Tesla-ն 2019թ. ավելի շատ էլեկտրոմոբիլ է վաճառել, քան նախորդ 2 տարիներին միասին
Ընկերությունն իր առաջ դրած խնդիրը լուծել է Model 3-ի արտադրությամբ: 2019-ին վաճառել է 367,5 հազար էլեկտրոմոբիլ:
Tesla-ն 2019թ. ընթացքում վաճառել է 367,5 հազար էլեկտրոմոբիլ. սա ընկերության համար պատմական ցուցանիշ է: Թեև Tesla-ն չի արդարացրել 400 հազարի հասցնելու իր սպասումները, սակայն գերազանցել է իր առաջ դրած նպատակի նվազագույն շեմը՝ 360 հազարը:
Tesla ընկերությունը չի համագործակցում ավտոսրահների հետ: Այստեղ հաշվված են միայն այն մեքենաները, որոնք անմիջապես առաքվել են գնորդին՝ գնումից և փաստաթղթերի ձևակերպումից հետո: Արտադրողի տվյալներով՝ միայն 2019թ. 4-րդ քառորդին վաճառվել է 92,5 հազար հատ Model 3s: Հաղորդվել է նաև, որ Ամանորից առաջ Շանհայում բացված գործարանն արդեն հազար հատ Tesla է թողարկել:
2019թ.-ը Tesla-ն մեկնարկել էր առաջին քառորդում 702 մլն դոլար վնասով: Ընկերությունը նաև բախվել էր ակցիաների փոխարժեքի անկմանը՝ իջնելով մինչև 180 դոլար/հատ: Սա վերջին 3 տարիների ամենավատ արդյունքն է: 2020թ.-ը Tesla-ն մեկնարկել է 400 դոլարանոց ակցիաներով:
Մեկնաբանությունները