Շունը պատռել է տիրոջ անձնագիրը՝ թույլ չտալով մեկնել Յուհան և փրկելով նրա կյանքը — Շեշտ.am (shesht.am)
3 րոպե
Խմբագրություն

Շունը պատռել է տիրոջ անձնագիրը՝ թույլ չտալով մեկնել Յուհան և փրկելով նրա կյանքը

Աղջիկը պատրաստվում էր հանգստի մեկնել՝ տեղյակ չլինելով, որ Յուհան քաղաքում նոր կորոնավիրուսի համաճարակ է բռնկվել: Կիմի անունով շան «չարաճճիության» կամ խելացիության շնորհիվ նա չի կարողացել տոմս գնել ու մեկնել:

Շունը պատառոտել է տիրոջ անձնագիրը / © @kimi0611

Ֆեյսբուքյան օգտատերը հրապարակել է քրքրված անձնագրի լուսանկարները, և հիմա բոլորը նրան հաջողակ են համարում: Բանն այն է, որ վնասված անձնագրով նա չի կարողացել տոմս գնել և մեկնել չինական Յուհան քաղաք. այն նույն քաղաքը, որտեղից հենց այնպես դուրս գալը դժվար է:

Հունվարի 13-ին շների արարքներին նվիրված խմբում հայտնվել է Թայվանի (ՉԺՀ-ի՝ վերջինից անջատվելու և անկախության ձգտող նահանգ) բնակչի հրապարակումը:

Աղջիկը պատմել է, որ տուն վերադառնալիս հայտնաբերել է, որ Կիմի անունով շունը մեղավոր հայացքով պառկած է պատառոտված անձնագրի կողքին:

Անձնագիրն այնպես է վնասված եղել, որ արդեն անպիտան էր. պետք էր վերականգնել: Շունը կերել էր որոշ էջեր, մյուսները ծամծմել ու պոկել էր:

Աղջկա համար շատ անցանկալի երևույթ էր տեղի ունեցել, քանի որ նա նախատեսել էր մեկնել չինական Յուհան քաղաք՝ հարազատներին այցի, և պատրաստվում էր տոմսերը գնել: Հիասթափվելով՝ հրապարակել էր լուսանկարները՝ մարդկանց կոչ անելով ցավակցել իրեն: Սակայն շուտով հրապարակման տակ հայտնվեցին շնորհավորանքներ:

Բանն այն է, որ Յուհանում է դեկտեմբերի վերջին բռնկվել նախկինում անհայտ տեսակի՝ 2019-nCoV կորոնավիրուսը: Այդ մասին մենք արդեն մանրամասն տեղեկացրել ենք:

Հունվարի 13-ին այդ մասին տեղեկությունները դեռ նոր-նոր էին հրապարակվում: Միայն քչերն էին հասկանում, որ աղջկան հաջողությունը ժպտացել է՝ անձնագրից զրկվելով:

Հաջորդ օրը Կիմիի տերը կրկին գրառում է կատարել՝ նվիրված իր սիրելի կենդանուն:

Սա պատահականությո՞ւն է, թե՞ Կիմին իսկապես խելացի է. դժվար է պատասխանել: Բայց հստակ է, որ իր արարքով շունը, հնարավոր է, իսկապես փրկել է տիրուհուն:

Ներկայումս Յուհանը վերածվել է փակ քաղաքի: Իսկ համաճարակն արդեն դուրս է եկել քաղաքի սահմաններից և շարունակում է տարածվել ամբողջ աշխարհում:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.