Ադրբեջանցի բարձրաստիճան հրամանատարները մաքուր հայերեն էին խոսում. Հայկ Խանումյան — Շեշտ.am (shesht.am)
4 րոպե
Խմբագրություն

Ադրբեջանցի բարձրաստիճան հրամանատարները մաքուր հայերեն էին խոսում. Հայկ Խանումյան

Խանումյանի գնահատմամբ՝ այս պատերազմում հնարավոր էր չպարտվել, եթե կազմակերպվածությունն ավելի բարձր մակարդակի վրա գտնվեր: Նա բերել է Հադրութի և Մարտունու շրջանների համեմատությունը՝ նշելով, որ թեև Մարտունին ամենաշատն է ռմբակոծվել, սակայն մինչև վերջ պահել է դիրքերը:

Խծաբերդ-Խանձաձոր հատվածի տղաները / © Հայկ Խանումյանի ֆբ էջից

Արցախի Ազգային ժողովի պատգամավոր (Ազգային վերածնունդ կուսակցություն) Հայկ Խանումյանը Թաթուլ Հակոբյանի հետ հարցազրույցի ժամանակ ուշագրավ դրվագներ է պատմել՝ նշելով պարտության հիմնական պատճառները, գոյություն ունեցած խնդիրները:

Խանումյանի խոսքով՝ ադրբեջանական զինուժը բավականին պատրաստված է եղել, իսկ հայկական կողմի մոտ բազմաթիվ թերացումներ են եղել: Նրա գնահատմամբ՝ այս պատերազմում հնարավոր էր չպարտվել, եթե կազմակերպվածությունն ավելի բարձր մակարդակի վրա գտնվեր: Մասնավորապես՝ առավել անկազմակերպ է եղել Հադրութի շրջանի ղեկավարությունը՝ ի տարբերություն Մարտունու, ինչի հետևանքով էլ Մարտունին, որն ամենաշատ հրթիռակոծության ու ավիահարվածների ենթարկված հատվածն է, կանգուն է մնացել, մինչդեռ Հադրութը ճեղքվել է՝ բացելով դեպի Շուշի տանող ճանապարհը:

Խանումյանն ընդգծել է, որ թշնամին ունեցել է ոչ միայն տեխնոլոգիական և ռազմական առավելություն, այլև՝ գաղափարական և կրթական. սպանված ադրբեջանցիներից մեկի պայուսակում կրոնաքաղաքական գիրք են հայտնաբերել, իսկ բարձրաստիճան հրամկազմը խոսել է մաքուր հայերենով: Պարզվել է, որ ադրբեջանցիները ոչ թե Հայաստանում, հայերի հետ ապրելով են լեզուն սովորել, այլև նպատակադրված քաղաքականություն է տարվել՝ պատրաստվելով պատերազմին:

Հիմնական խնդիրներից Խանումյանը նշել է նաև անկազմակերպ նահանջը, որն ըստ նրա, արագ փախուստ է եղել՝ թշնամուն հնարավորություն տալով առանց մարտերի հանգիստ առաջ շարժվել հարավային ուղղությամբ:

Խանումյանն անդրադարձել է նաև հակառակորդի կիրառած մարտավարությանը՝ ընդգծելով, որ Սիրիայի Աֆրինում կիրառված հնարքը՝ ճեղքում, թիկունքի կազմաքանդում, մեծապես նպաստել է թշնամու հաջողությանը: Արցախի Պաշտպանության բանակը, ինչպես նշում է, իրենից ենթադրել է առաջնագծում կանգնած զինվորներ, որոնց մեծ մասը մինչև վերջ շարունակել են պահել իրենց դիրքերը, սակայն թիկունքն արդեն կազմալուծված է եղել: Պատգամավորը մատնանշել է թիկունքում՝ աշխարհազորային ջոկատների կազմավորման գործընթացի հապաղումը, որը, նրա խոսքով, կկարողանար ամուր պահել նաև թիկունքը:

Հիշեցնենք, որ Խանումյանի ջոկատը մարտեր է մղել Հադրութի գյուղերում և մինչև վերջ պահել Խծաբերդ և Հին Թաղեր գյուղերի դիրքերը (ըստ քարտեզի՝ դրանք ադրբեջանական վերահսկողության ներքո են, սակայն, իրականում հայ դիրքապահները թույլ չեն տվել գրավել դրանք. հարցը մնում է չլուծված, խմբ.):

Ամենաընթերցվածը

1 րոպե
Խմբագրություն

Թուրքիայում ռուս զբոսաշրջիկների մասնակցությամբ ավտոտրանսպորտային խոշոր պատահար է գրանցվել: Ռուսական աղբյուրները բարձրաձայնում են, որ ռուս զբոսաշրջիկները չպետք է այցելեն «թշնամական երկրներ»` Թուրքիա և Վրաստան:

3 րոպե
Խմբագրություն

Յաքըշը բացառել է պատերազմի հավանականությունը` նշելով, որ տարբեր տարածաշրջաններում առկա տարաձայնությունները չեն ազդում համագործակցության այլ ուղղությունների վրա: Նրա կանխատեսմամբ` երկու երկրների միջև հարաբերությունները շարունակելու են բարգավաճել:

1 րոպե
Խմբագրություն

Հայկական անօդաչու թռչող սարքեր արտադրող Davaro ընկերության տնօրեն Դավիթ Գալոյանն իր ֆեյսբուքյան էջում հրապարակել է սեփական արտադրության «DEV-3» և «DEV-4» ԱԹՍ-ները:

8 րոպե
Խմբագրություն

Կասպից ծովով կարող է անցնել թուրքմենական գազն Ադրբեջանով ու Թուրքիայով Եվրոպա հասցնող գազատարը, ինչպես նաև Չինաստանից Եվրոպա ձգվող «Միջին միջանցքը»: 2018թ.-ի Կոնվենցիայով Մոսկվային համաձայնությունը պարտադիր չէ, սակայն մեծապես կվնասեն «Գազպրոմին» և ռուսական տարանցիկ ուղիներին:

3 րոպե
Խմբագրություն

Վարչապետն ընդգծել է, որ Սու-30ՍՄ ինքնաթիռները ժամանակակից բազմաֆունկցիոնալ կործանիչներ են, և դրանց գնումը նախատեսված է ինչպես երկկողմ պայմանագրային փաստաթղթերով, այնպես էլ ազգային Զինված ուժերի զարգացման ծրագրով:

2 րոպե
Խմբագրություն

Գերիների շահերի ներկայացուցիչ Սիրանուշ Սահակյանի խոսքով` մոտ 200 գերիների վերադարձման դիմաց առաջ քաշված պայմաններն են` ՀՀ զինված ուժերի դուրսբերումն Արցախի տարածքից, Տիգրանաշենի հանձնումը, Կարմիր Շուկա ավտոճանապարհի նկատմամբ վերահսկողությունը:

1 րոպե
Խմբագրություն

Հաղորդվում է, որ Արցախում մնալու են միայն այն ստորաբաժանումները, որոնք կազմված են տեղի բնակիչներից: Հայաստանի ժամկետային զինծառայողներին այլևս ծառայության չեն ուղարկելու Արցախ:

2 րոպե
Խմբագրություն

Նշվում է, որ զինտեխնիկայի տեղափոխման նպատակը Հայաստանի Սյունիքի մարզում գործողություններն են: Իրանական աղբյուրը շեշտում է, որ լայնամասշտաբ պատերազմը կանխելու նպատակով անհրաժեշտ է իրանական զինուժն անհապաղ տեղակայել հայ-նախիջևանյան սահմանի երկայնքով:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.