկական պատրանքը կօգնի ձեզ այդ հարցում: Ի դեպ՝ օգտատերերից մեկն այն անվանել էր «շնահորթաուլիկ»:
Սպիտակ շան նկարը Reddit-ում հայտնվել է դեռևս 2019թ., բայց այն ժամանակ շատ չի տարածվել: Սկզբում ընդամենը 102 միավոր է վաստակել. հավանաբար մարդիկ չեն էլ մտածել, որ այնտեղ շուն է: Հրապարակման հեղինակ mmmckinnell-ը բացատրել է, որ շան անունը Դուգ է, որին վերցրել է կացարանից: Կենդանին ապրում է Ալյասկայի Վալդիզ քաղաքում: Հեղինակը գրել է, որ թեև շունը ֆոտոսիրահար չէ, հաճախ հիշեցնում է մուտանտ-հորթուկի:
2019թ. օգոստոսին մարդիկ գլուխ էին կոտրում օպտիկական պատրանքի համար, որում հնարավոր էր միաժամանակ տեսնել թռչնի և ճագարի: Բայց օգտատերերն ամեն դեպքում գլխի են ընկել, թե իրականում որ կենդանին էր:
Մեկնաբանությունները