ԱԺ-ն առաջին ընթերցմամբ ընդունեց «Ապօրինի ծագում ունեցող գույքի բռնագանձման մասին» օրենքի նախագիծը
Օրենքը տարածվելու է մինչև 1991թ. կատարված ապօրինությունների վրա, վերաբերելու է ոչ միայն գույքին, այլև՝ արժեթղթերին: Ապօրինի ծագում ունենալու կանխավարկածը կարող է հերքվել պատասխանողի կողմից՝ գույքի ձեռքբերումը հիմնավորվող ապացույցների ներկայացմամբ:
ՀՀ Ազգային ժողովն առաջին ընթերցմամբ 100 կողմ, 2 դեմ և 18 ձեռնպահ ձայների հարաբերակցությամբ ընդունեց կառավարության կողմից ներկայացված «Ապօրինի ծագում ունեցող գույքի բռնագանձման մասին» և կից ներկայացված օրենքների նախագծերի փաթեթը: Դրանով նախատեսվում է օրինական եկամտի աղբյուրով չհիմնավորված գույքի բռնագանձում:
Նախագիծն ԱԺ-ում ներկայացրել է Արդարադատության նախարար Ռուստամ Բադասյանը: Օրենքով նախատեսվում է, որ ապօրինի ծագում ունենալու կանխավարկածը կարող է հերքվել պատասխանողի կողմից՝ գույքի ձեռքբերումը հիմնավորվող ապացույցների ներկայացմամբ:
Օրինագիծը նախատեսում է իրավասու մարմնի գործունեության և քաղաքացիական դատավարության ընթացակարգային նոր կանոններ, որոնցով կիրականացվեն ակտիվների ուսումնասիրություն և հօգուտ պետության բռնագանձում: Հաղորդվում է, որ իրավասու մարմինը գործելու է Գլխավոր դատախազության կազմում: Բռնագանձումը տարածվելու է այն դեպքերի վրա, երբ եկամուտների և ձեռք բերված գույքի տարբերությունը 25 մլն դրամ և ավելին է: Ընդգծենք, որ խոսքը ոչ թե գույքի արժեքի մասին է, այլ՝ տվյալ ժամանակահատվածում ստացած օրինական եկամուտների և ձեռք բերված չհիմնավորված գույքի կամ արժեթղթերի տարբերության:
Նախարար Բադասյանը նշել է, որ օրենքը տարածվելու է մինչև 1991թ.: Վարչապետի խորհրդական, տնտեսագիտության թեկնածու Մեսրոպ Առաքելյանը նշել է, որ նախագիծը հեղափոխությունից հետո անցումային արդարադատության կարևորագույն գործիքներից մեկն է լինելու:
Առաքելյանի խոսքով՝ գույքը ներառում է ոչ միայն անշարժ գույքը, այլև արժեթղթերը: Պատգամավորներն իրենց ելույթների ժամանակ նշել են, որ օրենքի նպատակը ոչ միայն նախկին ապօրինությունները վերացնելն է, այլև ապագայում դրանք կանխելը:
Բարգավաճ Հայաստան խմբակցությունը ձեռնպահ է քվեարկել՝ դիրքորոշումը երկրորդ ընթերցման ժամանակ ներկայացնելու պայմանով՝ նշելով, որ կներկայացնեն առաջարկություններ: Լուսավոր Հայաստան խմբակցությունը կողմ է քվեարկել՝ կրկին խոստանալով մինչև երկրորդ ընթերցում առաջարկություն ներկայացնել:
Telegram 
Facebook 
Google News Ֆիզիկոսների տեսական հաշվարկները ցույց են տվել, որ լույսի քվանտային տատանումները կարող են փոխել ատոմներից արձակվող էլեկտրոնների ազդանշանը։ Այդ փոփոխությունը չափման մեջ կարող է երևալ որպես մի քանի տասնյակ ատտովայրկյանի լրացուցիչ ուշացում՝ լույսի հատկությունները հետազոտելու նոր հնարավորություն տալով։
Միկրոպլաստիկի մասնիկները ջրում կարող են ինքնաբերաբար առաջացնել թթվածնի ակտիվ ձևեր, այդ թվում՝ հիդրօքսիլ ռադիկալներ։ Նոր լաբորատոր հետազոտությունը բացահայտում է հնարավոր մեխանիզմ, որով պլաստիկի մանր մասնիկները կարող են վնասել կենսաբանական մոլեկուլներն ու բջիջները։
Գերմանիայի Հելֆտա թագավորական նստավայրի պեղումներում հայտնաբերվել է X դարի քարե շենք՝ նկուղով և լավ պահպանված մուտքի աստիճաններով։ Դրա նշանակությունը դեռ պարզ չէ․ հնագետները քննարկում են հյուրատան կամ նստավայրի կառավարչի տան վարկածները։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Էկվադորի Ամազոնիայում հայտնաբերված Taczanowskia waska սարդի մարմնի ելուստները սնկային գոյացություններ են հիշեցնում։ Հետազոտողների վարկածով՝ այդ նմանությունը կարող է օգնել նրան խուսափել գիշատիչներից կամ աննկատ որսալ։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները