Նախկին պատգամավորը չի բացառում Սյունիքում «փոքր պատերազմի» հավանականությունը
Ընդդիմադիր քաղաքական գործիչ Ռուբեն Հակոբյանը քիչ հնարավոր է համարում, որ Ադրբեջանի հետ նոր լայնածավալ պատերազմ կսկսվի, սակայն չի բացառում առաջիկայում տեղային ռազմական գործողությունների հավանականությունը:
Ընդդիմադիր քաղաքական գործիչ Ռուբեն Հակոբյանը քիչ հնարավոր է համարում, որ Ադրբեջանի հետ նոր լայնածավալ պատերազմ կսկսվի, սակայն չի բացառում առաջիկայում տեղային ռազմական գործողությունների հավանականությունը:
Նրա խոսքով` ադրբեջանական կողմը միտումնավոր դիմում է սադրանքների` ակնկալելով հայկական զինուժի պատասխանը, որպեսզի տեղային պատերազմ սկսի և ճանապարհ բացի դեպի Նախիջևան: Ռուբեն Հակոբյանը վստահ է, որ Բաքվի համար «միջանցքն» առաջնահերթություն է, քանի որ դա է եղել 2020թ. աշնանն Արցախի դեմ սանձազերծած պատերազմում Թուրքիայի կողմից Ադրբեջանին ցուցաբերված աջակցության «նախապայմանը»:
Հակոբյանի դիտարկմամբ` Հայաստանը լայնածավալ պատերազմի հնարավորություն չունի, իսկ Ադրբեջանը` ցանկություն, սակայն քաղաքագետը չի բացառում, որ Բաքուն իր նպատակներին հասնելու համար առանձին վայրերում կդիմի ռազմական գործողությունների:
Նրա համոզմամբ` Հայաստանը կորցրել է ինքնիշխանությունը, անվտանգության համակարգը ջախջախված է, իսկ Ադրբեջանն օգտվելու է դրանից` անելով այն, ինչ չարեց հայկական կողմն 90-ականներին:
Խորհրդարանի նախկին պատգամավորն անհրաժեշտ է համարում, այդ իրողությունները հաշվի առնելով, ձերբազատվել գործող իշխանությունից` «որքան շուտ, այնքան լավ»:
Հակոբյանը գործող իշխանություններին նաև մեղադրում է դավաճանության մեջ` նշելով, որ հստակ բացատրություններ չեն տրվել, թե ինչպես է գրավվել Շուշին, ինչու պատերազմը հոկտեմբերին դադարեցնելու համաձայնություն չի տրվել:
Մեկնաբանությունները